ಅಕ್ಟೋಬರ್ 23ರಂದು ಕನ್ನಡ ಮಾತನಾಡಲಿದ್ದಾರೆ ಸಲ್ಮಾನ್‌ ಖಾನ್! ಅವತ್ತು ಏನ್ ಸ್ಪೆಷಲ್?

ನಟ ಸಲ್ಮಾನ್‌ ಖಾನ್‌ ಅಭಿನಯದ 'ದಬಾಂಗ್ 3' ಚಿತ್ರದ ಬಿಡುಗಡೆಗೆ ಸಕಲ ಸಿದ್ಧತೆ ನಡೆಯುತ್ತಿದೆ. ಡಿ.20ರಂದು ಅದ್ದೂರಿಯಾಗಿ, ಹಿಂದಿ, ಕನ್ನಡ ಸೇರಿ ಹಲವು ಭಾಷೆಗಳಲ್ಲಿ ಈ ಸಿನಿಮಾ ತೆರೆಗೆ ಬರಲಿದೆ. ಹೀಗಿರುವಾಗ ಅಕ್ಟೋಬರ್ 23ರಂದೇ ಸಲ್ಮಾನ್ ಖಾನ್ ಕನ್ನಡ ಮಾತಾಡೋಕೆ ಸಜ್ಜಾಗಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ!
'ದಬಾಂಗ್‌-3'ಗೆ ಕನ್ನಡ ಡೈಲಾಗ್‌ ಬರಿತಾ ಇದ್ದಾರೆ ಗುರುದತ್‌ ಗಾಣಿಗ
ಅಷ್ಟಕ್ಕೂ ಅಕ್ಟೋಬರ್ 23ರಂದು ಅಂಥ ವಿಶೇಷತೆ ಏನಿದೆ? ಅದಕ್ಕುತ್ತರ ಇಲ್ಲಿದೆ. ಅಂದು 'ದಬಾಂಗ್ 3' ಚಿತ್ರದ ಟ್ರೇಲರ್ ರಿಲೀಸ್ ಆಗಲಿದೆ. ಹಲವು ಭಾಷೆಗಳಲ್ಲಿ ಸಿನಿಮಾ ತೆರೆಕಾಣುವುದರಿಂದ, ಅಂದೇ ಎಲ್ಲ ಭಾಷೆಗಳ ಟ್ರೇಲರ್ ರಿಲೀಸ್ ಆಗುವ ನಿರೀಕ್ಷೆ ಇದೆ. ಈಗಾಗಲೇ 'ದಬಾಂಗ್ 3'ಗಾಗಿ ಸಲ್ಮಾನ್‌ ಕನ್ನಡ ಕಲಿಕೆಯಲ್ಲಿ ಮಗ್ನರಾಗಿರುವುದು ಮತ್ತು ಕನ್ನಡ ವರ್ಷನ್ ಡಬ್ಬಿಂಗ್ ಅನ್ನು ಅವರೇ ಮಾಡಲಿದ್ದಾರೆ ಎಂಬ ಮಾಹಿತಿ ಹೊರಬಿದ್ದಿದೆ. ಹಾಗಾಗಿ, ಅ.23ರಂದು ರಿಲೀಸ್ ಆಗಲಿರುವ ಟ್ರೇಲರ್‌ನಲ್ಲಿ ಸಲ್ಮಾನ್‌ ಕನ್ನಡ ವರ್ಷನ್‌ಗೆ ಡಬ್ ಮಾಡಿರಬಹುದೇ ಎಂಬ ಅನುಮಾನ ಹುಟ್ಟಿಕೊಂಡಿದೆ.
ಗಾಂಧಿ ಜಯಂತಿಯ ಪ್ರಯುಕ್ತ ಅಭಿಮಾನಿಗಳಿಗೆ ಸಲ್ಮಾನ್ ನೀಡಿದ ಸಂದೇಶವೇನು?
ಕೆಲ ದಿನಗಳ ಹಿಂದಷ್ಟೇ 'ದಬಾಂಗ್ 3' ರಿಲೀಸ್ ಡೇಟ್‌ ಟೀಸರ್ ಅನ್ನು ಕನ್ನಡದಲ್ಲೂ ಹರಿಬಿಡಲಾಗಿತ್ತು. ಅದರಲ್ಲಿ 'ಟೈಮು ನಂದೆ, ತಾರೀಖು ನಂದೆ' ಎಂದು ಸ್ವತಃ ಸಲ್ಮಾನ್‌ ಕನ್ನಡದಲ್ಲಿ ಡೈಲಾಗ್‌ ಹೊಡೆದಿದ್ದರು. ಈಗ ಬರಲಿರುವ ಟ್ರೇಲರ್‌ನಲ್ಲಿ ಅದಕ್ಕಿಂತಲೂ ಜಾಸ್ತಿ ಡೈಲಾಗ್‌ಗಳು ಕನ್ನಡದಲ್ಲಿ ಇರಬಹುದಾ? ಅದನ್ನು ಸಲ್ಮಾನ್ ಖಾನ್ ಹೇಳಿರಬಹುದಾ ಎಂಬ ಕುತೂಹಲ ಅಭಿಮಾನಿಗಳದ್ದು.
ಸ್ಯಾಂಡಲ್‍ವುಡ್‍ನಲ್ಲಿ ವರ್ಷಾಂತ್ಯಕ್ಕೆ ರೂ. 500 ಕೋಟಿಗೂ ಹೆಚ್ಚು ವಹಿವಾಟು ನಿರೀಕ್ಷೆ
ಈ ಚಿತ್ರದಲ್ಲಿ ಕನ್ನಡದ ನಟ ಸುದೀಪ್‌ ಬಲ್ಲಿ ಸಿಂಗ್ ಎಂಬ ಖಳ ಪಾತ್ರಕ್ಕೆ ಜೀವ ತುಂಬಿದ್ದಾರೆ. ಅವರಿಗೂ ಸಿನಿಮಾದಲ್ಲಿ ವಿಶೇಷವಾದ, ಮಹತ್ವವಾದ ಪಾತ್ರವೇ ಇದೆ ಎಂಬ ಮಾಹಿತಿ ಇದೆ. ಹಾಗಾಗಿ, ಅಭಿಮಾನಿಗಳು ದೊಡ್ಡಮಟ್ಟದಲ್ಲಿ ನಿರೀಕ್ಷೆ ಇಟ್ಟುಕೊಂಡಿದ್ದಾರೆ. ಮತ್ತೋರ್ವ ಕನ್ನಡಿಗ ನಟ, ನೃತ್ಯ ನಿರ್ದೇಶಕ ಪ್ರಭುದೇವ 'ದಬಾಂಗ್ 3'ಗೆ ನಿರ್ದೇಶನ ಮಾಡಿದ್ದು, ಸೋನಾಕ್ಷಿ ಸಿನ್ಹಾ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ.