ಸಿನಿಮಾ ಕರಿಯರ್‌ನ ಆರಂಭದಲ್ಲಿಯೇ ನಾನು ರಿಸ್ಕೀ ಚಾಯ್ಸ್‌ ಮಾಡಿದ್ದೆ, ಈ ರೀತಿ ಮಾಡದಂತೆ ತಮಗೆ ಹಲವು ಜನರು ಸಲಹೆ ನೀಡಿದ್ದರು ಎಂದು ಬಾಲಿವುಡ್‌ ನಟಿ ಪ್ರಿಯಾಂಕ ಚೋಪ್ರಾ ಹೇಳಿದ್ದಾರೆ.
ಬಹುತೇಕ ನಟಿಯರು ಮಹಿಳಾ ಕೇಂದ್ರಿತ ಪಾತ್ರಗಳನ್ನು ತಮ್ಮ ಕರಿಯರ್‌ನ ಕೊನೆಗೆ ಪ್ರಶಸ್ತಿ ಪಡೆಯಲು ಮಾಡುತ್ತಾರೆ. ಆದರೆ ನಾನು ಆರಂಭದಲ್ಲಿಯೇ ಇಂಥ ಪಾತ್ರ ಮಾಡಿದ್ದೆ. ಅದು ಐತ್ರಾಜ್‌ ಸಿನಿಮಾವಾಗಲಿ ಅಥವಾ ಫ್ಯಾಷನ್‌ ಸಿನಿಮಾವಾಗಲಿ ಎಲ್ಲದರಲ್ಲೂ ನಾನು ರಿಸ್ಕ್‌ ತೆಗೆದುಕೊಂಡು ನಟಿಸಿದ್ದೆ. ಕರಿಯರ್‌ನ ಆರಂಭದಲ್ಲೇ ನೆಗೆಟಿವ್‌ ರೋಲ್‌ಗಳಲ್ಲಿ ನಟಿಸುವುದು ಸುಲಭವಲ್ಲ. ಆದರೆ ನಾನು ಈ ರಿಸ್ಕ್‌ ತೆಗೆದುಕೊಳ್ಳಲು ಮುಂದಾಗಿದ್ದೆ. ಆದ್ದರಿಂದ ನನ್ನದ್ದೆಲ್ಲಾ ರಿಸ್ಕೀ ಚಾಯ್ಸ್‌ಗಳೇ ಎಂದು ಪಿಗ್ಗಿ ವಿವರಿಸಿದ್ದಾರೆ.
ಇಂಥ ಆಯ್ಕೆ ಮಾಡಿದಾಗ ಜನರು ನನಗೆ ಎಚ್ಚರಿಕೆ ನೀಡಿದ್ದರು. ಕರಿಯರ್‌ನಲ್ಲಿ ತಪ್ಪು ಆಯ್ಕೆ ಮಾಡುತ್ತಿದ್ದಿ ಎಂದು ಹೇಳಿದ್ದರು. ಆದರೆ ನಾನು ನೆಗೆಟಿವ್‌ ರೋಲ್‌ಗಳನ್ನೇ ಮೆಚ್ಚಿ ಅದರಲ್ಲಿಯೇ ಮುಂದೆ ಬಂದಿದ್ದೇನೆ ಎಂದು ಪ್ರಿಯಾಂಕ ಹೇಳಿದ್ದಾರೆ.