ತೆಲುಗು ಸಿನಿಮಾದಲ್ಲಿ ರಾಕುಲ್‌ ಸ್ಪೆಷಲ್‌ ಸಾಂಗ್‌

ಬಹುಭಾಷಾ ನಟಿ ರಾಕುಲ್‌ ಪ್ರೀತ್‌ ಸಿಂಗ್‌ ಇದೇ ಮೊದಲ ಬಾರಿಗೆ ತೆಲುಗು ಸಿನಿಮಾವೊಂದರಲ್ಲಿ ಸ್ಪೆಷಲ್‌ ಸಾಂಗ್‌ಗೆ ಡಾನ್ಸ್‌ ಮಾಡಲಿದ್ದಾರೆ. ಬೊಯಪತಿ ನಿರ್ದೇಶನದ ಈ ಸಿನಿಮಾದಲ್ಲಿ ರಾಮ್‌ಚರಣ್‌ ತೇಜ ನಾಯಕ. ಇನ್ನೂ ಹೆಸರಿಡದ ಈ ಸಿನಿಮಾದ ಶೂಟಿಂಗ್‌ ಈಗಾಗಲೇ ಆರಂಭವಾಗಿದೆ.

ದಕ್ಷಿಣ ಭಾರತದ ಹಲವಾರು ಸಿನಿಮಾಗಳಲ್ಲಿ ನಟಿಸಿರುವ ರಾಕುಲ್‌, ಸದ್ಯಕ್ಕೆ ಕಾರ್ತಿ ನಟನೆಯ ತಮಿಳು ಸಿನಿಮಾ ಮತ್ತು ಅಜಯ್‌ ದೇವಗನ್‌ ನಟನೆಯ ಹಿಂದಿ ಸಿನಿಮಾವೊಂದರ ಶೂಟಿಂಗ್‌ನಲ್ಲಿ ಬಿಝಿಯಾಗಿದ್ದಾರೆ. ತೆಲುಗು ಸಿನಿಮಾದಲ್ಲಿ ಅವರ ಸ್ಪೆಷಲ್‌ ಸಾಂಗ್‌ ಸಖತ್‌ ಹಿಟ್‌ ಆಗಲಿದೆ ಎಂದು ಹೇಳಲಾಗುತ್ತಿದೆ.