ವೈರಲ್ ವಿಡಿಯೋ: ಆಫ್ರಿಕಾದ ಕಾಜೋಲ್, ಶಾರುಖ್‌ ಖಾನ್‌ರನ್ನು ನೋಡಿದ್ದೀರಾ?

ಭಾರತೀಯ ಸಂಗೀತಕ್ಕೆ, ಸಿನಿಮಾ ತಾರೆಗಳಿಗೆ ಜಗತ್ತಿನಾದ್ಯಂತ ಅಭಿಮಾನಿಗಳಿದ್ದಾರೆ. ಹಲವಾರು ಸಂದರ್ಭಗಳಲ್ಲಿ ಈ ಸಂಗತಿ ಬಹಿರ್ಗತವಾಗಿದೆ. ಆಫ್ರಿಕಾದ ಜೋಡಿಯೊಂದು ಬಾಲಿವುಡ್ ಹಾಡಿಗೆ ಮಾಡಿರುವ ಭಾವಾಭಿನಯದ ವಿಡಿಯೋವೊಂದು ವೈರಲ್ ಆಗಿದೆ.

ಶಾರುಖ್ ಖಾನ್, ಕಾಜೋಲ್ ಅಭಿನಯದ ಸೂಪರ್ ಹಿಟ್ ಸಿನಿಮಾ 'ದಿಲ್‍ ವಾಲೆ ದುಲ್ಹನಿಯಾ ಲೇಜಾಯೇಂಗೆ' ಹಾಡಿಗೆ ಈ ಜೋಡಿ ಅದ್ಭುತವಾಗಿ ಅಭಿನಯಿಸಿದ್ದು ನೆಟ್ಟಿಗರನ್ನು ಸೆಳೆದಿದೆ. 1995ರಲ್ಲಿ ತೆರೆಕಂಡ ಈ ಸಿನಿಮಾ ದಾಖಲೆ ಸೃಷ್ಟಿಸಿತು. ಇದರಲ್ಲಿನ "ತುಝೆ ದೇಖಾ ತೋ..." ಹಾಡು ಇಂದಿಗೂ ಹಲವಾರು ಮಂದಿಯ ಫೇವರಿಟ್ ಹಾಡುಗಳಲ್ಲಿ ಒಂದು. ಈ ಹಾಡನ್ನು ಕೆನ್ಯಾ ಅಭಿಮಾನಿಗಳು ಹಾಡಿದ್ದಾರೆ. ಇದಕ್ಕೆ ಸಂಬಂಧಿಸಿದ ವಿಡಿಯೋವನ್ನು ಅನುಪಮ್ ಖೇರ್ ತಮ್ಮ ಟ್ವಿಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ನನ್ನ ಮಗಳಿಗೆ ಇನ್ನೂ 14 ವರ್ಷ ಬಿಟ್ಟು ಬಿಡಿ: ಅಜಯ್ ದೇವಗನ್

ಕೆನ್ಯಾದಿಂದ ಕಾಜೋಲ್, ಶಾರುಖ್ 'ದಿಲ್‍ವಾಲೆ..' ಹಾಡಿಗೆ ಲಿಪ್ ಸಿಂಕ್ ಮಾಡಿದ್ದಾರೆ. ಈ ಹಾಡನ್ನು ಸಂಯೋಜಿಸಿದ ಲಲಿತ್ ಪಂಡಿತ್ ನನ್ನೊಂದಿಗೆ ವಿಡಿಯೋ ಹಂಚಿಕೊಂಡರು. ಮ್ಯೂಸಿಕ್ ಈಸ್ ಯೂನಿವರ್ಸ್ ಎಂದು ಪೋಸ್ಟ್ ಮಾಡಿದ್ದಾರೆ. ಡಿಡಿಎಲ್‍ಜೆಯಲ್ಲಿ ಶಾರುಖ್ ತಂದೆ ಪಾತ್ರದಲ್ಲಿ ಅನುಪಮ್ ಖೇರ್ ಅಭಿನಯಿಸಿರುವುದು ಗೊತ್ತಿರುವ ಸಂಗತಿ.

ಈ ವಿಡಿಯೋಗೆ ನೆಟ್ಟಿಗರಿಂದ ಭರ್ಜರಿ ಪ್ರತಿಕ್ರಿಯೆ ಸಿಕ್ಕಿದೆ. "ಸುಂದರವಾಗಿದೆ, ಕೆನ್ಯಾ ಕಾಜೋಲ್, ಶಾರುಖ್ ಕೂಡ ಚೆನ್ನಾಗಿದ್ದಾರೆ. ಅಲ್ಲಿನ ಅನುಪಮ್ ಖೇರ್‌ರನ್ನು ನೋಡಲು ಕಾತುರದಿಂದಿದ್ದೇವೆ" ಎಂಬ ನಾನಾ ರೀತಿಯ ಕಾಮೆಂಟ್‌ಗಳು ಹರಿದುಬಂದಿವೆ.

ಇತ್ತೀಚೆಗೆ ನೈಜೀರಿಯಾ ಮೂಲದ ಶಾರುಖ್ ಖಾನ್ ಅಭಿಮಾನಿ 'ದಿಲ್ ತೋ ಪಾಗಲ್ ಹೈ' ಸಿನಿಮಾದಲ್ಲಿನ ಹಾಡನ್ನು ಹಾಡುತ್ತಿರುವ ವಿಡಿಯೋವನ್ನು ಹಂಚಿಕೊಂಡಿದ್ದರು. ಆಗದು ವೈರಲ್ ಆಗಿತ್ತು.