ಚೂರುಚೂರಾಯಿತು ನಟ ನವಾಜುದ್ದೀನ್ ಸಿದ್ದಿಕಿ ದಾಂಪತ್ಯ ಬದುಕು, ವಿಚ್ಛೇದನಕ್ಕೆ ಪತ್ನಿ ಮೊರೆ

ಎರಡು ತಿಂಗಳ ಲಾಕ್‍ಡೌನ್ ಸಮಯ ನನ್ನನ್ನು ನಾನು ಅರಿಯಲು ತುಂಬಾ ಸಹಕಾರಿ ಆಯಿತು. ಯಾವುದೇ ದಾಂಪತ್ಯ ಜೀವನ ನಿಲ್ಲವೇಕಾದರೆ ಆತ್ಮಗೌರವ ತುಂಬಾ ಮುಖ್ಯ. ಆದರೆ ನನಗದು ಸಿಗಲಿಲ್ಲ. ಸದಾ ಏಕಾಂಗಿ ಎಂಬ ಭಾವನೆ ಬರುತ್ತಿತ್ತು. ಇವರ ಸಹೋದರ ಶಮಾಸ್‌ದು ಇನ್ನೊಂದು ಸಮಸ್ಯೆ ಇದೆ. ನಾನು ನನ್ನ ಮೂಲ ಹೆಸರು ಅಂಜನಾ ಕಿಶೋರ್ ಪಾಂಡೆಯಾಗಲು ಬಯಸುತ್ತೇನೆ. ಇನ್ನೊಬ್ಬರ ಹೆಸರನ್ನು ನನ್ನೊಂದಿಗೆ ಸೇರಿಸಿಕೊಂಡು ಬದುಕಲು ಇಷ್ಟವಿಲ್ಲ" ಎಂದಿದ್ದಾರೆ.

ಜೀವನ ಹೇಗೆ ನಡೆಸಿಕೊಂಡು ಹೋಗುತ್ತದೋ ಹಾಗೆ ನಡೆಯಬೇಕೆಂದಿದ್ದೇನೆ. ಭವಿಷ್ಯದ ಬಗ್ಗೆ ಹೆಚ್ಚಾಗಿ ಏನೂ ಯೋಚಿಸಲ್ಲ. ಆದರೆ ಈ ಮದುವೆ ಮಾತ್ರ ನನಗೆ ಸಾಕಾಗಿ ಹೋಗಿದೆ. ಇನ್ನು ಅವರ ಜೊತೆಗೆ ಬಾಳಲು ನನಗಿಷ್ಟವಿಲ್ಲ. ಮತ್ತೆ ಒಂದಾಗುವ ಯಾವ ದಾರಿಗಳೂ ಇಲ್ಲ ಎಂದಿದ್ದಾರೆ. ಈ ಜೋಡಿಗೆ ಇಬ್ಬರು ಮಕ್ಕಳೂ ಇದ್ದಾರೆ. ಮಕ್ಕಳನ್ನು ತನ್ನ ಸುಪರ್ದಿಗೆ ತೆಗೆಕೊಳ್ಳುವುದಾಗಿ ತಿಳಿಸಿದ್ದಾರೆ ಆಲಿಯಾ.

