ಫಸ್ಟ್‌ ಫಿಮೇಲ್‌ ಥೋರ್‌ ಪಾತ್ರಕ್ಕೆ ನಟಾಲಿ ಪೋರ್ಟ್‌ಮನ್‌

ಹಾಲಿವುಡ್‌ ನಟಿ ನಟಾಲಿ ಪೋರ್ಟ್‌ಮನ್‌ ಅವರಿಗೆ ಸಿನಿಮಾವೊಂದರಲ್ಲಿ ಮೊದಲ ಮಹಿಳಾ ಥೋರ್‌ ಪಾತ್ರದಲ್ಲಿ ಕಾಣಿಸಿಕೊಳ್ಳುವ ಅವಕಾಶ ಸಿಕ್ಕಿದೆ. ಥೋರ್‌: ಲವ್‌ ಆ್ಯಂಡ್‌ ಥಂಡರ್‌ ಸಿನಿಮಾದಲ್ಲಿ ಅವರು ಮಹಿಳಾ ಥೋರ್‌ ಆಗಿ ನಟಿಸಲಿದ್ದಾರೆ. ಈ ಸಿನಿಮಾದ ಈ ಹಿಂದಿನ ಸರಣಿಗಳಲ್ಲಿ ಅವರು ಜೇನ್‌ ಫಾಸ್ಟರ್‌ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದರು. ಇದೀಗ ಹೊಸ ಸಿನಿಮಾದಲ್ಲಿ ಅವರು ಫಿಮೇಲ್‌ ಥೋರ್‌ ಆಗಿ ಪ್ರೇಕ್ಷ ಕರನ್ನು ರಂಜಿಸಲಿದ್ದಾರೆ ಎಂದು ತಿಳಿದುಬಂದಿದೆ.

ಅವೆಂಜರ್ಸ್‌ ಸಿನಿಮಾಗಳ ಥೋರ್‌ ತುಂಬಾ ಜನಪ್ರಿಯವಾಗಿರುವ ಪಾತ್ರ. ನಟ ಕ್ರಿಸ್‌ ಹೆಮ್ಸ್‌ವರ್ತ್‌ ಈ ಪಾತ್ರದ ಮೂಲಕ ಮನೆಮಾತಾಗಿದ್ದಾರೆ. ಈಗ ನಟಾಲಿ ಪೋರ್ಟ್‌ಮನ್‌ ಮಹಿಳಾ ಥೋರ್‌ ಮೂಲಕ ಯಾವ ರೀತಿಯ ಮೋಡಿ ಮಾಡಲಿದ್ದಾರೆ ಎಂದು ಸಿನಿ ಪ್ರಿಯರು ಕಾತರದಿಂದ ಕಾಯುತ್ತಿದ್ದಾರೆ. ಥೋರ್‌: ಲವ್‌ ಆ್ಯಂಡ್‌ ಥಂಡರ್‌ ಸಿನಿಮಾ 2021ರಲ್ಲಿ ಬಿಡುಗಡೆಯಾಗಲಿದೆ.