ಪ್ರಿಯಾ ವಾರಿಯರ್‌ ಕಣ್ಸನ್ನೆಗೆ ಕಾಲೇಜ್‌ನಲ್ಲಿ ಕಡಿವಾಣ

ಮಲೆಯಾಳಂನ ಒರು ಆಡಾರ್‌ ಲವ್‌ ಸಿನಿಮಾದಲ್ಲಿ ಕಣ್ಸನ್ನೆಯಿಂದಲೇ ಇಡೀ ದೇಶದ ಯುವಕರ ಹಾಟ್‌ ಫೇವರೀಟ್‌ ಆಗಿಬಿಟ್ಟ ಪ್ರಿಯಾ ವಾರಿಯರ್‌ ಕಣ್ಸನ್ನೆಯ ತಾಪ ಇನ್ನೂ ತಣ್ಣಗಾಗುವಂತೆ ಕಾಣುತ್ತಿಲ್ಲ.

ಕೊಯಮತ್ತೂರಿನ ಜಾನಕಿ ಅಮ್ಮಾಳ್‌ ಸೈನ್ಸ್‌ ಅಂಡ್‌ ಆರ್ಟ್ಸ್ ಕಾಲೇಜಿನಲ್ಲಿ ಪ್ರಿಯಾ ಕಣ್ಸನ್ನೆಯನ್ನು ಫಾಲೋ ಮಾಡದಂತೆ ಪ್ರಿನ್ಸಿಪಾಲರು ವಿದ್ಯಾರ್ಥಿಗಳಿಗೆ ಕಟ್ಟುನಿಟ್ಟಾಗಿ ಸೂಚಿಸಿದ್ದಾರೆ. ಇಂಥ ಸಂಜ್ಞೆಗಳಿಂದ ತರಗತಿಗಳಿಗೆ ತೊಂದರೆಯಾಗುತ್ತಿದೆ ಎಂದು ಕೆಲ ಪ್ರಾಧ್ಯಾಪಕರು ದೂರು ನೀಡಿದ ಹಿನ್ನೆಲೆಯಲ್ಲಿ ಪ್ರಿನ್ಸಿಪಾಲರು ಈ ಕ್ರಮ ಕೈಗೊಂಡಿದ್ದಾರೆ.

ಇನ್ನೊಂದೆಡೆ ಕಣ್ಸನ್ನೆ ನಿಷೇಧಿಸಿ ಕಾಲೇಜ್‌ವತಿಯಿಂದ ಸುತ್ತೋಲೆ ಹೊರಡಿಸಲಾಗಿತ್ತು ಎಂಬ ಸುದ್ದಿ ಸುಳ್ಳು ಎಂದು ನಮ್ಮ ಸಹೋದರ ಪತ್ರಿಕೆ ಟೈಮ್ಸ್‌ ಆಫ್‌ ಇಂಡಿಯಾ ವರದಿ ಮಾಡಿದೆ. ಯಾರೋ ಕಿಡಿಗೇಡಿಗಳು ನಕಲಿ ಸುತ್ತೋಲೆ ಮುದ್ರಿಸಿ ಕಾಲೇಜು ಗೋಡೆಗಳ ಮೇಲೆ ಅಂಟಿಸಿದ್ದರು ಎಂದು ಗೊತ್ತಾಗಿದೆ.