ಆಲಿಯಾ ಪರ ವಕೀಲರು ಮಾತನಾಡುತ್ತಾ, "ಮೇ 7, 2020ರಂದು ನವಾಜುದ್ದೀನ್ ಸಿದ್ದಿಕಿ ಅವರಿಗೆ ಲೀಗಲ್ ನೋಟಿಸ್‌ನ್ನು ಇ-ಮೇಲ್ ಹಾಗೂ ವಾಟ್ಸಪ್ ಮೂಲಕ ಕಳುಹಿಸಿದ್ದೇವೆ. ಲಾಕ್‍ಡೌನ್ ಕಾರಣ ಪೋಸ್ಟ್ ಮುಖಾಂತರ ಕಳುಹಿಸಲು ಸಾಧ್ಯವಾಗಲಿಲ್ಲ. ನಮ್ಮ ಕಕ್ಷಿದಾರರಾದ ಶ್ರೀಮತಿ ಸಿದ್ಧಿಕಿ ಅವರು ನೋಟಿಸ್ ಕಳುಹಿಸಿದ್ದು ಇದುವರೆಗೂ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ. ಡಿವೋರ್ಸ್ ಹಾಗೂ ಜೀವನಾಂಶ ಬಯಸಿರುವುದಾಗಿ ನೋಟಿಸ್ ನಲ್ಲಿ ತಿಳಿಸಲಾಗಿದೆ. ನೋಟಿಸ್‌ನಲ್ಲಿ ಏನೆಲ್ಲಾ ಮಾಹಿತಿ ಇದೆ ಎಂಬುದನ್ನು ಬಹಿರಂಗಪಡಿಸಲು ಸಾಧ್ಯವಿಲ್ಲ. ನೋಟಿಸ್‌ನಲ್ಲಿ ಅವರ ಕುಟುಂಬದ ಬಗ್ಗೆ ಗಂಭೀರ ಹಾಗೂ ಸೂಕ್ಷ್ಮ ಆರೋಪಗಳಿವೆ" ಎಂದಿದ್ದಾರೆ. ಈ ಬಗ್ಗೆ ನವಾಜುದ್ದೀನ್ ಸಿದ್ದಿಕಿ ಅವರನ್ನು ಸಂಪರ್ಕಿಸಿದಾಗ ಪ್ರತಿಕ್ರಿಯಿಸಲು ಅವರು ನಿರಾಕರಿಸಿದ್ದಾರೆ.

ಆಲಿಯಾ ಅವರು ತುಂಬಾ ನರಳಿದ್ದಾರೆ. ಇಬ್ಬರು ಮಕ್ಕಳನ್ನೂ ಇವರೇ ನೋಡಿಕೊಳ್ಳುತ್ತಿದ್ದಾರೆ. ಸದ್ಯಕ್ಕೆ ಮುಂಬೈನಲ್ಲಿ ವಾಸವಾಗಿದ್ದು, ಮಕ್ಕಳನ್ನು ನೋಡಿಕೊಂಡು ಜೀವನ ಸಾಗಿಸುವುದು ತುಂಬಾ ಕಷ್ಟಕರವಾಗಿದೆ. ಒಂದು ವೇಳೆ ತಂದೆಯೂ ಜೊತೆಗಿದ್ದರೆ ಆ ಸಂಸಾರಕ್ಕೆ ಆಧಾರಸ್ತಂಭದಂತೆ ಇರುತ್ತಿದ್ದರು. ಇಲೆಕ್ಟ್ರಾನಿಕ್ ಮಾಧ್ಯಮದ ಮೂಲಕವೂ ನೋಟಿಸ್ ಕಳುಹಿಸಬಹುದು. ಇದಕ್ಕೆ ಮಾನ್ಯತೆಯೂ ಇದೆ. ನೋಟಿಸ್ ಸ್ವೀಕರಿಸಿದ ಹದಿನೈದು ದಿನಗಳಲ್ಲಿ ನವಾಜುದ್ದೀನ್ ಉತ್ತರಿಸಬೇಕಾಗಿದೆ ಎಂದು ಆಲಿಯಾ ಪರ ವಕೀಲರು ತಿಳಿಸಿದ್ದಾರೆ. ಒಟ್ಟಾರೆ ಬಾಲಿವುಡ್‌ನ ಮತ್ತೊಂದು ತಾರಾ ಜೋಡಿ ಡಿವೋರ್ಸ್‌ಗೆ ಮುಂದಾಗಿದೆ.

ಈದ್‌ ಆಚರಿಸಲು ಊರೂರು ಸುತ್ತಿದ ನವಾಜುದ್ದೀನ್ ಸಿದ್ದಿಕಿ! ಇಡೀ ಕುಟುಂಬವೇ ಈಗ ಕ್ವಾರಂಟೈನ್‌ನಲ್ಲಿ!