ಪ್ರಿಯಾ ವಾರಿಯರ್‌ ಮತ್ತೊಂದು ಹಾಡೂ ವೈರಲ್‌

ಕಣ್ಸನ್ನೆ ಬೆಡಗಿ ಎಂದೇ ದೇಶಾದ್ಯಂತ ಖ್ಯಾತರಾಗಿರುವ ಮಲಯಾಳಂ ಯುವ ನಟಿ ಪ್ರಿಯಾ ವಾರಿಯರ್‌ ಅವರ ಮತ್ತೊಂದು ಹಾಡು ಕೂಡಾ ತುಂಬಾ ಕಡಿಮೆ ಅವಧಿಯಲ್ಲಿ ವೈರಲ್‌ ಆಗಿದೆ. ಅವರ ನಟನೆಯ ಒರು ಅಡಾರ್‌ ಲವ್‌ ಸಿನಿಮಾದ ಮೊದಲ ಹಾಡು ಮಾಣಿಕ್ಯ ಮಲರಾಯ ಪೂವಿ ರಾತ್ರೋರಾತ್ರಿ ಸೋಷಿಯಲ್‌ ಮೀಡಿಯಾ ತುಂಬಾ ಇಡೀ ಜಗತ್ತಿನ ಗಮನ ಸೆಳೆದಿತ್ತು. ಇದೀಗ ಅದೇ ಸಿನಿಮಾದ ಎರಡನೇ ಹಾಡು ಬಿಡುಗಡೆಯಾಗಿ ಸೋಷಿಯಲ್‌ ಮೀಡಿಯಾದಲ್ಲಿ ಹಂಗಾಮ ಎಬ್ಬಿಸಿದೆ.

ಫ್ರೇಕ್‌ ಪೆನ್ನೆ ಎಂಬ ಸಾಲುಗಳಿರುವ ಈ ಹಾಡನ್ನು ಕಳೆದ ಹದಿನೈದು ಗಂಟೆಗಳಲ್ಲಿ 10 ಲಕ್ಷ ಕ್ಕೂ ಹೆಚ್ಚಿನ ಜನರು ವೀಕ್ಷಿಸಿದ್ದಾರೆ. ಯೂಟ್ಯೂಬ್‌ನಲ್ಲಿ ಈ ಹಾಡು ಈಗ ಹೊಸ ಟ್ರೆಂಡ್‌ ಆಗಿ ಗಮನ ಸೆಳೆಯುತ್ತಿದೆ. ಪ್ರಿಯಾ ವಾರಿಯರ್‌ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ.