ಆಲಿಯಾ ಮತ್ತು ರಣಬೀರ್‌ ಮದ್ವೆ 2020ಕ್ಕೆ ನಿಕ್ಕಿ?

ಬೆಂಗಳೂರು: ರಣಬೀರ್‌ ಕಪೂರ್‌ ಮತ್ತು ಆಲಿಯಾ ಭಟ್‌ ಲವ್‌ ಬರ್ಡ್ಸ್‌ ಎಂಬುದು ಬಿಟೌನ್‌ನಲ್ಲಿ ಗುಲ್ಲಾಗಿ ಸಿನಿರಂಗದ ಮೂಲೆಮೂಲೆಯಲ್ಲು ಹಬ್ಬಿದ್ದು ಗೊತ್ತೇ ಇದೆ. ಹೊಸ ವಿಚಾರ ಏನೆಂದರೆ ಇನ್ನೆರಡು ವರ್ಷದಲ್ಲಿ ರಣಬೀರ್‌ ಮತ್ತು ಆಲಿಯಾ ಮದುವೆಯಾಗಲಿದ್ದಾರಂತೆ!

ಹಲವಾರು ಕಾರ್ಯಕ್ರಮಗಳಲ್ಲಿ ಒಟ್ಟಿಗೆ ಕಾಣಿಸಿಕೊಳ್ಳುವ ಮೂಲಕ ತಮ್ಮಿಬ್ಬರ ನಡುವೆ ಗಾಢ ಪ್ರೀತಿ ಇರುವುದನ್ನು ಬಹಿರಂಗ ಪಡಿಸಿದ್ದರು. ತಮ್ಮ ಅಭಿಮಾನಿಗಳು ನಮ್ಮಿಬ್ಬರ ಸಂಬಂಧವನ್ನು ಮತ್ತೊಂದು ಹಂತಕ್ಕೆ ಕೊಂಡೊಯ್ಯಬೇಕೆಂದು ಬಯಸಿದ್ದಾರೆ. ಬಹಳ ನಿರೀಕ್ಷೆಯನ್ನು ಇಟ್ಟುಕೊಂಡಿದ್ದಾರೆ ಎಂದು ಇತ್ತೀಚೆಗೆ ಮ್ಯಾಗಜಿನ್‌ ಒಂದಕ್ಕೆ ರಣಬೀರ್‌ ಹೇಳಿಕೆ ನೀಡಿದ್ದರು.

ಬಹಳ ಹತ್ತಿರದ ಮೂಲಗಳ ಪ್ರಕಾರ 2020ರ ವೇಳೆಗೆ ರಣಬೀರ್‌ ಮತ್ತು ಆಲಿಯಾ ದಾಂಪತ್ಯ ಜೀವನಕ್ಕೆ ಕಾಲಿರಿಸಲಿದ್ದಾರೆ. 2020ರ ಮೊದಲು ಮದುವೆ ಸಂಭವಿಸಲ್ಲ ಎನ್ನಲಾಗಿದೆ.

ಖಾಸಗಿ ಚಾನೆಲ್‌ ಒಂದರಲ್ಲಿ ತನ್ನ ಜೀವನ ಮತ್ತು ಸಿನಿಮಾ ಬದುಕಿನ ಬಗ್ಗೆ ಮಾತನಾಡುತ್ತ, ತಾನು ಏಕಾಏಕಿ ನಿರ್ಧಾರಗಳನ್ನು ತೆಗೆದುಕೊಳ್ಳುವುದಲ್ಲದೆ, ಯಾರೂ ನಿರೀಕ್ಷಿಸದ ಸಂದರ್ಭದಲ್ಲೇ ಅಚ್ಚರಿ ಮೂಡಿಸುತ್ತೇನೆ ಎಂದಿದ್ದರು.

30 ವರ್ಷಕ್ಕೆ ಮದುವೆಯಾಗುತ್ತಾರೆ ಎಂದು ಹೆಚ್ಚಿನ ಅಭಿಮಾನಿಗಳು ಅಂದಾಜಿಸಿದ್ದಾರೆ. ಆದರೆ ಸಧ್ಯದ ಬೆಳವಣಿಗೆ ಗಮನಿಸಿದಾಗ ಆಲಿಯಾ ಎಲ್ಲರಿಗೂ ಅಚ್ಚರಿಯ ಸುದ್ದಿ ನೀಡುವುದಂತೂ ಖರೆ.

ಟ್ವೀಟರ್‌ನಲ್ಲಿ ಅಭಿಮಾನಿಯೊಬ್ಬರು ಮದುವೆ ಬಗ್ಗೆ ಕೇಳಿದಾಗ 'ಆದಷ್ಟು ಬೇಗ ಆಗುತ್ತದೆ ಎಂದುಕೊಂಡಿದ್ದೇನೆ' ಎಂದು ರಣಬೀರ್‌ ಉತ್ತರಿಸಿದ್ದರು.


ಈ ನಡುವೆ ಆಲಿಯಾ ಭಟ್‌ ಮತ್ತು ರಣಬೀರ್‌ ಕಪೂರ್‌ ಮೊದಲ ಬಾರಿಗೆ 'ಬ್ರಹ್ಮಾಸ್ತ್ರ' ಚಿತ್ರದಲ್ಲಿ ಒಟ್ಟಿಗೆ ಕಾಣಿಸಿಕೊಳ್ಳುತ್ತಿದ್ದಾರೆ. ಅಯನ್‌ ಮುಖರ್ಜಿ ಅವರ ನಿರ್ದೇಶನದಲ್ಲಿ ಮೂಡಿಬರುತ್ತಿರುವ ಚಿತ್ರದಲ್ಲಿ ಅಮಿತಾಬ್‌ ಬಚ್ಚನ್‌ ಮತ್ತು ಮೌನಿ ರಾಯ್‌ ನಟಿಸುತ್ತಿದ್ದಾರೆ. ಮುಂದಿನ ವರ್ಷ ಆಗಸ್ಟ್‌ 15ಕ್ಕೆ ಚಿತ್ರ ಬಿಡುಗಡೆಯಾಗಲಿದೆ.