ಆ್ಯಪ್ನಗರ

Pathaan: 1000 ಕೋಟಿ ರೂಪಾಯಿಯತ್ತ ಮುನ್ನುಗ್ಗುತ್ತಿರುವ ‘ಪಠಾಣ್’: ಹೊಸ ದಾಖಲೆ ಬರೆದ ಶಾರುಖ್!

ಶಾರುಖ್ ಖಾನ್ ನಟನೆಯ ‘ಪಠಾಣ್’ ಸಿನಿಮಾ ಇಲ್ಲಿಯವರೆಗೂ 953 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಆ ಮೂಲಕ ‘ಪಠಾಣ್’ ಸಿನಿಮಾ ಹೊಸ ರೆಕಾರ್ಡ್ ಕ್ರಿಯೇಟ್ ಮಾಡಿದೆ.

Authored byಹರ್ಷಿತಾ ಎನ್ | Vijaya Karnataka Web 14 Feb 2023, 8:01 pm

ಹೈಲೈಟ್ಸ್‌:

  • ‘ಪಠಾಣ್’ ಚಿತ್ರದ ಈವರೆಗಿನ ಕಲೆಕ್ಷನ್ ಎಷ್ಟು?
  • ಈವರೆಗೂ 953 ಕೋಟಿ ರೂಪಾಯಿ ಗಳಿಸಿದೆ ‘ಪಠಾಣ್’
  • ಸದ್ಯದಲ್ಲೇ 1000 ಕೋಟಿ ರೂಪಾಯಿ ಗಳಿಸಲಿದೆ ‘ಪಠಾಣ್’ ಸಿನಿಮಾ

ಹೈಲೈಟ್ಸ್‌ ಮಾತ್ರವೇ ಓದಲು ಆ್ಯಪ್‌ ಡೌನ್‌ಲೋಡ್‌ ಮಾಡಿ
Vijaya Karnataka Web pathaan collection shah rukh khan starrer movie collects 953 crores
Pathaan: 1000 ಕೋಟಿ ರೂಪಾಯಿಯತ್ತ ಮುನ್ನುಗ್ಗುತ್ತಿರುವ ‘ಪಠಾಣ್’: ಹೊಸ ದಾಖಲೆ ಬರೆದ ಶಾರುಖ್!
ಬಾಲಿವುಡ್ ನಟ ಶಾರುಖ್ ಖಾನ್ ಅಭಿನಯದ ಸಿನಿಮಾ ‘ಪಠಾಣ್’. ನಾಲ್ಕು ವರ್ಷಗಳ ಗ್ಯಾಪ್ ಬಳಿಕ ಶಾರುಖ್ ಖಾನ್ ನಾಯಕನಾಗಿ ನಟಿಸಿರುವ ಚಿತ್ರ ‘ಪಠಾಣ್’. ಔಟ್ ಅಂಡ್ ಔಟ್ ಸ್ಪೈ ಥ್ರಿಲ್ಲರ್ ಸಿನಿಮಾವಾಗಿರುವ ‘ಪಠಾಣ್’ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಭರ್ಜರಿ ಕಲೆಕ್ಷನ್ ಮಾಡುತ್ತಿದೆ. ರಿಲೀಸ್ ಆದ ಮೂರು ವಾರಗಳಲ್ಲಿ ‘ಪಠಾಣ್’ ಸಿನಿಮಾ ಎಷ್ಟು ಬಾಚಿದೆ ಗೊತ್ತಾ?
‘ಪಠಾಣ್’ ಕಲೆಕ್ಷನ್ ಎಷ್ಟು?
‘ಪಠಾಣ್’ ಸಿನಿಮಾ ಈವರೆಗೂ ವಿಶ್ವದಾದ್ಯಂತ 953 ಕೋಟಿ ರೂಪಾಯಿ ಗ್ರಾಸ್ ಕಲೆಕ್ಷನ್ ಮಾಡಿದೆ. 1000 ಕೋಟಿ ರೂಪಾಯಿಯತ್ತ ‘ಪಠಾಣ್’ ಸಿನಿಮಾ ಮುನ್ನುಗ್ಗುತ್ತಿದೆ.

