ಪತಿಯನ್ನು ಅಳಿಸಿದ ಪ್ರಿಯಾಂಕಾ ಚೋಪ್ರ

ಹಾಲಿವುಡ್‌ನಲ್ಲಿಬಿಝಿಯಾಗಿರುವ ಬಾಲಿವುಡ್‌ ನಟಿ ಪ್ರಿಯಾಂಕಾ ಚೋಪ್ರ ತಮ್ಮ ಪತಿ ನಿಕ್‌ ಜೊನಾಸ್‌ರನ್ನು ಅಳಿಸಿದ ಘಟನೆಯೊಂದು ನಡೆದಿದೆ. ಇದೆಲ್ಲನಡೆದಿದ್ದು ಪಿಗ್ಗಿ ನಟನೆಯ ಸ್ಕೈ ಇಸ್‌ ಪಿಂಕ್‌ ಸಿನಿಮಾದ ಕ್ಲೈಮ್ಯಾಕ್ಸ್‌ ದೃಶ್ಯದಲ್ಲಿ. ಅಲ್ಲಿಪ್ರಿಯಾಂಕಾರ ಭಾವನಾತ್ಮಕ ಅಭಿನಯ ನೋಡಿ ನಿಕ್‌ ಅತ್ತೇ ಬಿಟ್ಟರಂತೆ. ಇದಕ್ಕೆ ಸಾಕ್ಷಿಯಾಗಿದ್ದ ನಿರ್ದೇಶಕಿ ಶೊನಾಲಿ ಬೋಸ್‌ ಈ ವಿಷಯವನ್ನು ತಿಳಿಸಿದ್ದು, ಅದೊಂದು ಸುಂದರ ಕ್ಷಣವಾಗಿತ್ತು ಎಂದಿದ್ದಾರೆ.

ಪ್ರಿಯಾಂಕಾ ಮತ್ತು ನಿಕ್‌ ಮದುವೆಯ ನಾಲ್ಕು ದಿನಗಳ ಮೊದಲು ಈ ಕ್ಲೈಮ್ಯಾಕ್ಸ್‌ ದೃಶ್ಯದ ಚಿತ್ರೀಕರಣ ನಡೆದಿತ್ತು. ಕೊನೆಯ ದೃಶ್ಯವಾದ್ದರಿಂದ ಕೇಕ್‌ ಕಟ್‌ ಮಾಡಲು ನಾವು ನಿಕ್‌ರನ್ನು ಆಹ್ವಾನಿಸಿದ್ದೆವು. ಆದರೆ ಅವರು ಸ್ವಲ್ಪ ಬೇಗ ಬಂದಿದ್ದರಿಂದ ಪ್ರಿಯಾಂಕಾರ ತುಂಬಾ ಭಾವನಾತ್ಮಕ ನಟನೆಯ ದೃಶ್ಯ ಅವರಿಗೆ ನೋಡಲು ಸಿಕ್ಕಿತು. ನನ್ನ ಪಕ್ಕದಲ್ಲಿನಿಂತಿದ್ದ ನಿಕ್‌ ಆ ದೃಶ್ಯ ನೋಡಿ ಅತ್ತು ಬಿಟ್ಟರು. ಪ್ರಿಯಾಂಕ ಅಷ್ಟೊಂದು ಭಾವ ತೀವ್ರತೆಯಿಂದ ಅದರಲ್ಲಿಅಭಿನಯಿಸಿದ್ದಾರೆ ಎಂದು ಶೊನಾಲಿ ವಿವರಿಸಿದ್ದಾರೆ. ನಾನು ಆಗಲೇ ಪಿಗ್ಗಿಗೆ ನೀನು ನಿನ್ನ ಪತಿಯನ್ನೇ ಅಳುವಂತೆ ಮಾಡಿದ್ದಿಯ ಎಂದು ಬಿಟ್ಟೆ. ಇದೊಂದು ಅದ್ಭುತ ದೃಶ್ಯ ಎಂದು ಅವರು ಹೇಳಿದ್ದಾರೆ. ಸ್ಕೈ ಇಸ್‌ ಪಿಂಕ್‌ನಲ್ಲಿರೋಗ ನಿರೋಧಕ ಶಕ್ತಿಯ ಕೊರತೆಯಿರುವ ಮಗುವಿಗೆ ಜನ್ಮ ನೀಡಿದ ತಾಯಿಯೊಬ್ಬಳು ಭಾವನಾತ್ಮಕವಾಗಿ ಮತ್ತು ಆರ್ಥಿಕ ಎದುರಿಸುವ ಸಂಘರ್ಷಗಳ ಕಥೆಯನ್ನು ಹೊಂದಿದೆ. ಇದರಲ್ಲಿಫರ್ಹಾನ್‌ ಅಖ್ತರ್‌, ಝೈರಾ ವಸೀಮ್‌ ಮುಂತಾದವರು ನಟಿಸಿದ್ದಾರೆ.