'ರೋಮಿ ದೇವ್' ಪಾತ್ರ ಅನಾವರಣಗೊಳಿಸಿದ ರಣವೀರ್ ಸಿಂಗ್; ದೀಪಿಕಾ ಲುಕ್‌ಗೆ ಬೆರಗಾದ ಫ್ಯಾನ್ಸ್

ಬಾಲಿವುಡ್‌ನ ಬಹುನಿರೀಕ್ಷಿತ ಸಿನಿಮಾಗಳಲ್ಲಿ ಕಬೀರ್ ಖಾನ್ ನಿರ್ದೇಶನದ '83' ಸಿನಿಮಾ ಸಹ ಒಂದು. ಕಪಿಲ್ ದೇವ್ ನಾಯಕತ್ವದ ಭಾರತದ ಕ್ರಿಕೆಟ್ ತಂಡ 1983ರಲ್ಲಿ ವಿಶ್ವಕಪ್ ಗೆದ್ದ ರೋಚಕ ಕಥಾನಕವನ್ನು ಈ ಸಿನಿಮಾ ಮೂಲಕ ತೆರೆಗೆ ತರಲಾಗುತ್ತಿದೆ.

ಸರಣಿಯ ಫೇವರಿಟ್ ತಂಡ ಎನ್ನಿಸಿಕೊಂಡಿದ್ದ ವೆಸ್ಟ್ ಇಂಡೀಸ್ ತಂಡವನ್ನು ಮಣಿಸಿ ಭಾರತ ವಿಶ್ವಕಪ್ ಮುಡಿಗೇರಿಸಿಕೊಂಡ ಐತಿಹಾಸಿಕ ಕ್ಷಣಗಳು ಹೇಗಿತ್ತು ಎಂಬುದನ್ನು ತೆರೆಯ ಮೇಲೆ ನೋಡಲು ಚಿತ್ರರಸಿಕರು ತುದಿಗಾಲಲ್ಲಿ ನಿಲ್ಲುವಂತೆ ಮಾಡಿದೆ ಈ ಸಿನಿಮಾ. ಕಪಿಲ್ ದೇವ್ ಜೀವನ ಚರಿತ್ರೆ ಆಧಾರಿತ ಚಿತ್ರವಾಗಿರುವ 83, ಈಗಾಗಲೇ ಭಾರೀ ಗಮನಸೆಳೆದಿದೆ.

ಈಗಾಗಲೆ ಈ ಚಿತ್ರಕ್ಕೆ ಸಂಬಂಧಿಸಿದ ಫಸ್ಟ್ ಲುಕ್ ರಿಲೀಸ್ ಆಗಿದ್ದು ಸಿನಿಮಾ ಬಗ್ಗೆ ಇನ್ನಷ್ಟು ಆಸಕ್ತಿ ಕೆರಳಿಸಿದೆ. ಇದೀಗ ರಣವೀರ್ ಸಿಂಗ್ ಮತ್ತೊಂದು ಫೋಟೋವನ್ನು ಬಿಡುಗಡೆ ಮಾಡಿದ್ದಾರೆ. ಈ ಚಿತ್ರದಲ್ಲಿ ಕಪಿಲ್ ದೇವ್ ಪತ್ನಿ ರೋಮಿ ದೇವ್ ಪಾತ್ರದಲ್ಲಿ ದೀಪಿಕಾ ಪಡುಕೋಣೆ ಅಭಿನಯಿಸಿದ್ದು ಅವರ ಲುಕ್ ಬಹಿರಂಗಪಡಿಸಿದ್ದಾರೆ.

ರಣವೀರ್ ಸಿಂಗ್ ಹಾಗೂ ದೀಪಿಕಾ ಪರಸ್ಪರ ಒಬ್ಬರನ್ನೊಬ್ಬರು ನೋಡಿಕೊಳ್ಳುತ್ತಿರುವ ಫೋಟೋ ಗಮನಸೆಳೆಯುತ್ತದೆ. ರಣವೀರ್ ರಿಲ್ಯಾಕ್ಸ್ ಮೂಡ್‌ನಲ್ಲಿ ಕಾಣಿಸಿಕೊಂಡಿದ್ದರೆ, ದೀಪಿಕಾ ಮುಖದಲ್ಲಿನ ನಗು ಆಕರ್ಷಕವಾಗಿದೆ. ಇದಿಷ್ಟೇ ಅಲ್ಲದೆ ಬಾಬ್ ಕಟ್ ಗೆಟಪ್ ವಿಶೇಷ ಎನ್ನಬಹುದು. ರಣವೀರ್ ಟೀಂ ಇಂಡಿಯಾ ಬ್ಲೇಜರ್‌ ಧರಿಸಿದ್ದರೆ ದೀಪಿಕಾ ಕಪ್ಪು ಮತ್ತು ಕೆನೆ ಮಿಶ್ರಿತ ಬಣ್ಣದ ದಿರಿಸಿನಲ್ಲಿ ಕಂಗೊಳಿಸಿದ್ದಾರೆ.
https://www.instagram.com/p/B8u8WTmhpgg/https://www.instagram.com/p/B8u8WTmhpgg/?utm_source=ig_embed&utm_campaign=loading
ಈ ಫೋಟೋಗೆ ರಣವೀರ್ ಈ ರೀತಿ ಕ್ಯಾಪ್ಷನ್ ನೀಡಿದ್ದಾರೆ, "ನನ್ನ ರೆಕ್ಕೆಗಳ ಅಡಿಯಲ್ಲಿರುವ ಗಾಳಿ. ಚಂಡಮಾರುತದ ಹೃದಯ" ಎಂದು ಬರೆದುಕೊಂಡಿದ್ದು ದೀಪಿಕಾ ಪಡುಕೋಣೆಗೆ ಟ್ಯಾಗ್ ಮಾಡಿದ್ದಾರೆ.