Pathaan: ‘ಪಠಾಣ್’ ಚಿತ್ರದ ಈವರೆಗಿನ ಕಲೆಕ್ಷನ್ ಎಷ್ಟು? ಇದು ಅಧಿಕೃತ ಮಾಹಿತಿ…
ಕಲೆಕ್ಷನ್ ಬ್ರೇಕಪ್
ಭಾರತದಲ್ಲಿ ‘ಪಠಾಣ್’ ಸಿನಿಮಾ ಈವರೆಗೂ 593 ಕೋಟಿ ರೂಪಾಯಿ ಗ್ರಾಸ್ ಬಾಕ್ಸ್ ಆಫೀಸ್ ಕಲೆಕ್ಷನ್ ಮಾಡಿದೆ. ಓವರ್‌ಸೀಸ್‌ನಲ್ಲಿ 360 ಕೋಟಿ ರೂಪಾಯಿ ಗ್ರಾಸ್ ಬಾಕ್ಸ್ ಆಫೀಸ್ ಕಲೆಕ್ಷನ್ ಆಗಿದೆ. ಒಟ್ಟಾರೆಯಾಗಿ ಈವರೆಗೂ 953 ಕೋಟಿ ರೂಪಾಯಿಯನ್ನ ‘ಪಠಾಣ್’ ಸಿನಿಮಾ ಬಾಚಿಕೊಂಡಿದೆ. ಈ ಬಗ್ಗೆ ನಿರ್ಮಾಣ ಸಂಸ್ಥೆ ಯಶ್ ರಾಜ್ ಫಿಲ್ಮ್ಸ್ ಸೋಷಿಯಲ್ ಮೀಡಿಯಾದಲ್ಲಿ ಅಧಿಕೃತ ಮಾಹಿತಿ ಹಂಚಿಕೊಂಡಿದೆ.

Pathaan: ‘ಬಾಹುಬಲಿ 2’, ‘ಕೆಜಿಎಫ್: ಚಾಪ್ಟರ್ 2’ ಚಿತ್ರಗಳ ಮತ್ತೊಂದು ದಾಖಲೆ ಮುರಿದ ‘ಪಠಾಣ್’
ನೆಟ್ ಕಲೆಕ್ಷನ್ ಎಷ್ಟು?
‘ಪಠಾಣ್’ ಸಿನಿಮಾ ಈವರೆಗೆ ಭಾರತದಲ್ಲಿ 493.25 ಕೋಟಿ ರೂಪಾಯಿ ನೆಟ್ ಕಲೆಕ್ಷನ್ ಮಾಡಿದೆ ಎಂಬ ಮಾಹಿತಿಯನ್ನೂ ಯಶ್ ರಾಜ್ ಫಿಲ್ಮ್ಸ್ ಸಂಸ್ಥೆ ನೀಡಿದೆ.

View this post on Instagram A post shared by Yash Raj Films (@yrf)

ನೂತನ ದಾಖಲೆ
‘ಪಠಾಣ್’ ಸಿನಿಮಾ ದೆಹಲಿ ಹಾಗೂ ಉತ್ತರ ಪ್ರದೇಶ ಸರ್ಕ್ಯೂಟ್‌ನಲ್ಲಿ 100 ಕೋಟಿ ರೂಪಾಯಿ ಗಳಿಸಿದೆ. ಭಾರತೀಯ ಚಿತ್ರರಂಗದ ಇತಿಹಾಸದಲ್ಲೇ ದೆಹಲಿ ಹಾಗೂ ಉತ್ತರ ಪ್ರದೇಶ ಸರ್ಕ್ಯೂಟ್‌ನಲ್ಲಿ 100 ಕೋಟಿ ಬಾಚಿರುವ ಮೊಟ್ಟ ಮೊದಲ ಸಿನಿಮಾ ಎಂಬ ಹೆಗ್ಗಳಿಕೆಗೆ ‘ಪಠಾಣ್’ ಪಾತ್ರವಾಗಿದೆ.

