ನವೆಂಬರ್ 19ಕ್ಕೆ ದೀಪಿಕಾ ಪಡುಕೋಣೆ ಪಾಣಿಗ್ರಹಣ

ಬಾಲಿವುಡ್‌ನ ಸ್ಟಾರ್‌ ಜೋಡಿ ದೀಪಿಕಾ ಪಡುಕೋಣೆ ಮತ್ತು ರಣವೀರ್‌ ಸಿಂಗ್‌ ಮದುವೆ ಬರುವ ನವೆಂಬರ್‌ 19 ಕ್ಕೆ ನಡೆಯಲಿದೆ ಎಂದು ಹೇಳಲಾಗುತ್ತಿದೆ. ಈ ಬಗ್ಗೆ ಇವರಿಬ್ಬರಿಂದ ಅಥವಾ ಇವರ ಕುಟುಂಬದವರಿಂದ ಯಾವುದೇ ಅಧಿಕೃತ ಹೇಳಿಕೆ ಬಂದಿಲ್ಲವಾದರೂ, ಕೆಲವು ಮೂಲಗಳ ಪ್ರಕಾರ, ನವೆಂಬರ್‌ 19 ಕ್ಕೆ ಇವರ ಮದುವೆ ಮುಂಬಯಿಯಲ್ಲಿ ನಡೆಯಲಿದೆ ಎಂದು ಹೇಳಲಾಗುತ್ತಿದೆ. ಮದುವೆಯ ಕೆಲವು ದಿನಗಳ ಮೊದಲು ಅಂದರೆ ಸುಮಾರು ನವೆಂಬರ್‌ 10 ರಿಂದ ಮದುವೆ ಶಾಸ್ತ್ರಗಳು ಆರಂಭವಾಗಲಿವೆ.

ದೀಪ್‌ವೀರ್‌ ಮದುವೆಯ ಸುದ್ದಿ ಈ ವರ್ಷದ ಆರಂಭದಲ್ಲೇ ಎಲ್ಲೆಡೆ ಹರಡಿತ್ತು. ಈ ಜೋಡಿ ಶ್ರೀಲಂಕಾದಲ್ಲಿ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಇದೇ ವರ್ಷ ಮದುವೆಯಾಗಲಿದ್ದಾರೆ ಎಂಬ ವರದಿ ಬಂದಿತ್ತು. ಆದರೆ ಮದುವೆಯ ದಿನಾಂಕ ತಿಳಿದುಬಂದಿರಲಿಲ್ಲ. ದೀಪಿಕಾ ಪಡುಕೋಣೆಯ ವೆಡ್ಡಿಂಗ್‌ ರಿಸೆಪ್ಷನ್‌ ಬೆಂಗಳೂರಿನಲ್ಲಿ ನಡೆಯಲಿದೆಯಂತೆ.