ತಮ್ಮ ಬಹು ನಿರೀಕ್ಷಿತ ಸಿನಿಮಾ ಟ್ಯೂಬ್‌ಲೈಟ್‌ ಹೆಚ್ಚಿನ ಆದಾಯ ಗಳಿಸದ ಹಿನ್ನೆಲೆಯಲ್ಲಿ ಅದರ ನಷ್ಟವನ್ನು ಭರಿಸಲು ಸಲ್ಮಾನ್‌ ಖಾನ್‌ ಮುಂದಾಗಿದ್ದಾರೆ. ಈ ಸಿನಿಮಾದ ಹಂಚಿಕೆದಾರರಿಗೆ ಸುಮಾರು 55 ಕೋಟಿ ರೂ. ಕೊಡಲು ಅವರು ನಿರ್ಧರಿಸಿದ್ದಾರೆ.
ಕಳೆದ ಈದ್‌ ಹಬ್ಬಕ್ಕೆ ಬಿಡುಗಡೆಯಾಗಿರುವ ಈ ಸಿನಿಮಾಗೆ ಪ್ರೇಕ್ಷ ಕರಿಂದ ನಿರೀಕ್ಷಿತ ಪ್ರತಿಕ್ರಿಯೆ ಸಿಕ್ಕಿಲ್ಲ. ಈ ಪರಿಣಾಮ ಈ ಸಿನಿಮಾದ ಹಂಚಿಕೆದಾರರು ಸಾಕಷ್ಟು ನಷ್ಟ ಅನುಭವಿಸಿದ್ದರು. ಸಲ್ಲು ತಮ್ಮ ನೆರವಿಗೆ ಬಂದಿದ್ದರೆ ಚೆನ್ನಾಗಿತ್ತು ಎಂಬ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದರು.
SalmanKhan has agreed to refund monies to distributors to make up for losses in Tubelight. A lovely gesture. That's being human! — Komal Nahta (@KomalNahta) 10 July 2017 ಇದಕ್ಕೆ ಸ್ಪಂದಿಸಿರುವ ಸಲ್ಮಾನ್‌ ವಿತರಕರಿಗೆ ಉತ್ತಮ ಮೊತ್ತವನ್ನು ಸಂದಾಯ ಮಾಡಿದ್ದಾರೆ. ಈ ಮೂಲಕ ತಾವು ಮಾನವೀಯ ಹೃದಯವನ್ನೂ ಉಳ್ಳ ನಟ ಎಂಬುದನ್ನು ಸಾಬೀತು ಪಡಿಸಿದ್ದಾರೆ.