ಮಾಜಿ ಗರ್ಲ್‌ಫ್ರೆಂಡ್ ಬಗ್ಗೆ ಬಾಯಿಬಿಟ್ಟ ರಣವೀರ್

ರಣವೀರ್ ಸಿಂಗ್ ಅವರಿಗೆ ಲೇಡಿ ಫ್ಯಾನ್ಸ್ ಸಂಖ್ಯೆ ಹೆಚ್ಚುತ್ತಲೇ ಇದೆ. ಇದಕ್ಕೆ ಕಾರಣ ಅವರ ಸೆಕ್ಸಿ ಲುಕ್. ಮೊನ್ನೆಯಷ್ಟೇ ತಮ್ಮ ನ್ಯೂಡ್ ಸೆಲ್ಫಿ ತೆಗೆದು ಇನ್‌ಸ್ಟಾಗ್ರಾಂನಲ್ಲಿ ಅದನ್ನು ಹಾಕಿ ಸುದ್ದಿಯಾಗಿದ್ದರು ಈ ನಟ.

ಇದೀಗ ಮತ್ತೊಂದು ವಿಷಯವನ್ನು ಬಹಿರಂಗಪಡಿಸಿ ಸುದ್ದಿಯ ಪಡಸಾಲೆಗೆ ಬಂದಿದ್ದಾರೆ. ತಮ್ಮ ವೈಯಕ್ತಿಕ ವಿಷಯಗಳನ್ನು ಯಾವುದೇ ಮುಲಾಜಿಲ್ಲದೇ ಹೇಳುವ ಜಾಯಮಾನದ ರಣವೀರ್, ಈಗ ತಮ್ಮ ಮಾಜಿ ಗರ್ಲ್‌ಫ್ರೆಂಡ್ ವಿಷಯವನ್ನೂ ಹೇಳಿಕೊಂಡಿದ್ದಾರೆ.

‘ಯೆಸ್, ಆಕೆ ಮೊರೊಕ್ಕೊ ಮೂಲದ ಪ್ಯಾರೀಸ್ ಸುಂದರಿ. ಅದ್ಹೇಗೋ ನನ್ನ ಗಮನ ಸೆಳೆದೇಬಿಟ್ಟಳು. ನಾವಿಬ್ಬರೂ ಒಟ್ಟಿಗೇ ತುಂಬ ಖುಷಿಯ ಕ್ಷಣಗಳನ್ನು ಕಳೆದಿದ್ದೇವೆ. ಅವೆಲ್ಲವೂ ಮರೆಯಲಾಗದ ರಸನಿಮಿಷಗಳು...’ ಹೀಗೆ ಸಾಗುತ್ತದೆ ಈ ಸುಂದರಾಂಗನ ವಿವರ. ಆದರೆ ಆಕೆಯ ಹೆಸರು ಏನು ಎಂಬುದನ್ನು ಮಾತ್ರ ಬಹಿರಂಗಪಡಿಸಲಿಲ್ಲ. ಇದಕ್ಕೆ ಒಂದಿಷ್ಟು ಕಾರಣಗಳೂ ಇವೆಯಂತೆ.

ಅಂದಹಾಗೆ, ರಣವೀರ್ ಇದೆಲ್ಲವನ್ನೂ ಹೇಳಿಕೊಂಡಿದ್ದು ತಮ್ಮ ಮುಂಬರುವ ‘ಬೇಫಿಕರ್’ ಚಿತ್ರದ ಟ್ರೇಲರ್ ಲಾಂಚ್ ಸಂದರ್ಭದಲ್ಲಿ.