ಪ್ಲಾಸ್ಟಿಕ್ ಬ್ಯಾನ್‌‌ ಪಟ್ಟಿಯಲ್ಲಿ ಕಾಂಡೋಮ್ ಇದೆಯಾ ಎಂದ ಪೂನಂ ಪಾಂಡೆ

ಲೈಮ್‍ಲೈಟ್‌ಗೆ ಬರುವುದು ಹೇಗೆ ಎಂಬ ಕಲೆ ನಟಿ ಪೂನಂ ಪಾಂಡೆಗೆ ಕರಗತವಾದಂತಿದೆ. ಸಾಮಾಜಿಕ ಮಾಧ್ಯಮಗಳಲ್ಲಿ ಆಗಾಗ ಹಾಟ್ ಫೋಟೋ, ವೀಡಿಯೋಗಳನ್ನು ಹಂಚಿಕೊಂಡು ಪ್ರಚಾರ ಮಾಡಿಕೊಳ್ಳುವ ಪೂನಂ ಪಾಂಡೆ ಇದೀಗ ’ಪ್ಲಾಸ್ಟಿಕ್ ಬ್ಯಾನ್’ ಬಗ್ಗೆ ಪ್ರಶ್ನೆಸುವ ಮೂಲಕ ಮತ್ತೊಮ್ಮೆ ಎಲ್ಲರ ಗಮನಸೆಳೆದಿದ್ದಾರೆ.

ಈ ಬಗ್ಗೆ ಟ್ವೀಟ್ ಮಾಡಿರುವ ಪೂನಂ ಪಾಂಡೆ, "ಪ್ಲಾಸ್ಟಿಕ್ ಬ್ಯಾನ್‍ ಪಟ್ಟಿಯಲ್ಲಿ ಕಾಂಡೋಮ್ ಸೇರಿದೆಯೇ?" ಎಂದು ಪ್ರಶ್ನಿಸಿದ್ದಾರೆ. ಇದಕ್ಕೂ ಮುನ್ನ ಮಹಾರಾಷ್ಟ್ರದಲ್ಲಿ ಪ್ಲಾಸ್ಟಿಕ್ ನಿಷೇಧದ ಬಗ್ಗೆ ಟ್ವೀಟ್ ಮಾಡಿ, "ಯಾರೆಲ್ಲಾ ಪ್ಲಾಸ್ಟಿಕ್ ಸರ್ಜರಿ ಮಾಡಿಸಿಕೊಂಡಿದ್ದೀರೋ ಅವರು ರಸ್ತೆಗಳಲ್ಲಿ ಓಡಾಡಬೇಡಿ" ಎಂದಿದ್ದರು.

ಈ ರೀತಿ ಟ್ವೀಟ್ ಮಾಡಿದ್ದೇ ತಡ ಪೂನಂ ಮತ್ತೆ ಚರ್ಚೆಗೆ ಗ್ರಾಸವಾದರು. ಪೂನಂ ಪಾಂಡೆ ಟ್ವೀಟ್‍ಗೆ ಸಾಕಷ್ಟು ಮಂದಿ ಪ್ರತಿಕ್ರಿಯೆ ನೀಡುತ್ತಿದ್ದಾರೆ. ಅವುಗಳಲ್ಲಿ ಕೆಲವು ತಮಾಷೆಯಾಗಿದ್ದರೆ, ಇನ್ನೂ ಕೆಲವು ಪೂನಂರನ್ನು ಕೆಣಕುವಂತಿವೆ.

ನಿಮಗೆ ಪ್ಲಾಸ್ಟಿಕ್‌ಗೂ ರಬ್ಬರ್‌ಗೂ ವ್ಯತ್ಯಾಸ ಗೊತ್ತಿಲ್ಲ. ಕಾಂಡೋಮ್ ಪ್ಲಾಸ್ಟಿಕ್ ಅಲ್ಲ ರಬ್ಬರ್‌ನ ಲೇಟೆಕ್ಸ್ ಸಂಯುಕ್ತ. ಹಾಗಾಗಿ ಇದು ಪ್ಲಾಸ್ಟಿಕ್ ಬ್ಯಾನ್ ಪಟ್ಟಿಯಲ್ಲಿಲ್ಲ ಎಂದಿದ್ದಾರೆ ಕೆಲವರು. ಕೆಲವು ಅಶ್ಲೀಲ ಕಾಮೆಂಟ್‌ಗಳೂ ಹರಿಬಂದಿವೆ.