ಗ್ರ್ಯಾಮಿ ವೇದಿಕೆಯಲ್ಲಿ ಹಾಟ್ ಪ್ರಿಯಾಂಕಾ
ಸದ್ಯ ಇಂಟರ್ನೆಟ್ನಲ್ಲಿ ಪ್ರಿಯಾಂಕಾ ಚೋಪ್ರಾ ಅವರ ಫೋಟೋಗಳೇ ಕಣ್ಣು ಕುಕ್ಕುತ್ತಿವೆ. ಇತ್ತೀಚೆಗೆ ಅಂತಾರಾಷ್ಟ್ರೀಯ ಖ್ಯಾತಿಯ ಗ್ರ್ಯಾಮಿ ಅವಾರ್ಡ್ ಕಾರ್ಯಕ್ರಮಕ್ಕೆ ಅವರು ಹಾಜರಾಗಿದ್ದರು. ಈ ವೇಳೆ ಕ್ಲಿಕ್ಕಿಸಿಕೊಂಡು ಫೋಟೋಗಳನ್ನು ಸಾಮಾಜಿಕ ಜಾಲತಾದಲ್ಲಿ ಅವರು ಹಂಚಿಕೊಂಡಿದ್ದಾರೆ. ಈ ಫೋಟೋಗಳನ್ನು ನೋಡುತ್ತಿದ್ದಂತೆಯೇ ಅನೇಕರು ದಂಗಾಗಿದ್ದಾರೆ. ಅದಕ್ಕೆ ಕಾರಣ; ಅತಿಯಾದ ಗ್ಲಾಮರ್! ಸದ್ಯ ಈ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಚರ್ಚೆ ಹುಟ್ಟುಹಾಕಿದೆ.
ಲಕ್ಷಾಂತರ ಲೈಕ್ಸ್ ಪಡೆದ ಫೋಟೋ
ಫೇಸ್ಬುಕ್, ಇನ್ಸ್ಟಾಗ್ರಾಮ್ ಮುಂತಾದ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಿಯಾಂಕಾ ಈ ಫೋಟೋಗಳನ್ನು ಪೋಸ್ಟ್ ಮಾಡಿಕೊಂಡಿದ್ದು, ಕೆಲವೇ ನಿಮಿಷಗಳಲ್ಲಿ ಲಕ್ಷಾಂತರ ಲೈಕ್ಸ್ ಪಡೆದುಕೊಂಡಿವೆ. ಶ್ವೇತ ವರ್ಣದ ಗೌನ್ ಆಕರ್ಷಕವಾಗಿದೆ. ಅನೇಕರು ಅವರ ಬಗ್ಗೆ ಮೆಚ್ಚುಗೆ ಮಾತುಗಳನ್ನು ಆಡಿದ್ದಾರೆ. ಆದರೆ ಮಾದಕತೆ ಹೆಚ್ಚಾಯಿತು ಎಂಬ ಕಾರಣಕ್ಕೆ ಹಲವರು ಖಾರವಾಗಿ ಪ್ರತಿಕ್ರಿಯಿಸಿದ್ದಾರೆ. ಇಂಥ ಬಟ್ಟೆ ಧರಿಸೋಕೆ ನಿಮಗೆ ನಾಚಿಕೆ ಆಗುವುದಿಲ್ಲವೇ ಎಂಬ ಕಾಮೆಂಟ್ಗಳು ಬಂದಿವೆ.
ಕಾಮೆಂಟ್ಗಳಲ್ಲಿ ಕಟು ಟೇಕೆ
'ನೀವು ತುಂಬಾ ಚೆನ್ನಾಗಿ ಕಾಣುತ್ತಿದ್ದೀರಿ. ಆದರೆ ನಿಮ್ಮ ಡ್ರೆಸ್ ಕೆಟ್ಟದಾಗಿದೆ' ಎಂದು ಒಬ್ಬರು ಕಾಮೆಂಟ್ ಮಾಡಿದ್ದಾರೆ. 'ಈ ರೀತಿಯ ಬಟ್ಟೆ ಧರಿಸುವುದರಿಂದ ಜಗತ್ತಿನ ಎದುರು ಭಾರತೀಯ ಸಂಸ್ಕೃತಿಗೆ ನೀವು ಕಳಂಕ ತರುತ್ತಿದ್ದೀರಿ' ಎಂಬುದಾಗಿಯೂ ಅನೇಕರು ಕಿವಿ ಹಿಂಡಿದ್ದಾರೆ. ಇಂಥ ಕಾಸ್ಟ್ಯೂಮ್ ವಿನ್ಯಾಸಗೊಳಿಸಿದವರ ತಲೆಯಲ್ಲಿ ನಿಜಕ್ಕೂ ಬುದ್ಧಿ ಇದೆಯೋ ಇಲ್ಲವೋ ಎಂದೆಲ್ಲ ಅನೇಕರು ವ್ಯಂಗ್ಯ ಮಾಡಿದ್ದಾರೆ. ಆದರೆ ಇದ್ಯಾವುದಕ್ಕೂ ಪ್ರಿಯಾಂಕಾ ತಲೆ ಕೆಡಿಸಿಕೊಂಡಿಲ್ಲ.
ಕೆಲವರಿಂದ ಬಾಡಿ ಶೇಮಿಂಗ್!
ಇಂಥ ಫೋಟೋಗಳನ್ನು ಹಾಕಿದಾಗ ಮೆಚ್ಚುಗೆಯ ಜೊತೆಗೆ ನೆಗೆಟಿವ್ ಕಾಮೆಂಟ್ಗಳು ಬರುವುದು ಸಹಜ. 'ಇದೇನು ಅವಾರ್ಡ್ ಕಾರ್ಯಕ್ರಮವೋ ಅಥವಾ ಅಶ್ಲೀಲ ಜಾಲತಾಣವೋ ತಿಳಿಯುತ್ತಿಲ್ಲ. ಇಂದಿನ ದಿನಗಳಲ್ಲಿ ನೀಲಿ ತಾರೆಯರು ಕೂಡ ಅವಾರ್ಡ್ ಕಾರ್ಯಕ್ರಮಕ್ಕೆ ಸಭ್ಯವಾದ ಬಟ್ಟೆ ಧರಿಸಿ ಬರುತ್ತಾರೆ. ಅಂಥದ್ದರಲ್ಲಿ ನಿಮಗೇನಾಗಿದೆ?' ಎಂದು ಒಬ್ಬರು ಕಾಲೆಳೆದಿದ್ದಾರೆ. ಇಷ್ಟಕ್ಕೇ ಮುಗಿದಿಲ್ಲ, ಕೆಲವರ ಕಾಮೆಂಟ್ಗಳು ಸಭ್ಯತೆಯ ಮಿತಿ ಮೀರಿವೆ. ಫೋಟೋಗೆ ಪ್ರತಿಕ್ರಿಯಿಸಿದ ಹಲವರು ತುಂಬ ಕೆಟ್ಟ ಭಾಷೆ ಬಳಸಿದ್ದಾರೆ. ಬಾಡಿ ಶೇಮಿಂಗ್ ಮಾಡಲೂ ಕೆಲವರು ಹಿಂಜರಿದಿಲ್ಲ.