ಮರಾಠಿ ಸಿನಿಮಾ ನಿರ್ಮಿಸಲಿರುವ ಪ್ರಿಯಾಂಕ ಚೋಪ್ರಾ

ಬಾಲಿವುಡ್‌ ನಟಿ ಪ್ರಿಯಾಂಕ ಚೋಪ್ರಾ ಈಗ ಮೂರನೇ ಮರಾಠಿ ಸಿನಿಮಾ ನಿರ್ಮಾಣಕ್ಕೆ ಮುಂದಾಗಿದ್ದಾರೆ. ಈ ಹಿಂದೆ ವೆಂಟಿಲೇಟರ್‌ ಮತ್ತು ಕಾಯ್‌ ರೇ ರಾಸ್ಕಲಾ ಎಂಬ ಸಿನಿಮಾಗಳನ್ನು ನಿರ್ಮಿಸಿರುವ ಅವರು ಈಗ ಪಾನಿ ಎಂಬ ಸಿನಿಮಾ ನಿರ್ಮಾಣಕ್ಕೆ ಸಿದ್ಧತೆ ನಡೆಸುತ್ತಿದ್ದಾರೆ.

ಮಹಾರಾಷ್ಟ್ರದ ನಾಗರ್ವಾಡಿ ಎಂಬ ಹಳ್ಳಿಯಲ್ಲಿ ಜಲ ಸಂರಕ್ಷ ಣೆಗೆ ಶ್ರಮಿಸಿದ ಹನುಮಂತ್‌ ಕೇಂದ್ರೆ ಅವರ ಜೀವನ ಕಥೆಯನ್ನು ಆಧರಿಸಿ ಈ ಸಿನಿಮಾ ನಿರ್ಮಾಣವಾಗಲಿದೆ. ನಟ ಆದಿನಾಥ್‌ ಕೊಥಾರೆ ಅವರು ಮೊದಲ ಬಾರಿಗೆ ಈ ಸಿನಿಮಾದ ಮೂಲಕ ನಿರ್ದೇಶನ ಮಾಡುತ್ತಿದ್ದಾರೆ. ಈ ಹಿಂದೆ ಪ್ರಿಯಾಂಕ ಚೋಪ್ರಾ ನಿರ್ಮಿಸಿದ ವೆಂಟಿಲೇಟರ್‌ ಸಿನಿಮಾಗೆ ರಾಷ್ಟ್ರ ಪ್ರಶಸ್ತಿ ಬಂದಿತ್ತು.