ಸ್ವಿಮ್‌ ಸೂಟ್‌ನಲ್ಲಿ ಬಿಂದಾಸ್‌ ಪೋಸ್‌ ನೀಡಿದ ಪ್ರಿಯಾಂಕಾ ಚೋಪ್ರ

ಇಟಲಿಯ ಟಸ್ಕನಿಯಲ್ಲಿರುವ ಸುಂದರ ತಾಣವೊಂದರಲ್ಲಿ ಹಾಲಿಡೇ ಎಂಜಾಯ್‌ ಮಾಡುತ್ತಿರುವ ಪ್ರಿಯಾಂಕಾ ಚೋಪ್ರ ಆ ಕುರಿತಾದ ಫೋಟೋಗಳನ್ನು ಸೋಷಿಯಲ್‌ ಮೀಡಿಯಾದಲ್ಲಿ ಶೇರ್‌ ಮಾಡಿ, ಬೆಸ್ಟ್‌ ಯೂಸ್‌ ಆಫ್‌ ವೆಕೇಷನ್‌. ಹಬ್ಬಿ ಫೋಟೊ ತೆಗೆಯುತ್ತಿದ್ದಾರೆ ಎಂದು ಬರೆದುಕೊಂಡಿದ್ದಾರೆ. ಪೂಲ್‌ನಲ್ಲಿ ಸ್ವಿಮ್‌ ಸೂಟ್‌ ಧರಿಸಿ, ಕೈಯಲ್ಲಿ ಕಾಕ್‌ಟೇಲ್‌ ಗ್ಲಾಸ್‌ ಹಿಡಿದುಕೊಂಡು ಕ್ಯಾಮರಾಗೆ ಬೋಲ್ಡ್‌ ಪೋಸ್‌ಗಳನ್ನು ನೀಡಿರುವ ಅವರ ಈ ಪೂಲ್‌ಸೈಡ್‌ ಫೋಟೋಗಳಿಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

ಪ್ರಿಯಾಂಕಾ ಚೋಪ್ರಾರ ಈ ಸ್ವಿಮ್‌ ಸೂಟ್‌ ಫೋಟೊ ಮತ್ತು ವಿಡಿಯೊ ಸೋಷಿಯಲ್‌ ಮೀಡಿಯಾದಲ್ಲೀಗ ವೈರಲ್‌ ಆಗಿವೆ. ಜೋ ಜೊನಾಸ್‌ ಮತ್ತು ಸೋಫಿ ಟರ್ನರ್‌ ಜೋಡಿಯ ಅದ್ಧೂರಿ ಮದುವೆ ನಂತರ ಅವರು ಪತಿ ನಿಕ್‌ ಜೊನಾಸ್‌ ಟಸ್ಕನಿಯಲ್ಲಿ ಜೋಡಿ ಹಕ್ಕಿಗಳಂತೆ ವಿಹರಿಸುತ್ತಿದ್ದಾರೆ.