ಒಂದೇ ಸಿನಿಮಾದಲ್ಲಿ ರಣವೀರ್‌-ರಣಬೀರ್‌

ತೊಂಬತ್ತರ ದಶಕದ ಸೂಪರ್‌ ಹಿಟ್‌ ಕಾಮಿಡಿ ಸಿನಿಮಾ ಅಂದಾಜ್‌ ಅಪ್ನಾ ಅಪ್ನಾ ಸಿಕ್ವೆಲ್‌ನಲ್ಲಿ ರಣವೀರ್‌ ಸಿಂಗ್‌ ಮತ್ತು ರಣಬೀರ್‌ ಕಪೂರ್‌ ನಟಿಸುವ ಸಾಧ್ಯತೆ ಇದೆ. ಇದರ ಪ್ರಿಕ್ವೆಲ್‌ನಲ್ಲಿ ಆಮಿರ್‌ ಖಾನ್‌ ಮತ್ತು ಸಲ್ಮಾನ್‌ ಖಾನ್‌ ನಟಿಸಿದ್ದರು. ಇದರ ಸಿಕ್ವೆಲ್‌ ಸೆಟ್ಟೇರುವ ಸುಳಿವನ್ನು ರಣವೀರ್‌ ಸಿಂಗ್‌ ಟ್ವಿಟ್ಟರ್‌ನಲ್ಲಿ ನೀಡಿದ್ದಾರೆ. ಕಾಮಿಡಿ ಸಿನಿಮಾದಲ್ಲಿ ನಟಿಸುವ ಯೋಜನೆ ಇದೆಯೇ ಎಂದು ಅಭಿಮಾನಿಯೊಬ್ಬರು ಕೇಳಿರುವ ಪ್ರಶ್ನೆಗೆ ರಣವೀರ್‌, ಅಂದಾಜ್‌ ಅಪ್ನಾ ಅಪ್ನಾ ಸಿಕ್ವೆಲ್‌ನಲ್ಲಿ ಅದನ್ನು ಎದುರು ನೋಡುತ್ತಿದ್ದೇನೆ ಎಂದು ಪ್ರತಿಕ್ರಿಯಿಸಿದ್ದಾರೆ.

ಸ್ಟಾರ್‌ ನಿರ್ಮಾಪಕ ರೋಹಿತ್‌ ಶೆಟ್ಟಿ ಈ ಮೊದಲೊಮ್ಮೆ ತಾವು ಅಂದಾಜ್‌ ಅಪ್ನಾ ಅಪ್ನಾ ಸಿನಿಮಾವನ್ನು ರಿಮೇಕ್‌ ಮಾಡುವುದಾದರೆ ಅದರ ಪಾತ್ರಧಾರಿಯಾಗಿ ರಣವೀರ್‌ ಸಿಂಗ್‌ ಮತ್ತು ರಣಬೀರ್‌ ಕಪೂರ್‌ರನ್ನು ಆಯ್ಕೆ ಮಾಡುವೆ ಎಂದು ಹೇಳಿದ್ದರು. ಇದೀಗ ರಣವೀರ್‌ ಸಿಂಗ್‌ ಮಾಡಿರುವ ಟ್ವೀಟ್‌, ಶೀಘ್ರದಲ್ಲೇ ಇವರಿಬ್ಬರು ಒಂದೇ ಸಿನಿಮಾದಲ್ಲಿ ಕಾಣಿಸಿಕೊಳ್ಳುವ ಸಾಧ್ಯತೆಯನ್ನು ವ್ಯಕ್ತಪಡಿಸಿದೆ.