ಕಪಿಲ್ ದೇವ್ ಮನೆಯಲ್ಲಿ ವಾಸ ಮಾಡುತ್ತಿರುವ ರಣ್‌ವೀರ್ ಸಿಂಗ್!
1983ರಲ್ಲಿ ಭಾರತ ಮೊದಲ ಬಾರಿಗೆ ವಿಶ್ವಕಪ್ ಗೆದ್ದಾಗ ತಂಡದ ನಾಯಕರಾಗಿದ್ದವರು ಕಪಿಲ್ ದೇವ್. ಅದಕ್ಕೂ ಮೊದಲು ಭಾರತ ವಿಶ್ವಕಪ್ ಗೆದ್ದಿರಲಿಲ್ಲ. 1983 ರಲ್ಲಿ ಮೊದಲ ಬಾರಿಗೆ ವಿಶ್ವಕಪ್ ಗೆದ್ದ ತಂಡದ ನಾಯಕರಾಗಿದ್ದ ಕಪಿಲ್ ದೇವ್ ಅವರ ವೀರ ಜೀವನಗಾಥೆ ಇದೀಗ '83' ಸಿನಿಮಾ ಮೂಲಕ ತೆರೆಗೆ ಬರಲಿದೆ. ಈ ಚಿತ್ರದ ಪಾತ್ರಕ್ಕಾಗಿ ನಟ ರಣ್‌ವೀರ್ ಸಿಂಗ್ ಸ್ವತಃ ಕಪಿಲ್ ದೇವ್ ಅವರಿಂದ ಟ್ರೇನಿಂಗ್ ಪಡೆದಿದ್ದಾರೆ. ಹೀಗಾಗಿ ಈ ಚಿತ್ರದ ಬಗ್ಗೆ ನಿರೀಕ್ಷೆ ಇನ್ನೂ ಹೆಚ್ಚಾಗಿದೆ.

ಗಂಡನಿಗೆ ಬ್ಯಾಟ್‌ನಿಂದ ಹೊಡೆದ ದೀಪಿಕಾ ಪಡುಕೋಣೆ
ಕಪಿಲ್ ದೇವ್ ಪಾತ್ರದಲ್ಲಿ ರಣ್‌ವೀರ್ ಸಿಂಗ್ ಕಾಣಿಸಿಕೊಳ್ಳಲಿದ್ದಾರೆ. ತಹೀರ್ ರಾಜ್‌ ಭಾಸಿನ್ ಅವರು ಸುನೀಲ್ ಗಾವಸ್ಕರ್ ಆಗಿ, ಕೃಷ್ಣಮಾಚಾರಿ ಶ್ರೀಕಾಂತ್ ಆಗಿ ಜೀವಾ, ಮೊಹೀಂದರ್ ಅಮರ್‌ನಾಥ್ ಆಗಿ ಸಾಕಿಬ್ ಸಲೀಮ್, ಸಂದೀಪ್ ಪಾಟೀಲ್ ಆಗಿ ಚಿರಾಗ್ ಪಾಟೀಲ್ ಮುಂತಾದವರು ಈ ಸಿನಿಮಾಲ್ಲಿ ಬಣ್ಣ ಹಚ್ಚಲಿದ್ದಾರೆ.

ರಣ್‌ವೀರ್ ಸಿಂಗ್ '83' ಫಸ್ಟ್‌ ಲುಕ್ ನೋಡಿ ಫ್ಯಾನ್ಸ್ ಫುಲ್ ಥ್ರಿಲ್!
ಈ ಸಿನಿಮಾ 2020ರ ಏಪ್ರಿಲ್‌ನಲ್ಲಿ ತೆರೆಗೆ ಬರಲಿದೆ ಎನ್ನಲಾಗಿದೆ. ಒಟ್ಟಿನಲ್ಲಿ, ಚಿತ್ರವು ಅದ್ದೂರಿ ಮೇಕಿಂಗ್ ಹಾಗೂ ಭಾರೀ ಬಜೆಟ್ ಮೂಲಕ 1983ರ ವಿಶ್ವಕಪ್‌ ವೈಭವವನ್ನು ತೆರೆಯ ಮೇಲೆ ಕಟ್ಟಿಕೊಡಲಿದೆ ಎನ್ನಲಾಗಿದೆ.