Deepika Ranveer Marriage: ಸಂಗೀತ್‌ ಕಾರ್ಯಕ್ರಮದಲ್ಲಿ ದೀಪಿಕಾಗಾಗಿ ರಣವೀರ್ ಹಾಡಿದ ಹಾಡು ಯಾವುದು ಗೊತ್ತಾ?

ಮುಂಬಯಿ: ಬಾಲಿವುಡ್‌ನ ಅತ್ಯಂತ ಹಾಟ್‌ ಜೋಡಿ ದೀಪಿಕಾ ಪಡುಕೋಣೆ, ರಣವೀರ್‌ ಸಿಂಗ್ ದಾಂಪತ್ಯ ಜೀವನಕ್ಕೆ ಕಾಲಿಡಲು ಕ್ಷಣಗಣನೆ ಆರಂಭವಾಗಿದೆ.

ಮದುವೆ ಮುನ್ನಾದಿನ ನಡೆದ ಮೆಹಂದಿ ಕಾರ್ಯಕ್ರಮದಲ್ಲಿ ದೀಪಿಕಾಗಾಗಿ ರಣವೀರ್ ಸಿಂಗ್‌ ಹಾಡು ಹಾಡಿ ಖುಷಿ ನೀಡಿದ್ದಾರೆ.

ಇಟಲಿಯ ಅತ್ಯಂತ ಭವ್ಯ ನೈಸರ್ಗಿಕ ತಾಣವಾಗಿರುವ ಲೇಕ್‌ ಕೊಮೊದಲ್ಲಿ ನಡೆದ ಸಂಗೀತ್‌ ಕಾರ್ಯಕ್ರಮದಲ್ಲಿ ಕೆಲವೇ ಕೆಲವು ಆಯ್ದ ಅತಿಥಿಗಳಿದ್ದರು.

ತೀರಾ ಖಾಸಗಿ ಸಮಾರಂಭದಲ್ಲಿ ಹಾಡು, ನೃತ್ಯ ಜೋರಾಗಿ ಸಾಗಿತ್ತು.


ಸಂಗೀತ್‌ ಕಾರ್ಯಕ್ರಮಕ್ಕೆ ರಣವೀರ್‌ ಎಂಟ್ರಿ ಕೊಟ್ಟಿದ್ದು ತಮ್ಮ ಗುಂಡೇ ಚಿತ್ರದ "ಥೂನೆ ಮಾಂಟ್ರಿ ಎಂಟ್ರಿಯಾ' ಹಾಡಿನ ಮೂಲಕ. ಈ ಹಾಡನ್ನು ದೀಪಿಕಾಗೆ ರಣವೀರ್‌ ಅರ್ಪಿಸಿದರು.

ನಂತರ ಮೆಹಂದಿಗೆ ಸಂಬಂಧಿಸಿ ಹಲವಾರು ಹಾಡುಗಳು ತೇಲಿಬಂದವು.

'ಓ ಹಸೀನಾ ಝುಲ್ಫೋ ವಾಲಿ' ಹಾಡು ಆಗಾಗ ಕೇಳಿಬರುತ್ತಿತ್ತು. ಹಳೆಯ ಮಧುರ ಗೀತೆಗಳು ಮಧ್ಯೆ ಮಧ್ಯೆ ತೇಲಿಬಂದವು.

ಗುರುವಾರ ದೀಪಿಕಾ ಪಡುಕೋಣೆ-ರಣವೀರ್‌ ಸಿಂಗ್‌ ಮದುವೆಗೆ ಸಾಕ್ಷಿಯಾಗಲು ಇಟಲಿಯ ಭವ್ಯ ತಾಣ ನವವಧುವಿಗಿಂತ ಹೆಚ್ಚಾಗಿ ಸಿಂಗಾರ ಮಾಡಿಕೊಂಡು ಸಜ್ಜಾಗಿದೆ.