ಮದುವೆಗೆ ಹರಿದ ಸೀರೆ ಉಟ್ಟುಕೊಂಡಿದ್ದೆ ಎಂದ ನಟಿ ರಾಧಿಕಾ ಆಪ್ಟೆ

ವೈವಿಧ್ಯಭರಿತ ಪಾತ್ರಗಳ ಮೂಲಕ ತನ್ನದೇ ಅಭಿಮಾನಿ ಬಳಗವನ್ನು ಹೊಂದಿರುವ ಹಾಗೂ ತೆರೆ ಮೇಲೆ ಬೋಲ್ಡ್ ಆಗಿ ಕಾಣಿಸಲು ಹಿಂದೇಟು ಹಾಕದ ನಟಿಯಲ್ಲಿ ನಟಿ ರಾಧಿಕಾ ಆಪ್ಟೆ ಸಹ ಒಬ್ಬರು. ಬಾಲಿವುಡ್‌ನಲ್ಲೂ ತನ್ನದೇ ಆದಂತಹ ಛಾಪು ಮೂಡಿಸಿರುವ ಬೆಡಗಿ. ದಕ್ಷಿಣದ ಸಿನಿಮಾ ಪ್ರೇಕ್ಷಕರಿಗೂ ಚಿರಪರಿಚಿತ.

ರಾಧಿಕಾ ಲಂಡನ್ ಮೂಲದ ಬೆನೆಡಿಕ್ಟ್ ಟೈಲರನ್ನು 2012ರಲ್ಲಿ ರಿಜಿಸ್ಟರ್ ಮದುವೆಯಾದರು. ಈಗ 'ದಿ ವೆಡ್ಡಿಂಗ್ ಗೆಸ್ಟ್' ಎಂಬ ಹಾಲಿವುಡ್ ಚಿತ್ರದಲ್ಲಿ ಅಭಿನಯಿಸುತ್ತಿದ್ದಾರೆ. ಈ ವಿಶೇಷ ಸಂದರ್ಭದಲ್ಲಿ ಮಾಧ್ಯಮಗಳ ಜತೆಗೆ ಮಾತನಾಡಿರುವ ರಾಧಿಕಾ ತನ್ನ ಮದುವೆ ಕುರಿತ ಆಸಕ್ತಿಕರ ಸಂಗತಿಗಳನ್ನು ಹೊರಹಾಕಿದ್ದಾರೆ. ರಾಧಿಕಾ ಆಪ್ಟೆ ತುಂಬಾ ಬೋಲ್ಡ್ ಎನ್ನಲು ಈ ಚಿತ್ರಗಳೇ ಸಾಕ್ಷಿ

"ನಮ್ಮದು ರಿಜಿಸ್ಟರ್ಡ್ ಮದುವೆ. ಅಂದು ನಮ್ಮ ಅಜ್ಜಿಯ ಸೀರೆ ಉಟ್ಟುಕೊಂಡಿದ್ದೆ. ಆ ಸೀರೆ ಅಲ್ಲಲ್ಲಿ ಹರಿದು ಹೋಗಿತ್ತು. ಈ ಭೂಮಿ ಮೇಲೆ ನನಗೆ ಅತ್ಯಂತ ಇಷ್ಟವಾದ ವ್ಯಕ್ತಿ ಎಂದರೆ ಅದು ನನ್ನ ಅಜ್ಜಿ. ಹಾಗಾಗಿ ಹರಿದು ಹೋಗಿದ್ದರೂ ಅಜ್ಜಿಯ ಸೀರೆಯನ್ನೇ ಉಟ್ಟಿದ್ದೆ. ಮದುವೆ ಔತಣಕ್ಕೆ ಮಾತ್ರ ಡ್ರೆಸ್ ಒಂದನ್ನು ಖರೀದಿಸಿದೆ. ಅದರ ಬೆಲೆ ₹ 10 ಸಾವಿರದ ಒಳಗೆ. ಬಟ್ಟೆಗಳಿಗೆ ಸಿಕ್ಕಾಪಟ್ಟೆ ಹಣ ಸುರಿಯುವುದು ನನಗೆ ಇಷ್ಟವಿಲ್ಲ" ಎಂದಿದ್ದಾರೆ. ಬಿಯರ್ ಕುಡಿದು ದಪ್ಪ ಆದಕಾರಣ ಅವಕಾಶ ಕೈಜಾರಿತು: ನಟಿ ರಾಧಿಕಾ ಆಪ್ಟೆ

"ಮದುವೆಗೆ ಆಗಮಿಸಿದ ಬಂಧುಗಳು, ಸ್ನೇಹಿತರಿಗೆ ಮಾವಿನ ಗಿಡ ಕೊಟ್ಟೆವು. ಮದುವೆಗೆ ಬಂದ 80 ಮಂದಿ ಸಸಿಗಳನ್ನು ನೆಟ್ಟಿದ್ದಾರೆ. ಗಿಡ ನೆಡುವಾಗ ಅವರ ಬಟ್ಟೆ ಕೊಳೆಯಾದರೂ ಯಾರೂ ತಲೆಕೆಡಿಸಿಕೊಳ್ಳಲಿಲ್ಲ. ಮುಂದೆ ಅವರಿಗೆಲ್ಲಾ ಸಿಹಿಯಾದ ಮಾವಿನ ಹಣ್ಣು ಕೊಡುವ ಭರವಸೆ ನೀಡಿದ್ದೇನೆ (ನಗುತ್ತಾ)" ಎಂದು ರಾಧಿಕಾ ಹೇಳಿದ್ದಾರೆ.

ನಮ್ಮ ದೇಶದಲ್ಲಿ ಅವರವರ ಶಕ್ತಿ ಸಾಮರ್ಥ್ಯಕ್ಕೆ ತಕ್ಕಂತೆ ಮಾಡುವ ಒಂದು ದೊಡ್ಡ ಸಂಭ್ರಮ ಮದುವೆ. ಸಾಲಸೋಲ ಮಾಡಿ ಮದುವೆ ಮಾಡುತ್ತಿರುತ್ತಾರೆ. ಅಂತಹ ಮದುವೆಗಳ ಬಗ್ಗೆ ನನ್ನ ವಿರೋಧ ಇದೆ. ಹಾಲಿವುಡ್‌ ಮತ್ತು ಬಾಲಿವುಡ್‌ಗೆ ಹೋಲಿಕೆ ಬೇಡ: ರಾಧಿಕಾ ಆಪ್ಟೆ

"ಮದುವೆಯನ್ನು ಒಂದು ಸಂಭ್ರಮದಂತೆ ಆಚರಿಸುತ್ತಾರೆ. ತುಂಬಾ ಖರ್ಚು ಮಾಡುತ್ತಾರೆ. ಹಾಗಾಗಿಯೇ ಸಾಮರ್ಥ್ಯ ಇಲ್ಲದವರು ಮದುವೆ ಎಂದರೆ ಭಯ ಬೀಳುತ್ತಾರೆ. ಸಾಲಸೋಲ ಮಾಡಿ ಮಾಡುವ ಮದುವೆಗೆ ನಾನು ಅಷ್ಟಾಗಿ ಪ್ರಾಮುಖ್ಯತೆ ನೀಡಲ್ಲ. ನಮ್ಮದು ರಿಜಿಸ್ಟರ್ಡ್ ಮದುವೆಯಾದರೂ ಅದರಲ್ಲಿ ಸಾಕಷ್ಟು ಅನುಭವಗಳಿವೆ" ಎಂದಿದ್ದಾರೆ ರಾಧಿಕಾ.