ಕರಣ್‌ ಜೋಹರ್‌ ಜತೆ ಡೇಟಿಂಗ್‌ ಸುಳ್ಳೆಂದ ಪ್ರಬಲ್‌ ಗುರುಂಗ್‌

ಬಾಲಿವುಡ್‌ ನಿರ್ಮಾಪಕ ಕರಣ್‌ ಜೋಹರ್‌ ಅವರು ನೇಪಾಳಿ ಮೂಲದ ನ್ಯೂಯಾರ್ಕ್‌ನ ಫ್ಯಾಷನ್‌ ಡಿಸೈನರ್‌ ಪ್ರಬಲ್‌ ಗುರುಂಗ್‌ ಜತೆ ಡೇಟಿಂಗ್‌ನಲ್ಲಿದ್ದಾರೆ ಎಂಬ ಹೊಸ ವದಂತಿಯನ್ನು ಗುರುಂಗ್‌ ತಳ್ಳಿ ಹಾಕಿದ್ದಾರೆ. ನಾನು ರೊಮ್ಯಾಂಟಿಕ್‌ ರಿಲೇಷನ್‌ಶಿಪ್‌ನಲ್ಲಿದ್ದೇನೆ. ಆದರೆ ಕರಣ್‌ ಜೋಹರ್‌ ಜತೆ ಅಲ್ಲ ಎಂದು ಅವರು ಸ್ಪಷ್ಟಪಡಿಸಿದ್ದಾರೆ. ಈ ಕುರಿತು ಟ್ವೀಟ್‌ ಮಾಡಿರುವ ಅವರು, ನಾನು ಮತ್ತು ಕರಣ್‌ ಡಿಯರೆಸ್ಟ್‌ ಫ್ರೆಂಡ್ಸ್‌. ಆತ ನನ್ನ ಮೆಂಟರ್‌, ಗುರು ಮತ್ತು ದೊಡ್ಡಣ್ಣನಂತೆ. ಕಷ್ಟಸುಖಗಳೆರಡಲ್ಲೂ ನಾವಿಬ್ಬರು ಜತೆಯಾಗಿರುತ್ತೇವೆ ಎಂದಿದ್ದಾರೆ.

ಶನಿವಾರ ನ್ಯೂಯಾರ್ಕ್‌ನಲ್ಲಿ ನಡೆದ ಕರಣ್‌ ಜೋಹರ್‌ ಬರ್ತ್‌ಡೇ ನಿಮಿತ್ತ ಪ್ರಬಲ್‌ ಗುರುಂಗ್‌ ತಾವಿಬ್ಬರು ಒಟ್ಟಿಗೆ ಕೈ ಕೈ ಹಿಡಿದುಕೊಂಡಿರುವ ಫೋಟೋವೊಂದನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಶೇರ್‌ ಮಾಡಿ, ಪ್ಯಾರ್‌ ಕಿಯಾ ತೋ ಡರ್ನಾ ಕ್ಯಾ. ಹ್ಯಾಪಿ ಬರ್ತ್‌ಡೇ ಕೆಜೆಒ ಎಂದು ಕ್ಯಾಪ್ಷನ್‌ ಕೊಟ್ಟಿದ್ದರು. ಈ ಫೋಟೊ ವೈರಲ್‌ ಆಗಿ ಇವರಿಬ್ಬರು ಡೇಟಿಂಗ್‌ನಲ್ಲಿದ್ದಾರೆ ಎಂಬ ಸುದ್ದಿ ಹಬ್ಬಿತ್ತು. ಈಗ ಗುರುಂಗ್‌ ಈ ಬಗ್ಗೆ ಸ್ಪಷ್ಟನೆ ನೀಡಿ ಆ ಫೋಟೋವನ್ನು ಡಿಲೀಟ್‌ ಮಾಡಿದ್ದಾರೆ.