'ಪ್ಯಾರ್ ಕರೊನಾ..' ಎಂದು ಹಾಡಿದ ಬಾಲಿವುಡ್‌ ನಟ ಸಲ್ಮಾನ್ ಖಾನ್‌!

ಸಲ್ಮಾನ್ ಖಾನ್ ಬರೀ ನಟನೆ ಮಾತ್ರವಲ್ಲ, ಸಿನಿಮಾದ ವಿವಿಧ ವಿಭಾಗಗಳಲ್ಲಿ ಕೆಲಸ ಮಾಡುತ್ತಾರೆ. ಆಗಾಗ ಹಾಡನ್ನೂ ಹಾಡುತ್ತಾರೆ. ಈಗ ಅವರು 'ಪ್ಯಾರ್ ಕರೊನಾ..' ಎಂದು ಹಾಡಿದ್ದಾರೆ. ಏನಿದು 'ಪ್ಯಾರ್ ಕರೊನಾ..'? ಇಲ್ಲಿದೆ ಉತ್ತರ.ಎಲ್ಲೆಡೆ ಲಾಕ್‌ಡೌನ್ ಘೋಷಣೆ ಆಗಿರುವುದರಿಂದ ಯಾರೂ ಮನೆಯಿಂದ ಹೊರಬರುವಂತಿಲ್ಲ. ಸಿನಿಮಾ ಶೂಟಿಂಗ್ ಕೂಡ ಮಾಡುವಂತಿಲ್ಲ. ಹಾಗಾಗಿ, ಸೆಲೆಬ್ರಿಟಿಗಳು ಕುಟುಂಬದ ಜೊತೆ ಸಮಯ ಕಳೆಯುತ್ತಿದ್ದಾರೆ. ಮನೆ ಕೆಲಸಗಳನ್ನು ಮಾಡುತ್ತ ಸಮಯ ಕಳೆಯುತ್ತಿದ್ದಾರೆ. ಅತ್ತ ಸಲ್ಮಾನ್ ಖಾನ್‌ ಮಾತ್ರ ಹೊಸ ಹಾಡೊಂದನ್ನೇ ಹಾಡಿ, ಅದನ್ನು ರಿಲೀಸ್ ಮಾಡೋಕೆ ರೆಡಿ ಆಗಿದ್ದಾರೆ.

'ಪ್ಯಾರ್‌ ಕರೊನಾ..' ಎಂದು ಶುರುವಾಗುವ ಈ ಹಾಡನ್ನು ಅವರೇ ಹಾಡಿದ್ದಾರೆ. ಮಾತ್ರವಲ್ಲ, ಅದಕ್ಕೆ ಸಾಹಿತ್ಯವನ್ನೂ ಅವರೇ ಬರೆದಿದ್ದಾರೆ. ಆ ಹಾಡಿನ ಸಣ್ಣ ಝಲಕ್‌ವೊಂದನ್ನು ತಮ್ಮ ಟ್ವಟ್ಟರ್ ಖಾತೆಯಲ್ಲಿ ಅಪ್‌ಲೋಡ್ ಮಾಡಿದ್ದಾರೆ. ಈ ಹಾಡಿಗೆ ಸಾಜಿದ್ ವಜಿದ್‌ ಸಂಗೀತ ನೀಡಿದ್ದು, ಏ.20ರಂದು ರಿಲೀಸ್ ಆಗಲಿದೆ.

ಕೆಲ ದಿನಗಳ ಹಿಂದಷ್ಟೇ ಸಲ್ಮಾನ್ ಖಾನ್ ಹೊಸದೊಂದು ಯೂಟ್ಯೂಬ್‌ ಚಾನಲ್‌ ಶುರು ಮಾಡಲಿದ್ದಾರೆ ಎಂಬ ಮಾಹಿತಿ ಕೇಳಿಬಂದಿತ್ತು. ಈಗ ಸಿದ್ಧವಾಗಿರುವ ಈ ಹೊಸ ಹಾಡು, ಅದೇ ಯೂಟ್ಯೂಬ್‌ ಚಾನಲ್‌ ಮೂಲಕ ರಿಲೀಸ್ ಆಗಲಿರುವುದು ವಿಶೇಷ. ಸದ್ಯ ತಮ್ಮ ಕಟುಂಬಸ್ಥರೊಂದಿಗೆ ಸಲ್ಮಾನ್‌, ಫಾರ್ಮ್‌ ಹೌಸ್‌ನಲ್ಲಿ ಬೀಡುಬಿಟ್ಟಿದ್ದಾರೆ. ಲಾಕ್‌ಡೌನ್ ಆದಾಗಿನಿಂದಲೂ ಈ ಕುಟುಂಬ ಅಲ್ಲೇ ಇದೆ.

ಸಲ್ಮಾನ್ ಖಾನ್ ಸಹೋದರ, ಮಲೈಕಾ ಅರೋರ ಮಾಜಿ ಗಂಡ ಅರ್ಬಾಜ್‌ಗೆ ಮತ್ತೊಂದು ಮದುವೆ ತಯಾರಿ?