ರೇಖಾ-ಸಂಜಯ್‌ ಮದುವೆ ಗಾಸಿಪ್

ಮುಂಬಯಿ: ಬಾಲಿವುಡ್‌ ನಟ ಸಂಜಯ್‌ದತ್‌ ಹಾಗೂ ಎವರ್‌ ಗ್ರೀನ್ ಬ್ಯೂಟಿ ರೇಖಾ ವಿವಾಹವಾಗಿಲ್ಲ ಎಂದು ರೇಖಾ-'ದಿ ಅನ್‌ಟೋಲ್ಡ್‌ ಸ್ಟೋರಿ' ಬರಹಗಾರ ಯಾಸರ್‌ ಉಸ್ಮಾನ್ ಸ್ಪಷ್ಟ ಪಡಿಸಿದ್ದಾರೆ.

ಕೆಲವೊಂದು ಮಾಧ್ಯಮಗಳು ಉಸ್ಮಾನ್ ಬರೆದ ಪುಸ್ತಕದಲ್ಲಿ ರೇಖಾ ಮತ್ತು ಸಂಜಯ್‌ದತ್ 1984ರಲ್ಲಿ ಮದುವೆಯಾಗಿದ್ದರು ಎಂದು ಹೇಳಲಾಗಿದೆ ಎಂದು ಪ್ರಸಾರ ಮಾಡಿದ್ದೆವು.

ಆದರೆ ಇದಕ್ಕೆ ಪ್ರತಿಕ್ರಿಯಿಸಿದ ಬರಹಗಾರ ಆ ಸುದ್ದಿಯನ್ನು ಸಂಪೂರ್ಣ ತಳ್ಳಿ ಹಾಕಿದ್ದು 'ಆ ಪುಸ್ತಕವನ್ನು ಕಳೆದ ವರ್ಷವೇ ಪ್ರಕಟಿಸಲಾಗಿದೆ. ಪತ್ರಕರ್ತರು ಏನಾದರೂ ಹೇಳುವ ಮುಂಚೆ ಆ ಪುಸ್ತಕವನ್ನು ಸಂಪೂರ್ಣವಾಗಿ ಓದಬೇಕೆಂದು ಅಪೇಕ್ಷಿಸುತ್ತೇನೆ' ಎಂದು ಹೇಳಿದರು.

ಆ ಪುಸ್ತಕದಲ್ಲಿ ರೇಖಾ ಹೆಸರು ಜೊತೆ ಶೈಲೇಂದ್ರ ಸಿಂಗ್, ಕಮಲ್ ಹಾಸನ್, ನಿರ್ಮಾಪಕ ರಾಜೀವ್ ಕುಮಾರ್ ಹಾಗೂ ಸಂಜಯ್‌ದತ್‌ ಹೆಸರು ತಳುಕು ಹಾಕಿಕೊಂಡಿತ್ತು. ಆದರೆ ರೇಖಾ ಸಂಜಯ್‌ದತ್‌ರವರ ಕಷ್ಟದ ದಿನಗಳಲ್ಲಿ ಒಬ್ಬ ಒಳ್ಳೆಯ ಸ್ನೇಹಿತೆ ಆಗಿ ಆತನ ಜೊತೆಗಿದ್ದಳು ಎಂದು ಹೇಳಲಾಗಿದೆ.