ಬಾಲಿವುಡ್‌ನಲ್ಲಿ ಸೆಟ್ಟೇರಿರುವ 'ಕೂಲಿ ನಂ.1' ಚಿತ್ರತಂಡ ಮಾಡಿರುವ ಒಂದು ಒಳ್ಳೆ ಕೆಲಸ ಬಗ್ಗೆ ಪ್ರಧಾನಿ ನರೇಂದ್ರ ಮೋದಿ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ. ಸಾರಾ ಅಲಿಖಾನ್, ವರುಣ್ ಧವನ್ ಜೋಡಿಯಾಗಿ ನಟಿಸುತ್ತಿರುವ ಸಿನಿಮಾ ಇದು.

ಸದ್ಯಕ್ಕೆ ಈ ಚಿತ್ರದ ಶೂಟಿಂಗ್ ಭರದಿಂದ ಸಾಗುತ್ತಿದೆ. ಆದರೆ ಚಿತ್ರೀಕರಣ ಸಂದರ್ಭದಲ್ಲಿ ಪ್ಲಾಸ್ಟಿಕ್ ಬಳಕೆಯನ್ನು ಸಂಪೂರ್ಣ ನಿಷೇಧಿರಿಸುವುದಾಗಿ ಚಿತ್ರದ ಹೀರೋ ವರುಣ್ ಧವನ್ ಟ್ವಿಟರ್‌ನಲ್ಲಿ ತಿಳಿಸಿದ್ದರು. ಈ ಬಗ್ಗೆ ಎಲ್ಲೆಡೆಯಿಂದ ಭಾರಿ ಮೆಚ್ಚುಗೆ ವ್ಯಕ್ತವಾಗುತ್ತಿದೆ. ವರುಣ್ ಧವನ್ ಪ್ರೇಯಸಿಗೆ ಜೀವ ಬೆದರಿಕೆ; ಕಂಗಾಲಾಗಿ ಕುಳಿತ ಜೋಡಿ!

"ಭಾರತವನ್ನು ಪ್ಲಾಸ್ಟಿಕ್ ರಹಿತ ದೇಶವನ್ನಾಗಿ ಬದಲಾಯಿಸಬೇಕೆಂಬ ಪ್ರಧಾನಿ ಮೋದಿ ಅವರ ಕರೆ ಪ್ರತಿಯೊಬ್ಬರಿಗೂ ಆಚರಣೀಯ. ನಾವು ಮಾಡುವ ಕೆಲಸಗಳಲ್ಲಿ ಸಣ್ಣಪುಟ್ಟ ಬದಲಾವಣೆಗಳ ಮೂಲಕ ಇದನ್ನು ಸಾಧಿಸಬಹುದು. ಕೂಲಿ ನಂ.1 ಸೆಟ್ಸ್‌ನಲ್ಲಿ ಪ್ಲಾಸ್ಟಿಕ್ ಬಾಟಲಿಗಳಿಗೆ ಬದಲಾಗಿ ಸ್ಟೀಲ್ ಬಾಟಲಿಗಳನ್ನು ಮಾತ್ರ ಬಳಸಲು ನಿರ್ಧರಿಸಿದ್ದೇವೆ" ಎಂದು ವರುಣ್ ಟ್ವೀಟ್ ಮಾಡಿದ್ದಾರೆ.

ಇದಕ್ಕೆ ಸಂಬಂಧಿಸಿದ ಫೋಟೋಗಳನ್ನೂ ಹಂಚಿಕೊಂಡಿದ್ದಾರೆ ವರುಣ್. ಇದಕ್ಕೆ ಪ್ರತಿಕ್ರಿಯಿಸಿರುವ ಪ್ರಧಾನಿ ಮೋದಿ ಚಿತ್ರತಂಡದ ನಡೆಯನ್ನು ಪ್ರಶಂಸಿದ್ದಾರೆ. "ಅದ್ಭುತವಾದ ಆಲೋಚನೆ, ಭಾರತವನ್ನು ಪ್ಲಾಸ್ಟಿಕ್ ರಹಿತ ದೇಶವಾಗಿ ಮಾಡಲು ಚಿತ್ರೋದ್ಯಮದ ಕಡೆಯಿಂದ ಆಗಿರುವ ಈ ಕೆಲಸ ತುಂಬಾ ಖುಷಿ ಕೊಟ್ಟಿದೆ" ಎಂದಿದ್ದಾರೆ.

ಪ್ರಧಾನಿ ಮೋದಿ ಚಿತ್ರತಂಡದ ಬೆನ್ನು ತಟ್ಟಿರುವುದು ಅವರ ಉತ್ಸಾಹವನ್ನು ಇನ್ನಷ್ಟು ಹೆಚ್ಚಿಸಿದೆ. ಕೂಲಿ ನಂ.1 ಚಿತ್ರತಂಡದ ಹಾದಿಯಲ್ಲೇ ಹಲವಾರು ಚಿತ್ರಗಳು ಇದನ್ನು ಅನುಸರಿಸಿದರೆ ಪ್ಲಾಸ್ಟಿಕ್ ನಿಷೇಧದ ಬಗ್ಗೆ ಇನ್ನಷ್ಟು ಅರಿವು ಮೂಡಿಸಿದಂತಾಗುತ್ತದೆ.