ರೂಮರ್‌ ಬಾಯ್‌ಫ್ರೆಂಡ್‌ ಜತೆ ಭಾರತಕ್ಕೆ ಬಂದಿರುವ ಪಿಗ್ಗಿ

ಹಾಲಿವುಡ್ ಗಾಯಕ ನಿಕ್‌ ಜೋನ್ಸ್‌ ಜತೆ ಪ್ರಿಯಾಂಕ ಚೋಪ್ರಾ ಡೇಟಿಂಗ್‌ ಮಾಡುತ್ತಿದ್ದಾರೆ ಎಂಬ ರೂಮರ್‌ ಹರಿದಾಡಲು ಪ್ರಾರಂಭಿಸಿ ಕೆಲ ದಿನಗಳಾಗಿವೆ. ಆದರೆ ಈ ಕುರಿತು ಪ್ರಿಯಾಂಕ ತುಟಿ ಬಿಚ್ಚಿರಲಿಲ್ಲ. ಆಗಾಗ ನಿಕ್ ಜತೆ ಡಿನ್ನರ್, ಔಟಿಂಗ್‌ ಅಂತ ಓಡಾಡುತ್ತಾ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುತ್ತಿದ್ದರು.

ಪ್ರಿಯಾಂಕ ನಿಕ್‌ ಡೇಟಿಂಗ್‌ನಲ್ಲಿದ್ದಾರೆ, ಪ್ರಿಯಾಂಕ ಹೊಸ ಮನೆಯ ಗೃಹ ಪ್ರವೇಶ ಸಂದರ್ಭದಲ್ಲಿ ನಿಕ್‌ ಭಾರತಕ್ಕೆ ಬರಲಿದ್ದಾರೆ ಎಂಬ ಗುಸುಗುಸು ಪಿಗ್ಗಿಯ ಆಪ್ತರ ಮೂಲದಿಂದ ಕೇಳಿ ಬಂದಿದ್ದೆವು. ಇದೀಗ ಮೊದಲ ಬಾರಿಗೆ ಭಾರತಕ್ಕೆ ಬಂದಿರುವ ನಿಕ್‌ ತನ್ನ ಲೇಡಿ ಲವ್‌ ಪಿಗ್ಗಿ ಜತೆ ಮುಂಬಯಿ ಏರ್‌ಪೋರ್ಟ್‌ನಲ್ಲಿ ಕಾಣಿಸಿದ್ದಾರೆ.


ನಿಕ್‌ನ ಸಹೋದರ ಕೆಲ ದಿನಗಳ ಹಿಂದೆ ಪ್ರಿಯಾಂಕ -ನಿಕ್‌ ಜೋನ್ಸ್‌ ಡೇಟಿಂಗ್ ಮಾಡುತ್ತಿದ್ದು, ನಿಕ್‌ ತಮ್ಮ ಸಂಬಂಧವನ್ನು ಮುಂದಿನ ಹಂತಕ್ಕೆ(ಮದುವೆ) ಕೊಂಡೊಯ್ಯಲು ಬಯಸುತ್ತಿದ್ದಾರೆ ಎಂದು ಹೇಳಿದ್ದರು.

ಹಾಲಿವುಡ್‌ನಲ್ಲಿ ಬ್ಯುಸಿಯಾಗಿರುವ ಪ್ರಿಯಾಂಕ ಎರಡು ವರ್ಷಗಳ ಬಳಿ ಹಿಂದಿ ಚಿತ್ರವೊಂದಕ್ಕೆ ಸಹಿಯಾಗಿದ್ದು, ಸಲ್ಮಾನ್‌ ಹೀರೋ ಆಗಿರುವ 'ಭರತ್‌' ಎನ್ನುವ ಚಿತ್ರದ ಶೂಟಿಂಗ್ ಸದ್ಯದಲ್ಲಿಯೇ ಶುರುವಾಗಲಿದೆ.

ಬಿಟೌನ್‌ನಲ್ಲಿ ದೀಪಿಕಾ-ರಣವೀರ್‌, ಅಲಿಯಾಭಟ್‌-ರಣಬೀರ್‌, ಪ್ರಿಯಾಂಕ ಚೋಪ್ರಾ-ನಿಕ್‌ ಜೋನ್ಸ್ ಜೋಡಿಗಳು ಗಮನ ಸೆಳೆಯುತ್ತಿದ್ದು ಇವರ ಸುತ್ತ ಲವ್ವಿ-ಡವ್ವಿ, ಮದುವೆ ಕತೆಗಳು ಸುತ್ತುತ್ತಿವೆ.