ಪ್ರಿಯಾಂಕಾ - ನಿಕ್‌ ಶೀಘ್ರ ಎಂಗೇಜ್‌

ಮುಂಬಯಿ: ನಟಿ ಪ್ರಿಯಾಂಕಾ ಚೋಪ್ರಾ ಮತ್ತು ಅಮೆರಿಕದ ಹಾಡುಗಾರ ನಿಕ್‌ ಜೋನ್ಸ್‌ ಅವರ ಸಂಬಂಧ ವೈವಾಹಿಕ ಬಂಧವಾಗಿ ಪರಿವರ್ತನೆಗೊಳ್ಳುವ ಕಾಲ ಸನ್ನಿಹಿತವಾಗುತ್ತಿದೆ. ಪ್ರಸಕ್ತ ಸೋದರ ಸಂಬಂಧಿ ಪರಿಣೀತಿ ಚೋಪ್ರಾ ಸೇರಿದಂತೆ ಕುಟುಂಬ ಸದಸ್ಯರ ಜತೆ ಗೋವಾದಲ್ಲಿ ಪ್ರವಾಸ ಸಂಭ್ರಮದಲ್ಲಿರುವ ಪ್ರಿಯಾಂಕಾ ಜುಲೈ ಅಂತ್ಯದಲ್ಲಿ ಅಥವಾ ಆಗಸ್ಟ್‌ ಆರಂಭದಲ್ಲಿ ನಿಕ್‌ ಜತೆ ವಿವಾಹ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ ಎಂದು ಫಿಲ್ಮ್‌ ಫೇರ್‌ ವರದಿ ಮಾಡಿದೆ. ನಿಕ್‌ ಅವರನ್ನು ಭಾರತಕ್ಕೆ ಕರೆತಂದು ಮನೆಯವರ ಜತೆ ಭೇಟಿ ಮಾಡಿಸುವ ಉದ್ದೇಶವಷ್ಟೇ ಮೊದಲಿಗೆ ಇತ್ತು. ಈಗ ನಿಶ್ಚಿತಾರ್ಥದ ಚಿಂತನೆಯೂ ನಡೆದಿದೆ. ಈ ತಿಂಗಳ ಆರಂಭದಲ್ಲಿ ನಿಕ್‌ ಅವರ ಸೋದರ ಸಂಬಂಧಿಯ ಮದುವೆಗೆ ಪ್ರಿಯಾಂಕಾ ಹೋಗಿದ್ದು, ಅಲ್ಲಿ ಎಲ್ಲ ಕುಟುಂಬಿಕರ ಪರಿಚಯವಾಗಿತ್ತು.