ಮೂರು ವರ್ಷ ಗ್ಯಾಪ್ ಬಗ್ಗೆ ಬಾಯಿ ಬಿಟ್ಟ ಪರಿಣಿತಿ ಚೋಪ್ರಾ

ವೃತ್ತಿ ಜೀವನದ ಉತ್ತುಂಗದಲ್ಲಿರುವಾಗಲೇ ಸುಮಾರು ಮೂರು ವರ್ಷಗಳ ತಾವು ಬಿಡುವು ತೆಗೆದುಕೊಂಡಿದ್ದ ವಿಚಾರದ ಹಿಂದಿನ ರಹಸ್ಯವನ್ನು ಬಾಲಿವುಡ್‌ ನಟಿ ಪರಿಣಿತಿ ಚೋಪ್ರಾ ಬಿಚ್ಚಿಟ್ಟಿದ್ದಾರೆ. 2014ರಲ್ಲಿ ಬಿಡುಗಡೆಯಾದ ಕಿಲ್‌ದಿಲ್‌ ಸಿನಿಮಾದಲ್ಲಿ ಗ್ಲಾಮರ್‌ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದ ಅದರ ಸೋಲಿನ ಬಳಿಕ ಸುಮಾರು ಕಾಲ ಅಜ್ಞಾತವಾಸದಲ್ಲಿದ್ದರು.

ಇತ್ತೀಚೆಗೆ ಚಾಟ್‌ ಶೋವೊಂದರಲ್ಲಿ ಈ ಕುರಿತು ಮಾತನಾಡಿದ ಪರಿಣಿತಿ, ತಮ್ಮ ಸಿನಿಮಾವನ್ನು ನೋಡಿದಾಗ ತೀರಾ ದಪ್ಪಗಾಗಿರುವಂತೆ ಅನ್ನಿಸಿತ್ತು. ಹೀಗಾಗಿ ಬಿಡುವು ತೆಗೆದುಕೊಂಡೆ ಎಂದು ಹೇಳಿದರು. ಈ ಮೂಲಕ 2014ರ ಕಿಲ್‌ದಿಲ್‌ ಮತ್ತು ದಾವತ್‌ ಎ ಇಷ್ಕ್‌ ಸಿನಿಮಾಗಳ ಹೀನಾಯ ಸೋಲು ತಾವು ಬಿಡುವು ತೆಗೆದುಕೊಳ್ಳಲು ಕಾರಣವಾಗಿರಲಿಲ್ಲ ಎಂದು ಸ್ಪಷ್ಟಪಡಿಸಿದರು.

'ಒಂದು ದಿನ ನಾನು ನನ್ನದೇ ಭಾವಚಿತ್ರವನ್ನು ನೋಡಿಕೊಂಡೆ. ಅದನ್ನು ನೋಡಿ ಎಷ್ಟು ಆತಂಕಕ್ಕೆ ಒಳಗಾದೆ ಎಂದರೆ ಅದು ನಾನೇ ಎಂದು ಗುರುತಿಸಲು ಕೂಡ ಕಷ್ಟವಾಯಿತು. 26 ವರ್ಷ ವಯಸ್ಸಿನ ಯುವತಿ ಅಷ್ಟು ದಪ್ಪವಾಗಿರಬಾರದಿತ್ತು. ಅದರಲ್ಲೂ ನಟಿಯಾಗಿ ಇದು ತುಂಬಾ ಕೆಟ್ಟದಾಗಿತ್ತು. ಅದೇ ಸಮಯದಲ್ಲಿ ನನ್ನ ಚಿತ್ರವೊಂದು ಸೋಲು ಕಂಡಿತು. ಆಗ ಇದುವೇ ಬಿಡುವುದು ತೆಗೆದುಕೊಳ್ಳಲು ತಕ್ಕ ಸಮಯ ಎಂದು ಅನಿಸಿತು' ಎಂದು ವಿವರಿಸಿದರು.