ಗ್ಲೋಬಲ್ ಸ್ಟಾರ್ ಪ್ರಿಯಾಂಕಾ ಚೋಪ್ರಾ ಹಾಗೂ ಅವರ ಪತಿ ನಿಕ್ ಜೋನಾಸ್ ಐಶಾರಾಮಿ ಮನೆಯೊಂದನ್ನು ಖರೀದಿಸುವ ಕನಸು ಕಂಡಿದ್ದರು. ಈಗದು ನನಸಾಗುವ ಹಂತದಲ್ಲಿದೆ. ಇದಕ್ಕಾಗಿ ಸುಮಾರು 20 ಮಿಲಿಯನ್ ಡಾಲರ್ ಖರ್ಚು ಮಾಡುತ್ತಿದ್ದೆ ಈ ಜೋಡಿ. ಲಾಸ್ ಏಂಜಲೀಸ್‌ನಲ್ಲಿರುವ 20 ಸಾವಿರ ಚದರ ಅಡಿ ವಿಸ್ತೀರ್ಣದ ಆ ಪ್ರಾಪರ್ಟಿ ಬೆಲೆ ₹ 144 ಕೋಟಿ ಎಂದಿವೆ ಮೂಲಗಳು.

ನಿಕ್ಯಾಂಕ್ ದಂಪತಿಗಳ ಈ ಹೊಸ ಮನೆಯಲ್ಲಿ ಒಟ್ಟು ಏಳು ಬೆಡ್‌ರೂಂ‍ಗಳು, 11 ಬಾತ್‍ರೂಂಗಳು, ಹೈ ಸೀಲಿಂಗ್ ಹಾಗೂ ವಿಶಾಲವಾದ ಹೊರಾಂಗಣ ಜಾಗ ಇರಲಿದೆಯಂತೆ. ನಿಕ್ ಜೋನಾಸ್ ಸಹೋದರ ಜೋಯ್ ಜೋನಾಸ್ ಮತ್ತವರ ಪತ್ನಿ ಸೋಫಿ ಟರ್ನರ್ ಸಹ 14.1 ಮಿಲಿಯನ್ ಡಾಲರ್‌ನ 15 ಸಾವಿರ ಚದರಡಿ ವಿಸ್ತೀರ್ಣದ ಮನೆಯನ್ನು ಹೊಂದಿದ್ದಾರೆ.
ಮದುವೆ ಬಳಿಕ ಭಿನ್ನಾಭಿಪ್ರಾಯಗಳು ತಲೆದೋರಿದವು: ಪ್ರಿಯಾಂಕಾ ಚೋಪ್ರಾ

ಈಗ ನಿಕ್ಯಾಂಕ್ ಖರೀದಿಸುತ್ತಿರುವ ಪ್ರಾಪರ್ಟಿ ಸಹೋದರನ ಮನೆಯಿಂದ 3 ಮೈಲಿ ದೂರದಲ್ಲಿದೆಯಂತೆ. ನಿಕ್ ಜೋನಾಸ್ ಮನೆಗೆ ಹೋಲಿಸಿದರೆ ಜೋಯ್ ಮನೆ ಚಿಕ್ಕದು. ಇದರಲ್ಲಿ 10 ಬೆಡ್‍ರೂಮ್‌ಗಳು ಹಾಗೂ 14 ಬಾತ್‌ರೂಂಗಳು ಇವೆಯಂತೆ.

ಇನ್ನೇನು ಇದೇ ಡಿಸೆಂಬರ್‌ಗೆ ಮದುವೆ ವಾರ್ಷಿಕೋತ್ಸವ ಆಚರಿಸಿಕೊಳ್ಳಲಿದ್ದಾರೆ ನಿಕ್ ಮತ್ತು ಪ್ರಿಯಾಂಕಾ. ಆ ಸಮಯಕ್ಕೆ ಈ ಪ್ರಾಪರ್ಟಿ ಖರೀದಿಸಬೇಕು ಎಂಬುದು ಇವರ ಯೋಜನೆ. ಇದು ಮೊದಲ ವಾರ್ಷಿಕೋತ್ಸವ ಆದಕಾರಣ ಅದ್ದೂರಿಯಾಗಿ ಸೆಲೆಬ್ರೇಟ್ ಮಾಡಲು ಜೋಡಿ ಪ್ಲಾನ್ ಮಾಡಿಕೊಂಡಿದೆ.

ದಿಲ್ಲಿ ಮಾಲಿನ್ಯದ ಬಗ್ಗೆ ಪೋಸ್ಟ್ ಮಾಡಿ ಟ್ರೋಲ್ ಆದ ಪ್ರಿಯಾಂಕಾ

ಬಾಲಿವುಡ್, ಹಾಲಿವುಡ್‌ನಲ್ಲಿ ಸದ್ಯಕ್ಕೆ ಮೋಸ್ಟ್ ರೊಮ್ಯಾಂಟಿಕ್ ದಂಪತಿಯಾಗಿ ಗುರುತಿಸಿಕೊಂಡಿರುವವರು ನಿಕ್ಯಾಂಕ ಜೋಡಿ. ಗ್ಲೋಬಲ್ ಸ್ಟಾರ್ ಪ್ರಿಯಾಂಕಾ ಚೋಪ್ರಾ, ಹಾಲಿವುಡ್ ಸಿಂಗರ್ ನಿಕ್ ಜೋನಾಸ್ ಕಳೆದ ವರ್ಷ ದಾಂಪತ್ಯ ಜೀವನಕ್ಕೆ ಅಡಿಯಿಟ್ಟಿದ್ದು ಗೊತ್ತೇ ಇದೆ. ಆದರೆ ನಿಕ್‍ಗಿಂತ ಪ್ರಿಯಾಂಕಾ ಹತ್ತು ವರ್ಷ ದೊಡ್ಡವರಾದ ಕಾರಣ ನೆಟ್ಟಿಗರು ಈಗಲೂ ಅವರನ್ನು ಟ್ರೋಲ್ ಮಾಡುತ್ತಲೇ ಇದ್ದಾರೆ.
'ಸ್ಕೈ ಈಸ್‌ ಪಿಂಕ್‌' ಚಿತ್ರ ಬೆಡ್‌ ರೂಂ ಸೀನ್‌ ಲೀಕ್‌; ಪ್ರಿಯಾಂಕಾ ಚೋಪ್ರಾ ಹಿಂಗಾ ಹೇಳೋದು!