ಯೂತ್ಸ್‌ಗೆ ನಾಟಿ ಡೈಲಾಗ್‌ಗಳೇ ಬೇಕೆಂದ ರಾಕುಲ್‌ ಪ್ರೀತ್‌ ಸಿಂಗ್‌

ಇತ್ತೀಚೆಗೆ ಬಿಡುಗಡೆಯಾದ ಬಾಲಿವುಡ್‌ನ ದೇ ದೇ ಪ್ಯಾರ್‌ ಸಿನಿಮಾದಲ್ಲಿ ನಟಿಸಿ ಗಮನ ಸೆಳೆದಿರುವ ರಾಕುಲ್‌ ಪ್ರೀತ್‌ ಸಿಂಗ್‌ ಅವರು ಆ ಸಿನಿಮಾದಲ್ಲಿ ಹೇಳಿರುವ ಕೆಲವು ತುಂಟ ಡೈಲಾಗ್‌ಗಳು ಟ್ರೋಲ್‌ ಆಗಿದ್ದವು. ಈ ಬಗ್ಗೆ ಸಂದರ್ಶನವೊಂದರಲ್ಲಿ ಕೇಳಿದ ಪ್ರಶ್ನೆಗೆ ಉತ್ತರಿಸಿರುವ ರಾಕುಲ್‌, ನಾಟಿ ಡೈಲಾಗ್‌ಗಳನ್ನು ಹೇಳಲು ನನಗೇನೂ ಸಮಸ್ಯೆಯಿಲ್ಲ. ಈಗಿನ ಯುವಜನತೆ ಕೂಡಾ ನಾಟಿಯಾಗಿಯೇ ಮಾತನಾಡುತ್ತಾರೆ. ಅವರಿಗೆ ಇಂಥ ಡೈಲಾಗ್‌ಗಳು ಇಷ್ಟವಾಗುತ್ತವೆ ಎಂದಿದ್ದಾರೆ.

ಅದೇ ರೀತಿ ನಟಿಯರು ಟ್ರೋಲ್‌ ಆಗುತ್ತಿರುವ ಬಗ್ಗೆ ಕೇಳಿದ ಪ್ರಶ್ನೆಗೆ ಅವರು, ನಮ್ಮ ದೇಶದ ಯುವತಿಯರನ್ನು ಟ್ರೋಲಿಗರು ಈ ರೀತಿ ಕಾಡಿದರೆ ನಾವು ಈ ದೇಶದಲ್ಲಿ ಸುರಕ್ಷ ತೆಯನ್ನು ನಿರೀಕ್ಷಿಸುವುದಾದರೂ ಹೇಗೆ ಎಂದು ಕೇಳಿದ್ದಾರೆ. ಟ್ರೋಲ್‌ಗಳು ನಟಿಯರ ವೈಯಕ್ತಿಕ ವರ್ಚಸ್ಸಿಗೆ ಧಕ್ಕೆ ತರುವಂತಿರಬಾರದು ಎಂದು ರಾಕುಲ್‌ ಅಭಿಪ್ರಾಯಪಟ್ಟಿದ್ದಾರೆ.