ದೀಪಿಕಾ ಇಷ್ಟಪಟ್ಟಂತೆಯೇ ಮದುವೆಯಾಯಿತು ಎಂದ ರಣವೀರ್‌ ಸಿಂಗ್‌

ತಮ್ಮ ಮದುವೆ ಪ್ಲಾನಿಂಗ್‌ ಬಗ್ಗೆ ಇದೇ ಮೊದಲ ಬಾರಿಗೆ ಮಾತನಾಡಿರುವ ರಣವೀರ್‌ ಸಿಂಗ್‌, ಮದುವೆಯ ಸ್ಥಳ, ಖಾದ್ಯಗಳ ಆಯ್ಕೆ ಇತ್ಯಾದಿಗಳೆಲ್ಲವೂ ಪತ್ನಿ ದೀಪಿಕಾ ಪಡುಕೋಣೆಯ ಬಯಕೆಯಂತೆಯೇ ಆಯಿತು ಎಂದಿದ್ದಾರೆ. ಮದುವೆ ಸಮಾರಂಭದ ಬಗ್ಗೆ ಆಕೆಯ ಯೋಜನೆಗಳೆಲ್ಲಾ ವಿಶೇಷವಾಗಿದ್ದವು. ಖಾದ್ಯಗಳನ್ನು ಆಯ್ಕೆ ಮಾಡಲು ಹೋದಾಗ ನಾವು 22 ರೀತಿಯ ಟೇಸ್ಟ್‌ಗಳನ್ನು ಮಾಡಿದ್ದೇವೆ. ಇದನ್ನೆಲ್ಲಾ ತಿಂದು ಜಿಮ್‌ಗೂ ಹೋಗುತ್ತಿದ್ದೇವೆ ಎಂದು ಅವರು ವಿವರಿಸಿದ್ದಾರೆ.

ಮದುವೆ ಬಗ್ಗೆ ದೀಪಿಕಾರಿಗೆ ಏನೆಲ್ಲ ಆಸೆಯಿತ್ತೋ ಅದೆಲ್ಲವನ್ನೂ ನಾನು ಪೂರೈಸಿದ್ದೇನೆ. ಆಕೆಯ ಇಷ್ಟದಂತೆಯೇ ಎಲ್ಲವೂ ಆಗಲಿ ಎಂದು ಬಯಸಿದೆ. ಆಕೆ ಬಯಸಿದ ಎಲ್ಲವನ್ನೂ ಪಡೆದುಕೊಳ್ಳಲು ಆಕೆಗೆ ಹಕ್ಕಿದೆ. ನನ್ನ ಪತ್ನಿಯ ಸಂತೋಷದಲ್ಲಿಯೇ ನನ್ನ ಸಂತೋಷವಿದೆ ಎಂದು ರಣವೀರ್‌ ಹೇಳಿದ್ದಾರೆ.