Pathaan: ಎರಡನೇ ವಾರವೂ ಭರ್ಜರಿ ಕಲೆಕ್ಷನ್: ಹೊಸ ದಾಖಲೆಯತ್ತ ‘ಪಠಾಣ್’ ದಾಪುಗಾಲು
ಈ ಹಿಂದೆ ಪ್ರಭಾಸ್, ಅನುಷ್ಕಾ ಶೆಟ್ಟಿ, ರಾಣಾ ದಗ್ಗೂಬಾಟಿ ಅಭಿನಯದ ‘ಬಾಹುಬಲಿ 2: ದಿ ಕನ್‌ಕ್ಲೂಶನ್’ ಸಿನಿಮಾ ದೆಹಲಿ ಹಾಗೂ ಉತ್ತರ ಪ್ರದೇಶ ಸರ್ಕ್ಯೂಟ್‌ನಲ್ಲಿ 98 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು. ‘ಬಾಹುಬಲಿ 2: ದಿ ಕನ್‌ಕ್ಲೂಶನ್’ ದಾಖಲೆಯನ್ನ ಮುರಿದು ‘ಪಠಾಣ್’ ಮುಂದಕ್ಕೆ ಹೋಗಿದೆ.

ಮುಂಬೈ ಸಿಟಿನಲ್ಲೂ ‘ಪಠಾಣ್’ ಸಿನಿಮಾ 140 ಕೋಟಿ ರೂಪಾಯಿಗೂ ಅಧಿಕ ಕಲೆಕ್ಷನ್ ಮಾಡಿದೆ. ಆ ಮೂಲಕ ಎರಡು ಪ್ರದೇಶಗಳಲ್ಲಿ ‘ಪಠಾಣ್’ ಸಿನಿಮಾ 100+ ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದಂತಾಗಿದೆ.

ಅಂದ್ಹಾಗೆ, ‘ಪಠಾಣ್’ ಚಿತ್ರದಲ್ಲಿ ಶಾರುಖ್ ಖಾನ್ ಜೊತೆಗೆ ದೀಪಿಕಾ ಪಡುಕೋಣೆ, ಜಾನ್ ಅಬ್ರಾಹಂ, ಡಿಂಪಲ್ ಕಪಾಡಿಯಾ, ಆಶುತೋಷ್ ರಾಣಾ ಮುಂತಾದವರು ನಟಿಸಿದ್ದಾರೆ. ಸುಮಾರು 225 ಕೋಟಿ ರೂಪಾಯಿ ಬಜೆಟ್‌ನಲ್ಲಿ ತಯಾರಾಗಿರುವ ‘ಪಠಾಣ್’ ಚಿತ್ರಕ್ಕೆ ಸಿದ್ಧಾರ್ಥ್ ಆನಂದ್ ಆಕ್ಷನ್ ಕಟ್ ಹೇಳಿದ್ದಾರೆ.
ಲೇಖಕರ ಬಗ್ಗೆ
ಹರ್ಷಿತಾ ಎನ್
ವಿಜಯ ಕರ್ನಾಟಕ ಆನ್‌ಲೈನ್‌ನಲ್ಲಿ 2021ರ ಮಾರ್ಚ್‌ನಿಂದ ಕಾರ್ಯನಿರ್ವಹಿಸುತ್ತಿದ್ದಾರೆ. 2011ರಿಂದ ಮಾಧ್ಯಮ ರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಕನ್ನಡ ಸುದ್ದಿ ವಾಹಿನಿಗಳು ಹಾಗೂ ಡಿಜಿಟಲ್ ಮೀಡಿಯಾಗಳಲ್ಲಿ ಸಿನಿಮಾ ವರದಿಗಾರ್ತಿಯಾಗಿ ಕೆಲಸ ಮಾಡಿದ ಅನುಭವ ಇವರಿಗೆ ಇದೆ. ಸಿನಿಮಾ ವರದಿಗಾರಿಕೆ ಇವರ ಪ್ರಮುಖ ಆಸಕ್ತಿ ವಿಭಾಗ.... ಇನ್ನಷ್ಟು ಓದಿ

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ
ಟ್ರೆಂಡಿಂಗ್‌