ವಿಚಿತ್ರ ಕೆಲಸ ಮಾಡುತ್ತಾ ಕ್ಯಾಮೆರಾ ಕಣ್ಣಿಗೆ ಬಿದ್ದ ಸಲ್ಲು!

ಬಾಲಿವುಡ್ ನಟ ಸಲ್ಮಾನ್ ಖಾನ್ ಒಂದು ವಿಚಿತ್ರವಾದ ಕೆಲಸ ಮಾಡುತ್ತಾ ಕ್ಯಾಮೆರಾ ಕಣ್ಣಿಗೆ ಸಿಕ್ಕಿಬಿದ್ದಿದ್ದಾರೆ. ತನ್ನ ತಾಜಾ ಚಿತ್ರ 'ಟ್ಯೂಬ್‌ಲೈಟ್' ಟ್ರೇಲರ್ ರಿಲೀಸ್‌ನಲ್ಲಿ ಸಲ್ಲು ಕೆಟ್ಟ ಚಾಳಿಯೊಂದು ಕ್ಯಾಮೆರಾಗಳಲ್ಲಿ ಬಂಧಿಯಾಗಿದೆ.

ತೂತುಗಳುಳ್ಳ ಜೀನ್ಸ್ ಪ್ಯಾಂಟ್ ಧರಿಸಿದ್ದ ಸಲ್ಲು ಮಾಧ್ಯಮಗಳ ಮುಂದೆ ಹಾಜರಾಗಿದ್ದರು. ಮಾಧ್ಯಮ ಪ್ರತಿನಿಧಿಗಳು ಕೇಳುತ್ತಿದ್ದ ಪ್ರಶ್ನೆಗಳನ್ನು ಕೇಳುತ್ತಿದ್ದರೆ ಪ್ಯಾಂಟ್‌ನ ದಾರಗಳನ್ನು ಹರಿದುಬಿಟ್ಟರು. ಅಲ್ಲಿಗೆ ಸುಮ್ಮನಾಗದೆ ಯಾರೂ ನೋಡುತ್ತಿಲ್ಲ ಎಂಬಂತೆ ಬಾಯಲ್ಲಿ ಹಾಕಿಕೊಂಡು ಚೂಯಿಂಗ್‌ಗಮ್‌ನಂತೆ ಜಗಿದುಬಿಟ್ಟ!

ಇದನ್ನು ಗಮನಿಸಿದ ಕೆಲವರು ಗುಸುಗುಸು ಎಂದು ಮಾತನಾಡಿಕೊಂಡರು. ಇದೇನು ಕೆಟ್ಟ ಅಭ್ಯಾಸ ಎಂದು ಮೂಗು ಮುರಿದರು. ಒಟ್ಟಾರೆ ಸಲ್ಲುಗೆ ಈ ರೀತಿಯ ಕೆಟ್ಟ ಅಭ್ಯಾಸ ಇದೆ ಎಂಬುದು ಈ ವಿಡಿಯೋದಿಂದ ಬಹಿರಂಗವಾಗಿದೆ. ವಿಡಿಯೋ ನೋಡಿದರೆ ನಿಮಗೇ ತಿಳಿಯುತ್ತದೆ.

ಅಂದಹಾಗೆ ಸಲ್ಮಾನ್ ಖಾನ್ ಅಭಿನಯದ 'ಟ್ಯೂಟ್‍ಲೈಟ್' ಚಿತ್ರವನ್ನು ಕಬೀರ್ ಖಾನ್ ನಿರ್ದೇಶಿಸುತ್ತಿದ್ದಾರೆ. ಸ್ವತಃ ಸಲ್ಮಾನ್ ಖಾನ್ ನಿರ್ಮಾಣದ ಚಿತ್ರ ಇದು. ಝು ಝು ಎಂಬುವರು ಚಿತ್ರದ ನಾಯಕಿ. ಸೋಹೇಲ್ ಖಾನ್ ಸಹ ಚಿತ್ರದ ಪಾತ್ರವರ್ಗದಲ್ಲಿದ್ದಾರೆ.