ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾದ ಬಾಲಿವುಡ್ ನಟ ಆಸಿಫ್ ಬಸ್ರಾ!

'ಪಾತಾಳ್ ಲೋಕ್' ವೆಬ್ ಸಿರೀಸ್‌, 'ಕೈ ಪೊ ಚೆ' ಸಿನಿಮಾದಲ್ಲಿ ನಟಿಸಿದ್ದ ನಟ ಆಸಿಫ್ ಬಸ್ರಾ ಧರ್ಮಶಾಲಾದ ಖಾಸಗಿ ಕಟ್ಟಡದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಪತ್ತೆಯಾಗಿದ್ದಾರೆ. ಇವರಿಗೆ 53 ವರ್ಷ ವಯಸ್ಸಾಗಿತ್ತು. ಈಗಾಗಲೇ ಇದರ ತನಿಖೆ ನಡೆಯುತ್ತಿದೆಯಂತೆ.

ಹಾಟ್‌ಸ್ಟೇಜಸ್‌ನ ಸಿರೀಸ್‌ನಲ್ಲಿ ಆಸಿಫ್ ಕಾಣಿಸಿಕೊಂಡಿದ್ದರು. ಪಾತಾಳ್ ಲೋಕ್‌ ಸಿರೀಸ್‌ನಲ್ಲಿ ಅವರು ಸೀನಿಯರ್ ಎಕ್ಸಿಕ್ಯುಟಿವ್ ಆಫೀಸರ್ ಆಗಿ ಅಭಿನಯಿಸಿದ್ದರು. 'ಜಬ್ ವಿ ಮೆಟ್', 'ಒನ್ಸ್ ಅಪೋನ್ ಅ ಟೈಮ್ ಇನ್ ಮುಂಬೈ', 'ಕ್ರಿಶ್ 3', 'ಏಕ್ ವಿಲನ್' ಮುಂತಾದ ಸಿನಿಮಾಗಳಲ್ಲಿ ಇವರು ಅಭಿನಯಿಸಿದ್ದಾರೆ. ಹಿಂದಿ, ಉರ್ದು, ಇಂಗ್ಲಿಷ್ ಭಾಷೆಯ ಅನೇಕ ನಾಟಕಗಳನ್ನು ವಿದೇಶದಲ್ಲಿ ಕೂಡ ಆಸಿಫ್ ಪ್ರದರ್ಶಿಸಿದ್ದರು.

ಮಹಾರಾಷ್ಟ್ರದ ಅಮರಾವತಿಯಲ್ಲಿ ಆಸಿಫ್ 1967ರಲ್ಲಿ ಜನಿಸಿದ್ದರು. ಮುಂಬೈನಲ್ಲಿ ನಟನಾ ತರಬೇತಿ ಕೂಡ ಪಡೆದಿದ್ದರು.