ನಟಿ ಪ್ರಿಯಾ ವಾರಿಯರ್‌ ಕ್ರೇಜ್‌ ದೇಶದಾಚೆಗೂ ಹೇಗೆ ಹಬ್ಬಿದೆ ಎನ್ನುವುದಕ್ಕೆ ಈ ಪೋಟೋ ಸಾಕ್ಷಿ. ವಿದೇಶವೊಂದರಲ್ಲಿ ಪ್ರಿಯಾ ಅಭಿಮಾನಿಗಳು ತಮ್ಮ ವಾಹನಗಳ ಮೇಲೆ ಅವರ ಫೋಟೋ ಹಾಕಿಕೊಂಡು ಅಭಿಮಾನ ತೋರಿಸಿದ್ದಾರೆ.
ವಿಂಕಿಂಗ್‌ ಕ್ವೀನ್‌, ನ್ಯೂ ಇಂಡಿಯನ್‌ ಕ್ರಷ್‌ ಪ್ರಿಯಾ ವಾರಿಯರ್‌ ಹವಾ ಇನ್ನೂ ಕಡಿಮೆಯಾಗಿಲ್ಲ. ಭಾರತದಲ್ಲಿ ಮಾತ್ರ ಅಲ್ಲದೆ, ವಿದೇಶಗಳಲ್ಲೂ ಪ್ರಿಯಾ ಕ್ರೇಜ್‌ ಹೆಚ್ಚಾಗಿದೆ. ಒರು ಅಡಾರ್‌ ಲವ್‌ ಚಿತ್ರದ ಪ್ರಿಯಾ ಫೋಟೋಗಳು ಕಾರು ಮತ್ತು ಟ್ರಕ್‌ಗಳ ಮೇಲೆ ರಾರಾಜಿಸುತ್ತಿವೆ. ವೈರಲ್‌ ಆಗಿರುವ ಟೀಸರ್‌ನ ಪ್ರಿಯಾ ಎಕ್ಸ್‌ಪ್ರೆಷನ್‌ನ ಫೋಟೋಗಳು ಎಲ್ಲೆಲ್ಲೂ ಕಂಡುಬರುತ್ತಿವೆ.
ಪ್ರಿಯಾ ಭಾವಾಭಿನಯದ ಮೋಹ ಚಿತ್ರರಂಗದ ಸೂಪರ್‌ ಸ್ಟಾರ್‌ಗಳನ್ನು ಬಿಟ್ಟಲ್ಲ. ಜನಪ್ರಿಯ ನಟ ಅಲ್ಲು ಅರ್ಜುನ್‌ ತಮ್ಮ ಮಗನ ಜತೆ ಆಡುವಾಗ ಪ್ರಿಯಾ ವಾರಿಯರ್‌ನಂತೆಯೇ ಕೈಯಲ್ಲಿ ಶೂಟ್‌ ಮಾಡುವ ವಿಡಿಯೋ ಈಗ ವೈರಲ್‌. ಅಲ್ಲು ತಮ್ಮ ಮಗನ ಕಡೆ ಕೈಯಿಂದ ಶೂಟ್‌ ಮಾಡಿದಂತೆ ನಟಿಸಿದ ತಕ್ಷಣ ಮಗ ಗುಂಡು ತಗುಲಿದಂತೆ ಕೆಳಗೆ ಬೀಳುವ ವಿಡಿಯೋ ಈಗ ಆನ್‌ಲೈನ್‌ನಲ್ಲಿ ಹರಿದಾಡುತ್ತಿದೆ.