ಸಾಹೋ ಸಿನಿಮಾ ಬಿಡುಗಡೆ ಸದ್ಯಕ್ಕಿಲ್ಲ

ಬಾಹುಬಲಿ ಖ್ಯಾತಿಯ ಪ್ರಭಾಸ್‌ ನಟನೆಯ ಬಹು ನಿರೀಕ್ಷಿತ ಸಿನಿಮಾ ಸಾಹೋ ಬಿಡುಗಡೆ ಮತ್ತೊಮ್ಮೆ ಮುಂದಕ್ಕೆ ಹೋಗುವ ಎಲ್ಲಾ ಸಾಧ್ಯತೆಗಳಿವೆ. ಇದೇ ಆಗಸ್ಟ್‌ 15ರಂದು ಈ ಚಿತ್ರ ಬಿಡುಗಡೆಯಾಗುವ ಕುರಿತು ಸ್ವತಃ ಪ್ರಭಾಸ್‌ ದೃಢಪಡಿಸಿದ್ದರು. ಆದರೆ ಈ ಸಿನಿಮಾದ ವಿಎಫ್‌ಕ್ಸ್‌ ಗ್ರಾಫಿಕ್ಸ್‌ ಕೆಲಸ ಇನ್ನೂ ಮುಗಿದಿಲ್ಲ. ಹಾಗಾಗಿ ದಸರಾ ಸಂದರ್ಭದಲ್ಲಿ ಈ ಸಿನಿಮಾ ಬಿಡುಗಡೆಯಾಗಬಹುದು ಎಂದು ಎಂದು ತೆಲುಗು ಸಿನಿಮಾ ಉದ್ಯಮ ಮೂಲಗಳು ತಿಳಿಸಿವೆ.

ಸಾಹೋ ಸಿನಿಮಾದಲ್ಲಿ ಬಾಲಿವುಡ್‌ ನಟಿ ಶ್ರದ್ಧಾ ಕಪೂರ್‌ ಅವರು ಪ್ರಭಾಸ್‌ ನಾಯಕಿಯಾಗಿ ನಟಿಸುತ್ತಿದ್ದಾರೆ. ಬಾಹುಬಲಿ-2 ಬಿಡುಗಡೆಯ ದೀರ್ಘ ಕಾಲದ ಬಳಿಕ ಬಿಡುಗಡೆಯಾಗಲಿರುವ ಪ್ರಭಾಸ್‌ರ ಈ ಸಿನಿಮಾ ಸಹಜವಾಗಿಯೇ ಸಾಕಷ್ಟು ನಿರೀಕ್ಷೆ ಮೂಡಿಸಿದೆ.