'ಮುಂಬೈಗೆ ಹೋದ್ರೆ ನಿಮ್ಮನ್ನು ರೇಪ್‌ ಮಾಡ್ತಾರೆ'! ರಾಧಿಕಾ ಆಪ್ಟೆಗೆ ಈ ರೀತಿ ಹೆದರಿಸಿದ್ದು ಯಾರು?

ನಟಿ ರಾಧಿಕಾ ಆಪ್ಟೆಗೆ ಭಾರತದಲ್ಲಿ ಮಾತ್ರವಲ್ಲದೆ ವಿದೇಶದಲ್ಲೂ ಅಭಿಮಾನಿಗಳಿದ್ದಾರೆ. ಅದಕ್ಕೆ ಕಾರಣ ಅವರು ಆಯ್ಕೆ ಮಾಡಿಕೊಳ್ಳುವ ವಿಶೇಷ ಪಾತ್ರಗಳು. ಸಿನಿಮಾ ಮಾತ್ರವಲ್ಲದೆ ವೆಬ್‌ ಸರಣಿ ಲೋಕದಲ್ಲೂ ರಾಧಿಕಾ ಒಳ್ಳೆಯ ಹೆಸರು ಗಳಿಸಿದ್ದಾರೆ. ತಮ್ಮ ವೃತ್ತಿಜೀವನದ ಆರಂಭದಲ್ಲಿ ನಡೆದ ಒಂದು ಘಟನೆ ಬಗ್ಗೆ ಅವರೀಗ ಬಾಯಿ ಬಿಟ್ಟಿದ್ದಾರೆ.

ಬಾಲಿವುಡ್‌ನಲ್ಲಿ ಸಕ್ರಿಯ ಆಗುವುದಕ್ಕೂ ಮುಂಚೆ ರಾಧಿಕಾ ಪುಣೆಯಲ್ಲಿ ವಾಸವಾಗಿದ್ದರು. ಬಾಲಿವುಡ್‌ ಕನಸು ಹೊತ್ತುಕೊಂಡು ಅವರು ಮುಂಬೈಗೆ ಬರಬೇಕಾಯಿತು. ಆದರೆ ಆ ಸಂದರ್ಭದಲ್ಲಿ ಅವರಿಗೆ ಅನೇಕರು ಹೆದರಿಸಿದ್ದರಂತೆ. ಮುಂಬೈ ಮತ್ತು ಹಿಂದಿ ಚಿತ್ರರಂಗದ ಬಗ್ಗೆ ಎಚ್ಚರಿಕೆಯ ಮಾತುಗಳನ್ನು ಹೇಳಿದ್ದರಂತೆ. ಅದನ್ನೆಲ್ಲ ಈಗ ರಾಧಿಕಾ ಮೆಲುಕು ಹಾಕಿದ್ದಾರೆ.

'ನಿನ್ನನ್ನು ರೇಪ್‌ ಮಾಡಹುದು ಎಂದು ಹೆದರಿಸಿದ್ದರು. ಸಿನಿಮಾ ಇಂಡಸ್ಟ್ರಿಯಲ್ಲಿ ಹೀಗೇ ಆಗುವುದು ಎಂದು ನನಗೆ ಹೇಳಿದ್ದರು. ಸಿನಿಮಾ ರಂಗದ ಬಗ್ಗೆ ಎಲ್ಲರಿಗೂ ಭಯಾನಕ ಕಲ್ಪನೆಗಳಿವೆ. ಸಮಸ್ಯೆ ಏನೆಂದರೆ ನಾವು ಯಾವಾಗಲೂ ಅತಿರೇಕದ ವಿಚಾರಗಳ ಬಗ್ಗೆಯೇ ಮಾತನಾಡುತ್ತೇವೆ. ನಾವೆಲ್ಲರೂ ಮನುಷ್ಯರು ಎಂಬುದು ಅರ್ಥ ಮಾಡಿಕೊಳ್ಳೋಣ. ನಾನು ನಿಮ್ಮಂತೆಯೇ ಇದ್ದೇನೆ. ಬದುಕನ್ನು ಸರಳ ಆಗಿಸೋಣ' ಎಂದು ರಾಧಿಕಾ ಆಪ್ಟೆ ಹೇಳಿದ್ದಾರೆ.

also read: ಲಾಕ್‌ಡೌನ್ ಸಮಯದಲ್ಲಿ ಇದೇನಿದು ಲಂಡನ್‌ನಲ್ಲಿ ನಟಿ ರಾಧಿಕಾ ಆಪ್ಟೆ ಚೆಲ್ಲಾಟ!

ನೆಟ್‌ಫ್ಲಿಕ್ಸ್‌ ಜೊತೆಗೆ ರಾಧಿಕಾ ಆಪ್ಟೆ ಉತ್ತಮ ಒಡನಾಟ ಹೊಂದಿದ್ದಾರೆ. ಅಲ್ಲಿ ಅವರಿಗೆ ಬ್ಯಾಕ್‌ ಟು ಬ್ಯಾಕ್‌ ಅವಕಾಶಗಳು ಸಿಗುತ್ತಿವೆ. ಇತ್ತೀಚೆಗೆ ನವಾಜುದ್ದೀನ್ ಸಿದ್ಧಿಕಿ ಜೊತೆ ಅವರು ನಟಿಸಿರುವ 'ರಾತ್‌ ಅಕೇಲಿ ಹೈ' ಸಿನಿಮಾ ನೆಟ್‌ಫ್ಲಿಕ್ಸ್‌ನಲ್ಲಿ ಬಿಡುಗಡೆ ಆಗಿ ಒಳ್ಳೆಯ ಪ್ರತಿಕ್ರಿಯೆ ಪಡೆದುಕೊಳ್ಳುತ್ತಿದೆ. ಸಣ್ಣ ಬಜೆಟ್‌ ಸಿನಿಮಾಗಳಿಗೆ ಹೀಗೆ ಓಟಿಟಿ ಪ್ಲಾಟ್‌ಫಾರ್ಮ್‌ ಮೂಲಕ ಅವಕಾಶ ಸಿಗುತ್ತಿರುವುದಕ್ಕೆ ಅವರು ಸಂತಸ ವ್ಯಕ್ತಪಡಿಸಿದ್ದಾರೆ.

also read: ಆಸ್ಪತ್ರೆಯಲ್ಲಿರುವ ನಟಿ ರಾಧಿಕಾ ಆಪ್ಟೆಯನ್ನು ಕಂಡ ಅಭಿಮಾನಿಗಳು ಕಂಗಾಲು