ರಿಸೆಪ್ಷನ್‌ಗೆ ಕತ್ರಿನಾ ಬರುವುದು ಬೇಡವೆಂದ ದೀಪಿಕಾ

ಡಿಸೆಂಬರ್‌ 1 ರಂದು ಮುಂಬಯಿಯಲ್ಲಿ ಬಾಲಿವುಡ್‌ ಗಣ್ಯರಿಗೆ ಆಯೋಜಿಸಲಾಗಿರುವ ತಮ್ಮ ವೆಡ್ಡಿಂಗ್‌ ರಿಸೆಪ್ಷನ್‌ಗೆ ನಟಿ ಕತ್ರಿನಾ ಕೈಫ್‌ ಬರುವುದು ಬೇಡ ಎಂದು ದೀಪಿಕಾ ಪಡುಕೋಣೆ ಹೇಳಿದ್ದಾರಂತೆ. ಮದುವೆಯ ಮೊದಲೇ ಕೆಲವು ಪತ್ರಕರ್ತರು ದೀಪಿಕಾ ಬಳಿ ಕತ್ರಿನಾರನ್ನು ಆಹ್ವಾನಿಸುವಿರಾ ಎಂದು ಕೇಳಿದ ಪ್ರಶ್ನೆಗೆ ಡಿಪ್ಪಿ ನೋ ಎಂದಿದ್ದರು. ಇದೀಗ ಅವರು ರಿಸೆಪ್ಷನ್‌ನ ಆಹ್ವಾನ ಪತ್ರಿಕೆಯನ್ನೂ ಕತ್ರಿನಾರಿಗೆ ಕಳುಹಿಸಿಲ್ಲ. ಕ್ಯಾಟ್‌ ಮೇಲೆ ದೀಪಿಕಾರಿಗೆ ಇರುವ ಹಳೆಯ ಮುನಿಸೇ ಇದಕ್ಕೆ ಕಾರಣ.

ಈ ಮೊದಲು ದೀಪಿಕಾ ಪಡುಕೋಣೆ ನಟ ರಣಬೀರ್‌ ಕಪೂರ್‌ ಜೊತೆ ಡೇಟಿಂಗ್‌ನಲ್ಲಿದ್ದಾಗ ಕತ್ರಿನಾ ಕೈಫ್‌ ಮಧ್ಯೆ ಪ್ರವೇಶದಿಂದ ಅವರಿಬ್ಬರ ಮಧ್ಯೆ ಬ್ರೇಕಪ್‌ ಆಗಿತ್ತು. ಬಳಿಕ ಕತ್ರಿನಾ, ರಣಬೀರ್‌ ಕಪೂರ್‌ ಜೊತೆ ಡೇಟಿಂಗ್‌ನಲ್ಲಿದ್ದರು. ಈ ಕಾರಣಕ್ಕೆ ಡಿಪ್ಪಿಗೆ ಕತ್ರಿನಾ ಅಂದರೆ ಅಷ್ಟಕಷ್ಟೆ. ಇದೀಗ ಅವರಿಗೆ ರಿಸೆಪ್ಷನ್‌ ಆಹ್ವಾನವನ್ನೂ ನೀಡಿಲ್ಲ. ಆದರೆ ವಿಚಿತ್ರವೆಂಬಂತೆ ದೀಪಿಕಾ ಪತಿ ರಣವೀರ್‌ ಸಿಂಗ್‌ ಅವರು ಕತ್ರಿನಾ ಕೈಫ್‌ಗೆ ಆಹ್ವಾನ ಪತ್ರಿಕೆ ಕಳುಹಿಸಿದ್ದಾರೆ. ಕತ್ರಿನಾ ಕೂಡಾ ಸಮಾರಂಭಕ್ಕೆ ಹೋಗಲು ರೆಡಿಯಾಗಿದ್ದಾರಂತೆ.