ತಂಗಾಳಿಯಾಗಿ ಟಾಲಿವುಡ್‌ಗೆ ಅಪ್ಪಳಿಸಿದ 'ಮಿಸ್ಟರ್ ಅಂಡ್ ಮಿಸೆಸ್

ಟಾಲಿವುಡ್ ಇಂಡಸ್ಟ್ರಿಯಲ್ಲಿ ಹೊಸ ರೊಮ್ಯಾಂಟಿಕ್ ಸ್ಟೋರಿ ಚಿತ್ರವೊಂದು ಟೀಸರ್ ಬಿಡಿಗಡೆ ಬಳಿಕ ಭಾರೀ ಬಿರುಗಾಳಿ ಎಬ್ಬಿಸುತ್ತಿದೆ. ಶೈಲೇಶ್ ಸನ್ನಿ ಮತ್ತು ಜ್ಞಾನೇಶ್ವರಿ ಕಂಡ್ರೆಗುಲಾ ಜೋಡಿಯ 'ಮಿಸ್ಟರ್ & ಮಿಸೆಸ್' ಚಿತ್ರದ ಟೀಸರ್ ಬಿಡಗಡೆ ಬಳಿಕ ಸಖತ್ ರೆಸ್ಪಾನ್ಸ್ ಪಡೆಯುತ್ತಿದ್ದು ಕ್ಯೂಟ್ ರೊಮ್ಯಾಂಟಿಕ್ ಕಥೆ ಹೇಳುವ ಈ ಚಿತ್ರದ ಮೇಕಿಂಗ್‌ಗೆ ಟೀಸರ್ ನೋಡಿದ ಪ್ರೇಕ್ಷಕರು ಫಿದಾ ಆಗಿದ್ದಾರೆ.

ಇಂದು, ಫೆಬ್ರವರಿ 08 2019 ರಂದು ಬಿಡುಗಡೆಯಾಗಿರುವ ಟೀಸರ್ ನೋಡಿದ ಟಾಲಿವುಡ್ ಮಂದಿ ರೋಮ್ಯಾಂಟಿಕ್ ಸ್ಟೋರಿಯ ತಂಗಾಳಿಯಂಥ ಆಹ್ಲಾದದ ಅನುಭವಕ್ಕೆ ಸಖತ್ ಸಂತೋಷಗೊಂಡಿದ್ದಾರೆ. ಈ ಚಿತ್ರವು ರೆಗ್ಯುಲರ್ ಸ್ಟೋರಿಗಿಂತ ಭಿನ್ನ ಎನಿಸುವಂತಿದ್ದು ಪ್ರೇಕ್ಷಕರನ್ನು ಮೋಡಿಯ ಜಾಲಕ್ಕೆ ಈಗಾಗಲೇ ದೂಡಿದೆ ಎಂಬ ಮಾತು ಟಾಲಿವುಡ್ ಅಂಗಳದಿಂದ ಕೇಳಿ ಬರುತ್ತಿದೆ.

"ಓ ಸ್ತ್ರೀ ರೇಪು ರಾ' ಚಿತ್ರವನ್ನು ಈ ಮೊದಲು ನಿರ್ದೇಶಿಸಿ ಹೆಸರಾಗಿದ್ದ ಅಶೋಕ್ ಕುಮಾರ್ ಈ 'ಮಿಸ್ಟರ್ & ಮಿಸೆಸ್' ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಚಿತ್ರಕ್ಕೆ ಸುಧೀರ್ ವರ್ಮಾ ಕಥೆ, ಚಿತ್ರಕಥೆ ಬರೆದಿದ್ದಾರೆ. ಯಶವಂತ್ ನಾಗ್ ಸಂಗೀತ ಹಾಗೂ ಸಿದ್ದಂ ಮನೋಹರ್ ಕ್ಯಾಮರಾ ಕೆಲಸ ಚಿತ್ರಕ್ಕಿದೆ. 'ಕಾರ್ತಿಕ್ ಕಟ್ಸ್' ಅಡಿಯಲ್ಲಿ ಚಿತ್ರದ ಸಂಕಲನ ಕೆಲಸ ನಡೆಯುತ್ತಿದೆ. ಸದ್ಯದಲ್ಲೇ ಚಿತ್ರದ ಬಿಡುಗಡೆಯೂ ಆಗಲಿದೆ ಎನ್ನಲಾಗಿದೆ. ಹೊಸ ಕ್ಯೂಟ್ ಜೋಡಿಯ ಈ ಚಿತ್ರವು ಬಿಡುಗಡೆ ಬಳಿಕ ಟಾಲಿವುಡ್‌ನಲ್ಲಿ ಹೊಸ ದಾಖಲೆ ನಿರ್ಮಿಸಿದರೂ ಅಚ್ಚರಿಯಿಲ್ಲ ಎನ್ನಲಾಗುತ್ತಿದೆ.