Pathaan Collection: ಸತತ ಏಳನೇ ದಿನವೂ ದಾಖಲೆ ಬರೆದ ಶಾರುಖ್ ಖಾನ್ ನಟನೆಯ ‘ಪಠಾಣ್’

ಬಾಲಿವುಡ್ ನಟ ಶಾರುಖ್ ಖಾನ್ ನಟನೆಯ ‘ಪಠಾಣ್’ ಸಿನಿಮಾ ದಿನಕ್ಕೊಂದು ದಾಖಲೆ ಬರೆಯುತ್ತಿದೆ. ’ಪಠಾಣ್’ ಸಿನಿಮಾ ಬಿಡುಗಡೆಯಾಗಿ ಇಂದಿಗೆ ಸರಿಯಾಗಿ ಒಂದು ವಾರ. ಒಂದು ವಾರದಲ್ಲಿ ಅನೇಕ ದಾಖಲೆಗಳನ್ನ ಧೂಳಿಪಟ ಮಾಡಿದೆ. ರಿಲೀಸ್ ಆದ ಏಳನೇ ದಿನವೂ ಬಾಕ್ಸ್ ಆಫೀಸ್‌ನಲ್ಲಿ ‘ಪಠಾಣ್’ ಸಿನಿಮಾ ರೆಕಾರ್ಡ್ ಸೃಷ್ಟಿಸಿದೆ ಅಂದ್ರೆ ನೀವು ನಂಬಲೇಬೇಕು. ಏಳನೇ ದಿನದ ಕಲೆಕ್ಷನ್ ಎಷ್ಟು?
‘ಪಠಾಣ್’ ಚಿತ್ರ ಬಿಡುಗಡೆಯಾದ ಏಳನೇ ದಿನ 20 ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡಿದೆ. ಆ ಮೂಲಕ ಬಾಲಿವುಡ್‌ನಲ್ಲಿ ‘ಪಠಾಣ್’ ಹೊಸ ಇತಿಹಾಸ ಸೃಷ್ಟಿಸಿದೆ. ಎಷ್ಟೋ ಚಿತ್ರಗಳು ರಿಲೀಸ್ ಆದ ಮೊದಲ ದಿನವೇ 20 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಲ್ಲ. ಅಂಥದ್ರಲ್ಲಿ ‘ಪಠಾಣ್’ ಸಿನಿಮಾ ಏಳನೇ ದಿನವೂ 20+ ಕೋಟಿ ದಾಟುತ್ತಿದೆ ಅಂದ್ರೆ ‘ಪಠಾಣ್’ ಕ್ರೇಜ್ ಸಿಕ್ಕಾಪಟ್ಟೆ ಇದೆ ಎಂದರ್ಥ. ಈ ಬಗ್ಗೆ ಟ್ರೇಡ್ ಎಕ್ಸ್‌ಪರ್ಟ್ ತರಣ್ ಆದರ್ಶ್ ಟ್ವೀಟ್ ಮಾಡಿದ್ದಾರೆ.

Pathaan Day 1 Collection: ಮೊದಲ ದಿನ 57 ಕೋಟಿ ಕಲೆಕ್ಷನ್‌ ಮೂಲಕ ಹೊಸ ಇತಿಹಾಸ ಸೃಷ್ಟಿಸಿದ ‘ಪಠಾಣ್’
ತರಣ್ ಆದರ್ಶ್ ಟ್ವೀಟ್
‘’’ಪಠಾಣ್’ ಚಿತ್ರದ ಆರ್ಭಟ ಮುಂದುವರಿದಿದೆ. ಮೊದಲ ದಿನ 55 ಕೋಟಿ, ಎರಡನೇ ದಿನ (ಗುರುವಾರ) 68 ಕೋಟಿ, ಶುಕ್ರವಾರ 38 ಕೋಟಿ, ಶನಿವಾರ 51.50 ಕೋಟಿ, ಭಾನುವಾರ 58.50 ಕೋಟಿ, ಸೋಮವಾರ 25.50 ಕೋಟಿ, ಮಂಗಳವಾರ 22 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಇದು ‘ಪಠಾಣ್’ ಚಿತ್ರದ ಹಿಂದಿ ವರ್ಷನ್‌ನ ಭಾರತದಲ್ಲಿನ ನೆಟ್ ಕಲೆಕ್ಷನ್ ರಿಪೋರ್ಟ್’’ ಎಂದು ತರಣ್ ಆದರ್ಶ್ ಟ್ವೀಟ್ ಮಾಡಿದ್ದಾರೆ.


