ಖಿಲ್ಜಿಯಂಥ ಪಾತ್ರ ಇನ್ನು ಮಾಡಲ್ಲ: ರಣವೀರ್‌ ಸಿಂಗ್‌

ಪದ್ಮಾವತ್‌ ಸಿನಿಮಾದಲ್ಲಿ ತಾವು ಮಾಡಿದ ಅಲ್ಲಾವುದ್ದೀನ್‌ ಖಿಲ್ಜಿಯಂಥ ವಿಕೃತ ಪಾತ್ರಗಳನ್ನು ಇನ್ನು ಮುಂದೆ ಮಾಡುವುದಿಲ್ಲ ಎಂದು ನಟ ರಣವೀರ್‌ ಸಿಂಗ್‌ ಸ್ಪಷ್ಟಪಡಿಸಿದ್ದಾರೆ. ಇಂಥ ಡಾರ್ಕ್‌ ಶೇಡ್‌ನ ಪಾತ್ರಗಳು ಕೆಲವೊಮ್ಮೆ ನಟನಿಗೂ ಕ್ಷೋಭೆಯನ್ನುಂಟು ಮಾಡುತ್ತದೆ ಎಂದು ಅವರು ಸಂದರ್ಶನವೊಂದರಲ್ಲಿ ಹೇಳಿದ್ದಾರೆ.

ಹಾಗಾದರೆ ಖಿಲ್ಜಿ ಪಾತ್ರ ಮಾಡಲು ಯಾಕೆ ಒಪ್ಪಿಕೊಂಡ್ರಿ ಎಂದು ಕೇಳಿದ ಪ್ರಶ್ನೆಗೆ ಅವರು, ಒಂದು ಪಾತ್ರದೊಳಗೆ ನಾನು ಎಷ್ಟು ಆಳವಾಗಿ ಪರಕಾಯ ಪ್ರವೇಶ ಮಾಡುತ್ತೇನೆ ಎಂಬುದನ್ನು ತಿಳಿದುಕೊಳ್ಳಲು ಖಿಲ್ಜಿ ಪಾತ್ರದ ಸವಾಲನ್ನು ಸ್ವೀಕರಿಸಿದೆ. ಆ ನಿಟ್ಟಿನಲ್ಲಿ ನನಗೆ ತೃಪ್ತಿ ಸಿಕ್ಕಿದೆ. ನಾನು ಆ ಪಾತ್ರದಲ್ಲಿ ಸಂಪೂರ್ಣ ಲೀನವಾಗಿದ್ದೆ. ಇದರಿಂದ ನನಗೆ ಹೊರಬರಲು ತುಂಬಾ ಕಷ್ಟವಾಗಿತ್ತು. ಆಗಲೇ ನಾನು ಮುಂದೆ ಇಂಥ ಭಯಾನಕ ಪಾತ್ರ ಮಾಡಲಾರೆ ಎಂದು ನಿರ್ಧರಿಸಿಬಿಟ್ಟೆ ಎಂದು ರಣವೀರ್‌ ಸಿಂಗ್‌ ವಿವರಿಸಿದ್ದಾರೆ.