ಸಲ್ಮಾನ್‌ ಖಾನ್‌ ಹತ್ಯೆಗೆ ಸಂಚು ರೂಪಿಸಿದ್ದ ಶಾರ್ಪ್‌ಶೂಟರ್‌ ಬಂಧನ! ಲಾಕ್‌ಡೌನ್‌ನಿಂದ ಉಳಿಯಿತು ಸಲ್ಲು ಪ್ರಾಣ!

ಸಲ್ಮಾನ್‌ ಖಾನ್‌ ಅವರನ್ನು ಹತ್ಯೆ ಮಾಡಬೇಕು ಎಂಬ ಕಾರಣಕ್ಕೆ ರಾಹುಲ್‌ ಎಂಬ ಶಾರ್ಪ್‌ಶೂಟರ್‌ ಜನವರಿ ತಿಂಗಳಲ್ಲೇ ಪ್ಲ್ಯಾನ್‌ ಮಾಡಿದ್ದ. ಆದಕ್ಕಾಗಿ ಮುಂಬೈಗೆ ಬಂದಿದ್ದ ಆತ ಸಲ್ಮಾನ್ ಖಾನ್‌ರ ಅಪಾರ್ಟ್‌ಮೆಂಟ್‌ ಬಳಿಕ ತಿರುಗಾಡಿ ಅವರ ಚಲನಚಲನ ಅಧ್ಯಯನ ಮಾಡಿದ್ದ. ಆದರೆ ನಂತರದ ದಿನಗಳಲ್ಲಿ ಲಾಕ್‌ಡೌನ್‌ ಜಾರಿ ಆಗಿದ್ದರಿಂದ ಹತ್ಯೆ ಮಾಡಲು ಸಾಧ್ಯವಾಗಿಲ್ಲ ಎಂಬ ವಿಚಾರ ಈಗ ಬಯಲಾಗಿದೆ.

ಹರಿಯಾಣದಲ್ಲಿ ಸಕ್ರಿಯವಾಗಿರುವ ಗ್ಯಾಂಗ್‌ಸ್ಟರ್‌ ಲಾರೆನ್ಸ್‌ ಬಿಷ್ಣೋಯಿ ಕಡೆಯವನೇ ಈ ಶಾರ್ಪ್‌ಶೂಟರ್‌ ರಾಹುಲ್‌ ಎಂಬುದು ಗೊತ್ತಾಗಿದೆ. ಕೃಷ್ಣಮೃಗ ಭೇಟಿ ಪ್ರಕರಣದ ಹಿನ್ನೆಲೆಯಲ್ಲಿ ಲಾರೆನ್ಸ್‌ ಬಿಷ್ಣೋಯಿ ಮತ್ತು ಸಲ್ಮಾನ್‌ ಖಾನ್‌ ನಡುವೆ ದ್ವೇಷ ಮೂಡಿತ್ತು. ಅದೇ ಕಾರಣಕ್ಕಾಗಿ ಸಲ್ಮಾನ್‌ರನ್ನು ಹತ್ಯೆ ಮಾಡಲು ಶಾರ್ಪ್‌ಶೂಟರ್‌ ರಾಹುಲ್‌ಗೆ ಲಾರೆನ್ಸ್‌ ಬಿಷ್ಣೋಯಿ ಆದೇಶಿಸಿದ್ದ ಎನ್ನಲಾಗಿದೆ.

ಫರಿದಾಬಾದ್‌ನ ಜೋಡಿ ಕೊಲೆ ಪ್ರಕರಣದಲ್ಲಿ ಆರೋಪಿ ಆಗಿದ್ದ ರಾಹುಲ್‌ನನ್ನು ಆ.15ರಂದು ಉತ್ತರಖಂಡದಲ್ಲಿ ಬಂಧಿಸಲಾಯಿತು. ಆ ಪ್ರಕರಣದ ವಿಚಾರಣೆ ನಡೆಯುತ್ತಿದ್ದ ವೇಳೆ ಸಲ್ಮಾನ್‌ ಹತ್ಯೆಯ ಸಂಚಿನ ಬಗ್ಗೆ ಆತ ಬಾಯಿ ಬಿಟ್ಟಿದ್ದಾನೆ. ಗ್ಯಾಂಗ್‌ಸ್ಟರ್‌ ಲಾರೆನ್ಸ್‌ ಬಿಷ್ಣೋಯಿ ಆದೇಶದಂತೆ ಈಗಾಗಲೇ ನಾಲ್ಕು ಜನರನ್ನು ರಾಹುಲ್‌ ಹತ್ಯೆ ಮಾಡಿದ್ದಾನೆ! ಪ್ರಸ್ತುತ ಆತನನ್ನು ನ್ಯಾಯಾಂಗ ಬಂಧನದಲ್ಲಿ ಇರಿಸಲಾಗಿದೆ.

also read: ಬೆಟ್ಟದಷ್ಟು ಅನುಮಾನ ಇದ್ದರೂ ಸುಶಾಂತ್‌ ಸಾವಿನ ವಿಚಾರಣೆಯಿಂದ ಸಲ್ಮಾನ್‌ ಖಾನ್‌ ಸೇಫ್‌!

ಈ ಶಾಕಿಂಗ್‌ ಸಂಗತಿ ಹೊರಬಂದ ಬಳಿಕ ಸಲ್ಮಾನ್‌ ಖಾನ್‌ ಅಭಿಮಾನಿಗಳಲ್ಲಿ ಆತಂಕ ಹೆಚ್ಚಿದೆ. ಮೂಲಗಳ ಪ್ರಕಾರ ರಾಹುಲ್‌ನ ಬಂಧನದ ನಂತರ ಸಲ್ಮಾನ್‌ ಖಾನ್‌ಗೆ ಭದ್ರತೆ ಹೆಚ್ಚಿಸಲು ಪೊಲೀಸರು ನಿರ್ಧರಿಸಿದ್ದಾರೆ. ಲಾಕ್‌ಡೌನ್‌ ಸಮಯದಲ್ಲಿ ತಮ್ಮ ಫಾರ್ಮ್‌ ಹೌಸ್‌ನಲ್ಲಿ ಸಲ್ಲು ಕಾಲ ಕಳೆದಿದ್ದರು. ಈಗ ಅವರು ಹಿಂದಿ ಬಿಗ್‌ ಬಾಸ್‌ ನಿರೂಪಣೆಯ ತಯಾರಿಯಲ್ಲಿದ್ದಾರೆ. ಅದಕ್ಕಾಗಿ ಪ್ರೋಮೋ ಚಿತ್ರೀಕರಣ ಕೂಡ ನಡೆದಿದೆ.

also read: ಅಂದು ಸುಳ್ಳು ಎಂದವರಿಗೆ ಇಂದು ಸತ್ಯದ ದರ್ಶನ ಮಾಡಿಸಿದ ಸಲ್ಮಾನ್ ಖಾನ್‌!