ರಣವೀರ್‌ ತಾಯಿಯಿಂದ ದೀಪಿಕಾಗೆ ದುಬಾರಿ ಗಿಫ್ಟ್‌!

ಬಾಲಿವುಡ್‌ ಅಂಗಳದಲ್ಲಿ ರಣವೀರ್‌ ಸಿಂಗ್‌-ದೀಪಿಕಾ ಪಡುಕೋಣೆ ಕುರಿತಾದ ಲವ್‌ ಗಾಸಿಪ್‌ಗಳು ಹರಿದಾಡುತ್ತಲೇ ಇವೆ. ಜನವರಿ 5ರಂದು 32ನೇ ವಸಂತಕ್ಕೆ ಕಾಲಿರಿಸಿದ ದೀಪಿಕಾ, ಅದೇ ದಿನ ರಣವೀರ್‌ ಸಿಂಗ್‌ ಜತೆ ನಿಶ್ಚಿತಾರ್ಥ ಮಾಡಿಕೊಳ್ಳಲಿದ್ದಾರೆ ಎಂಬ ಮಾತು ಎಲ್ಲೆಡೆ ಜೋರಾಗಿ ಹಬ್ಬಿತ್ತು.

ಆದರೆ ಆ ಸುದ್ದಿ ಕೇವಲ ಗಾಸಿಪ್‌ ಎಂದು ಸಾಬೀತಾಯಿತು. ಅಂದು ರಣವೀರ್‌-ದೀಪಿಕಾ ಎಂಗೇಜ್‌ಮೆಂಟ್‌ ನಡೆಯಲಿಲ್ಲ ಬದಲಾಗಿ ರಣವೀರ್‌ ಕುಟುಂಬದ ಜತೆ ಶ್ರೀಲಂಕಾದಲ್ಲಿ ತಮ್ಮ ಹುಟ್ಟುಹಬ್ಬವನ್ನು ಗ್ರ್ಯಾಂಡ್‌ ಆಗಿ ಸೆಲಬ್ರೇಟ್‌ ಮಾಡಿಕೊಂಡಿದ್ದಾರೆ ಡಿಪ್ಪಿ. ಈ ಸಂದರ್ಭದಲ್ಲಿ ರಣವೀರ್‌ ತಾಯಿ ದೀಪಿಕಾಗೆ ದುಬಾರಿ ಉಡುಗೊರೆಯನ್ನು ನೀಡಿದ್ದಾರಂತೆ. ಈ ಸುದ್ದಿ ರಣವೀರ್‌-ದೀಪಿಕಾ ಕುರಿತಾದ ಮಾತುಗಳಿಗೆ ಮತ್ತಷ್ಟು ಹೊಳಪು ನೀಡಿದೆ.

ಹೌದು, ರಣವೀರ್‌ ಪೋಷಕರು ದೀಪಿಕಾಗೆ ದುಬಾರಿ ಡೈಮಂಡ್‌ ಸೆಟ್‌ ಹಾಗೂ ಸಬ್ಯಸಾಚಿ ಸೀರೆಯನ್ನು ಉಡುಗೊರೆಯಾಗಿ ನೀಡಿದ್ದಾರೆಂದು ವರದಿಯಾಗಿದೆ. ಈ ಸುದ್ದಿ ಕೇಳಿದ ಬಾಲಿವುಡ್‌ ಪಂಡಿತರು, ಮುಂದಿನ ದಿನಗಳಲ್ಲಿ ರಣವೀರ್‌-ದೀಪಿಕಾ ಮದುವೆ ಗ್ಯಾರಂಟಿ ಎಂದು ಮಾತನಾಡಿಕೊಳ್ಳುತ್ತಿದ್ದಾರೆ. ಆದರೆ ಇಂತಹ ಸುದ್ದಿಗಳ ಬಗ್ಗೆ ರಣವೀರ್‌ ಆಗಲಿ ದೀಪಿಕಾ ಆಗಲಿ ಇದುವರೆಗೂ ತುಟಿ ಬಿಚ್ಚಿಲ್ಲ.