ಮದುವೆ ಸುದ್ದಿಗೆ ತೆರೆ ಎಳೆದ ಪ್ರಿಯಾಂಕಾ ಚೋಪ್ರಾ

ಗ್ಲೋಬಲ್ ಸ್ಟಾರ್ ಪ್ರಿಯಾಂಕಾ ಚೋಪ್ರಾ ಗುಟ್ಟಾಗಿ ಮದುವೆಯಾಗಿದ್ದಾರೆ ಎಂಬ ಸುದ್ದಿ ಹರಿದಾಡುತ್ತಿರುವ ಹಿನ್ನೆಲೆಯಲ್ಲಿ ಈ ಬಗ್ಗೆ ಅವರು ಸ್ಪಷ್ಟೀಕರಣ ನೀಡಿದ್ದಾರೆ. ಅವರು ಧರಿಸಿದ್ದ ಕರಿಮಣಿ ಸರವನ್ನೇ ಹೈಲೈಟ್ ಮಾಡಿ ಮದುವೆ ಆಗಿಯೇ ಹೋಗಿದೆ ಎಂಬಂತೆ ಸಾಮಾಜಿಕ ಮಾಧ್ಯಮಗಳಲ್ಲಿ ಫೋಟೋಗಳು ಹರಿದಾಡಿದ್ದವು.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಪ್ರಿಯಾಂಕಾ ಚೋಪ್ರಾ, ’ಹಹಹ..ಮದುವೆ ಕುರಿತ ಊಹೆಗಳು ತಾರಕಮಟ್ಟಕ್ಕೇರಿವೆ. ಕೆಟ್ಟ ದೃಷ್ಟಿ ಬೀಳದಂತೆ ಧರಿಸಿರುವ ಕರಿಮಣಿ ಸರ ಇದು. ನಾನು ಮದುವೆಯಾದರೆ ಖಂಡಿತ ತಿಳಿಸುತ್ತೇನೆ. ಇದರಲ್ಲಿ ರಹಸ್ಯವೇನು ಇಲ್ಲ’ ಎಂದಿದ್ದಾರೆ ಪ್ರಿಯಾಂಕಾ ಚೋಪ್ರಾ. ಅಲ್ಲಿಗೆ ಪ್ರಿಯಾಂಕಾ ಚೋಪ್ರಾ ಮದುವೆ ಸುದ್ದಿಗೆ ಬ್ರೇಕ್ ಬಿದ್ದಿದೆ.

ಸದ್ಯಕ್ಕೆ ಪ್ರಿಯಾಂಕಾ ಚೋಪ್ರಾ ಅಲಿ ಅಬ್ಬಾಸ್ ಜಾಫರ್ ನಿರ್ದೇಶನದ ಸಲ್ಮಾನ್ ಖಾನ್ ಜತೆಗೆ ’ಭಾರತ್’ ಸಿನಿಮಾದಲ್ಲಿ ಅಭಿನಯಿಸುತ್ತಿದ್ದಾರೆ. ’ಸಲ್ಮಾನ್, ಅಲಿಯ ಜತೆಗೆ ಬೆರೆತು ಕೆಲಸ ಮಾಡುತ್ತಿರುವುದು ತುಂಬಾ ಖುಷಿಕೊಟ್ಟಿದೆ. ಅವರಿಂದ ತುಂಬಾ ಕಲಿತಿದ್ದೇನೆ’ ಎಂದಿದ್ದಾರೆ. ’ಜೈ ಗಂಗಾಜಲ್’ ಚಿತ್ರದ ಮೂರು ವರ್ಷಗಳ ಗ್ಯಾಪ್ ಬಳಿಕ ಪ್ರಿಯಾಂಕಾ ನಟಿಸುತ್ತಿರುವ ಬಾಲಿವುಡ್ ಸಿನಿಮಾ ಇದು.