ಸೈನಿಕನ ಬಯೋಪಿಕ್‌ನಲ್ಲಿ ಸಲ್ಮಾನ್‌ ಖಾನ್‌

ಭಾರತ್‌, ಇನ್ಷಾಅಲ್ಲಾ ಮತ್ತು ಕಿಕ್‌ 2 ಸಿನಿಮಾಗಳಲ್ಲಿ ಬಿಝಿಯಾಗಿರುವ ಸಲ್ಮಾನ್‌ ಖಾನ್‌ ಇದೀಗ ಬಿಎಸ್‌ಎಫ್‌ ಯೋಧನ ಬಯೋಪಿಕ್‌ವೊಂದರಲ್ಲಿ ನಟಿಸಲು ಒಪ್ಪಿದ್ದಾರೆ. ಸಲ್ಮಾನ್‌ ಪ್ರತಿಬಾರಿಯೂ ಇಡೀ ಭಾರತಕ್ಕೆ ಕನೆಕ್ಟ್ ಆಗುವ ಕಥೆಯಿರುವ ಸಿನಿಮಾಗಳಿಗೆ ಆದ್ಯತೆ ನೀಡುತ್ತಾರೆ. ಇತ್ತೀಚೆಗೆ ಬಿಗ್‌ ಬ್ಯಾನರ್‌ವೊಂದು ಅವರನ್ನು ಸಂಪರ್ಕಿಸಿ ಬಿಎಸ್‌ಎಫ್‌ ಯೋಧನೊಬ್ಬನ ಬದುಕಿನ ಕಥೆಯಿರುವ ಸಿನಿಮಾದಲ್ಲಿ ನಟಿಸಲು ಕೇಳಿಕೊಂಡಿದೆ ಎಂದು ವರದಿಯಾಗಿದೆ.

ಆ ಯೋಧ ಸುಮಾರು 12 ವರ್ಷಗಳ ಹಿಂದೆ ಮುಜಾಹಿದ್ದೀನ್‌ ಉಗ್ರರ ನೆಲೆಯನ್ನು ಒಬ್ಬರೇ ಧ್ವಂಸಗೊಳಿಸಿದ್ದರು. ಯಾರಿಗೂ ಗೊತ್ತೇ ಇರದ ಆ ಯೋಧನ ಶೌರ್ಯ ಮತ್ತು ಸ್ಫೂರ್ತಿದಾಯಕ ಬದುಕಿನ ಕಥೆ ಎಲ್ಲರಿಗೂ ತಿಳಿಯಬೇಕು ಎಂಬ ಉದ್ದೇಶದಿಂದ ಈ ಬಯೋಪಿಕ್‌ ನಿರ್ಮಾಣವಾಗುತ್ತಿದೆ. ಅದರ ಕಥೆ ಸಲ್ಲುಗೆ ಕೂಡ ತುಂಬಾ ಇಷ್ಟವಾಗಿರುವ ಕಾರಣ ಅವರು ಆ ಸಿನಿಮಾದಲ್ಲಿ ನಟಿಸಲು ತಕ್ಷ ಣ ಒಪ್ಪಿಕೊಂಡಿದ್ದಾರೆ ಎಂದು ತಿಳಿದುಬಂದಿದೆ.