ಡೇಟಿಂಗ್‌ ವದಂತಿ ನಿರಾಕರಿಸಿದ ರೆಜಿನಾ ಕ್ಯಾಸಂಡ್ರಾ

ಟಾಲಿವುಡ್‌ ನಟಿ ರೆಜಿನಾ ಕ್ಯಾಸಂಡ್ರಾ ತಮ್ಮ ಕುರಿತಾದ ಡೇಟಿಂಗ್‌ ರೂಮರ್‌ಗಳನ್ನೆಲ್ಲಾ ತಳ್ಳಿ ಹಾಕಿದ್ದಾರೆ. ಈ ಸುದ್ದಿಗಳೆಲ್ಲಾ ಸಂಪೂರ್ಣ ಸುಳ್ಳು ಎಂದು ಹೇಳಿರುವ ಅವರು, ಇವೆಲ್ಲಾ ಆಧಾರವಿಲ್ಲದ ವದಂತಿಗಳಷ್ಟೇ ಎಂದು ಸ್ಪಷ್ಟಪಡಿಸಿದ್ದಾರೆ.

ರೆಜಿನಾ ಕಳೆದ ಎರಡು ವರ್ಷಗಳೊಂದಿಗೆ ಓರ್ವನೊಂದಿಗೆ ಡೇಟಿಂಗ್‌ನಲ್ಲಿದ್ದಾರೆ ಎಂದು ಕೆಲವು ವೆಬ್‌ಸೈಟ್‌ಗಳು ಬರೆದಿದ್ದವು. ಇದಕ್ಕೆ ಪ್ರತಿಕ್ರಿಯೆ ನೀಡಿರುವ ನಟಿ, ಸದ್ಯಕ್ಕೆ ನಾನು ನನ್ನ ವೃತ್ತಿಯನ್ನೇ ತುಂಬಾ ಪ್ರೀತಿಸುತ್ತಿದ್ದೇನೆ. ತನ್ನ ಜೀವನದ ಇತರ ವಿಚಾರಗಳಿಗಿಂತ ತನಗೀಗ ವೃತ್ತಿಯೇ ಇಷ್ಟವಾಗುತ್ತಿದೆ ಎಂದಿದ್ದಾರೆ. ತನ್ನ ಜೀವನದಲ್ಲಿ ಪ್ರೀತಿಗೆ ಸಂಬಂಧಿಸಿದಂತೆ ಏನಾದರೂ ಬದಲಾವಣೆ ನಡೆದರೆ ಅದರ ಬಗ್ಗೆ ತಾನು ಎಲ್ಲಾ ವಿವರ ನೀಡುವುದಾಗಿ ಅವರು ಹೇಳಿದ್ದಾರೆ. ರೆಜಿನಾ ಕ್ಯಾಸಂಡ್ರಾ ತೆಲುಗು, ತಮಿಳು ಸಿನಿಮಾ ಸೇರಿದಂತೆ ಬಾಲಿವುಡ್‌ನಲ್ಲೂ ನಟಿಸಿದ್ದಾರೆ.