ಒಟ್ಟಾರೆ ನೆಟ್ ಬಾಕ್ಸ್ ಆಫೀಸ್ ಕಲೆಕ್ಷನ್ ಎಷ್ಟು?
‘ಪಠಾಣ್’ ಚಿತ್ರದ ತಮಿಳು ಹಾಗೂ ತೆಲುಗು ವರ್ಷನ್ ಬುಧವಾರ 2 ಕೋಟಿ, ಗುರುವಾರ 2.50 ಕೋಟಿ, ಶುಕ್ರವಾರ 1.25 ಕೋಟಿ, ಶನಿವಾರ 1.75 ಕೋಟಿ, ಭಾನುವಾರ 2.25 ಕೋಟಿ, ಸೋಮವಾರ 1 ಕೋಟಿ, ಮಂಗಳವಾರ 1 ಕೋಟಿ ಗಳಿಸಿದೆ. ಒಟ್ಟಾರೆ 11.75 ಕೋಟಿ ರೂಪಾಯಿ ಗಳಿಸಿದೆ.

ರಿಲೀಸ್ ಆದ ಏಳು ದಿನಗಳಲ್ಲಿ ‘ಪಠಾಣ್’ ಚಿತ್ರದ ಹಿಂದಿ, ತೆಲುಗು, ತಮಿಳು ವರ್ಷನ್ ಭಾರತದಲ್ಲಿ 330.25 ನೆಟ್ ಕಲೆಕ್ಷನ್ ಮಾಡಿದೆ ಎಂದು ತರಣ್ ಆದರ್ಶ್ ಟ್ವೀಟಿಸಿದ್ದಾರೆ.

Shah Rukh Khan: ‘ನಾವ್ಯಾರೂ ಕೆಟ್ಟವರಲ್ಲ’ - ‘ಪಠಾಣ್’ ವಿವಾದದ ಬಗ್ಗೆ ಶಾರುಖ್ ಖಾನ್ ಮೊದಲ ಪ್ರತಿಕ್ರಿಯೆ

‘ಪಠಾಣ್’ ಸಿನಿಮಾ ಸೃಷ್ಟಿಸಿರುವ ದಾಖಲೆಗಳ ಪಟ್ಟಿ
*ಭಾರತದಲ್ಲಿ ಅತ್ಯಂತ ವೇಗವಾಗಿ 300 ಕೋಟಿ ಕ್ಲಬ್ ಸೇರಿದ ಹಿಂದಿ ಸಿನಿಮಾ (ಏಳು ದಿನಗಳು)
*ಅತೀ ಹೆಚ್ಚು ಓಪನ್ನಿಂಗ್ ಡೇ ಕಲೆಕ್ಷನ್ ಮಾಡಿದ ಹಿಂದಿ ಸಿನಿಮಾ (55 ಕೋಟಿ ರೂಪಾಯಿ)
*ರಜೆಯಿಲ್ಲದ ದಿನ ಅತೀ ಹೆಚ್ಚು ಕಲೆಕ್ಷನ್ ಮಾಡಿದ ಹಿಂದಿ ಸಿನಿಮಾ (55 ಕೋಟಿ ರೂಪಾಯಿ)
*ಒಂದೇ ದಿನದಲ್ಲಿ ಅತೀ ಹೆಚ್ಚು ಕಲೆಕ್ಷನ್ ಮಾಡಿದ ಹಿಂದಿ ಸಿನಿಮಾ (68 ಕೋಟಿ ರೂಪಾಯಿ)
*ಓವರ್‌ಸೀಸ್‌ನಲ್ಲಿ ಅತೀ ಹೆಚ್ಚು ಓಪನ್ನಿಂಗ್ ಪಡೆದ ಹಿಂದಿ ಸಿನಿಮಾ (36.69 ಕೋಟಿ ರೂಪಾಯಿ)
*ಭಾರತದಲ್ಲಿ ಅತ್ಯಂತ ವೇಗವಾಗಿ 200 ಕೋಟಿ ಕ್ಲಬ್ ಸೇರಿದ ಹಿಂದಿ ಸಿನಿಮಾ (ನಾಲ್ಕು ದಿನಗಳು)
*ಅತೀ ಹೆಚ್ಚು ವೀಕೆಂಡ್ ಕಲೆಕ್ಷನ್ ಮಾಡಿದ ಭಾರತೀಯ ಚಿತ್ರ (280.50 ಕೋಟಿ ನೆಟ್ ಕಲೆಕ್ಷನ್)

Deepika Padukone Emotional: ‘ಪಠಾಣ್’ ಯಶಸ್ಸಿಗೆ ದೀಪಿಕಾ ಪಡುಕೋಣೆ ‘ಆನಂದಭಾಷ್ಪ’
ಅಂದ್ಹಾಗೆ, ಸಿದ್ಧಾರ್ಥ್ ಆನಂದ್ ನಿರ್ದೇಶನದ ಸಿನಿಮಾ ‘ಪಠಾಣ್’. ಈ ಚಿತ್ರದಲ್ಲಿ ಶಾರುಖ್ ಖಾನ್, ದೀಪಿಕಾ ಪಡುಕೋಣೆ, ಜಾನ್ ಅಬ್ರಾಹಂ, ಸಲ್ಮಾನ್ ಖಾನ್ ಮುಂತಾದವರು ಅಭಿನಯಿಸಿದ್ದಾರೆ.