ದೀಪಿಕಾ ಪಡುಕೋಣೆ, ಕತ್ರಿನಾಕೈಫ್‌ ಜತೆ ಡೇಟಿಂಗ್‌ ಮಾಡಿದ್ದ ರಣ್‌ಬೀರ್‌ ಕಪೂರ್‌ ಲಂಡನ್‌ ಮೂಲದ ಹುಡುಗಿಯೊಬ್ಬಳನ್ನು ವಿವಾಹವಾಗಲಿದ್ದಾರಂತೆ.
ಈ ಬಗ್ಗೆ ಬಾಲಿವುಡ್‌ನಲ್ಲಿ ಸುದ್ದಿ ಜೋರಾಗಿ ಹರಿದಾಡುತ್ತಿದ್ದು, ಅದಕ್ಕೆ ಪುಷ್ಟಿ ನೀಡುವಂತೆ ಇತ್ತೀಚಿಗೆ ತಾಯಿ ನೀತೂ ಕಪೂರ್‌ ಜತೆ ರಣ್‌ಬೀರ್‌ ಲಂಡನ್‌ಗೆ ಹೋಗಿ ಬಂದಿದ್ದಾರೆ. ಅಲ್ಲಿ ಹುಡುಗಿಯನ್ನು ನೋಡಿಕೊಂಡು ಬಂದಿದ್ದಾರೆ ಎಂದು ಬಿಟೌನ್‌ ಮಂದಿ ಮಾತನಾಡಿಕೊಳ್ಳುತ್ತಿದ್ದಾರೆ.
ರಣಬೀರ್‌ ತಾಯಿ ನೀತೂಗೆ ಮಗ ಬಾಲಿವುಡ್‌ ನಟಿಯರನ್ನು ಮದುವೆ ಆಗೋದು ಇಷ್ಟವಿಲ್ಲ ಎನ್ನಲಾಗಿದೆ. ಹೀಗಾಗಿ ಲಂಡನ್‌ನ ಉದ್ಯಮಿಯೊಬ್ಬರ ಕುಟುಂಬದ ಹುಡುಗಿಯನ್ನು ಸೊಸೆಯನ್ನಾಗಿ ಮಾಡಿಕೊಳ್ಳಲು ನೀತು ಯೋಚಿಸುತ್ತಿದ್ದಾರಂತೆ. ರಣಬೀರ್‌ಗೂ ಆ ಹುಡುಗಿ ಇಷ್ಟವಾಗಿದ್ದು ಮದುವೆಗೆ ಒಪ್ಪಿದ್ದಾರೆ ಎನ್ನಲಾಗುತ್ತಿದೆ.
ಕತ್ರಿನಾ ರಣಬೀರ್‌ ಮದುವೆ ಆಗ್ತಾರೆ ಎಂಬಷ್ಟರ ಮಟ್ಟಿಗೆ ಸುದ್ದಿಯಾಗಿ ಕೊನೆಗೆ ಎಲ್ಲದಕ್ಕೂ ಬ್ರೇಕ್‌ ಬಿದ್ದಿತ್ತು. ಇದೀಗ ರಣಬೀರ್‌ ಅಪ್ಪ ಅಮ್ಮನ ಇಚ್ಛೆಗೆ ಅನುಗುಣವಾಗಿ ಮದುವೆಗೆ ಸಜ್ಜಾಗಿದ್ದಾರೆ ಎನ್ನಲಾಗಿದೆ.