ಸುಶಾಂತ್‌ ಸಾವನ್ನು ವೈಯಕ್ತಿಕ ದ್ವೇಷಕ್ಕಾಗಿ ಬಳಸಿಕೊಂಡ ನಟಿ ಯಾರು? ಕೇಳಿಬಂತು ಗಂಭೀರ ಆರೋಪ!

ಬಾಲಿವುಡ್‌ನ ಪ್ರತಿಭಾವಂತ ಕಲಾವಿದ ಸುಶಾಂತ್‌ ಸಿಂಗ್ ರಜಪೂತ್‌ ನಿಧನದಿಂದ ಅಭಿಮಾನಿಗಳಿಗೆ ಹೇಳಲಾರದಷ್ಟು ದುಃಖ ಆಗಿದೆ ನಿಜ. ಅವರು ಆತ್ಮಹತ್ಯೆಯಂತಹ ಕೆಟ್ಟ ನಿರ್ಧಾರ ತೆಗೆದುಕೊಳ್ಳಲು ಕಾರಣ ಏನು ಎಂಬುದು ಸದ್ಯಕ್ಕಂತೂ ನಿಗೂಢ. ಈ ದುರ್ಘಟನೆ ನಡೆದ ಬಳಿಕ ಬಾಲಿವುಡ್‌ ಅಂಗಳದಲ್ಲಿ ಅನೇಕ ಹುಳುಕುಗಳು ಹೊರ ಬಂದಿವೆ. ಸಾಕಷ್ಟು ಜನರ ಬಣ್ಣ ಬಯಲಾಗುತ್ತಿದೆ.

ಸುಶಾಂತ್‌ ಮನೆಯವರೇ ಈ ವಿಚಾರದಲ್ಲಿ ಸೈಲೆಂಟ್‌ ಆಗಿದ್ದಾರೆ. ಆದರೆ ಹಿಂದಿ ಚಿತ್ರರಂಗದ ಕೆಲವರು ಅಗತ್ಯಕ್ಕಿಂತಲೂ ಹೆಚ್ಚಾಗಿ ಮೂಗು ತೂರಿಸುತ್ತಿದ್ದಾರೆ ಎಂಬ ಅಭಿಪ್ರಾಯ ಕೂಡ ಸೋಶಿಯಲ್‌ ಮೀಡಿಯಾದಲ್ಲಿ ಕೇಳಿಬರುತ್ತಿದೆ. ಅದರಲ್ಲೂ ನಟ ಶೇಖರ್‌ ಸುಮನ್‌, ನಟಿ ಕಂಗನಾ ರಣಾವತ್‌ ಮುಂತಾದವರು ಈ ವಿಚಾರವನ್ನು ಇಟ್ಟುಕೊಂಡು ತಮ್ಮ ವೈಯಕ್ತಿಕ ಸ್ವಾರ್ಥ ಸಾಧನೆ ಮಾಡುತ್ತಿದ್ದಾರೆ ಎಂದು ನಟ ಸಮೀರ್‌ ಸೋನಿ ಆರೋಪಿಸಿದ್ದಾರೆ.

2008ರಲ್ಲಿ ಬಂದ 'ಫ್ಯಾಷನ್‌' ಸಿನಿಮಾದಲ್ಲಿ ಕಂಗನಾ ರಣಾವತ್‌ ಮತ್ತು ಸಮೀರ್‌ ಸೋನಿ ನಟಿಸಿದ್ದರು. ಈಗ ತಮ್ಮ ಸಹ-ನಟಿ ವಿರುದ್ಧವೇ ಸಮೀರ್‌ ಗರಂ ಆಗಿ ಮಾತನಾಡಿದ್ದಾರೆ. 'ಇದನ್ನು ನಾನು ಈ ಮುಂಚೆಯೂ ಹೇಳಿದ್ದೆ. ಸುಶಾಂತ್‌ ಸಾವು ಒಂದು ದುರಂತ. ಅದಕ್ಕೆ ನ್ಯಾಯ ಸಲ್ಲಬೇಕು. ಆದರೆ ಇದೇ ವಿಚಾರವನ್ನು ತಮ್ಮ ವೈಯಕ್ತಿಕ ದ್ವೇಷಕ್ಕಾಗಿ ಬಳಸಿಕೊಳ್ಳುವವರಿಗೆ (ಕಂಗನಾ ಸೇರಿದಂತೆ) ನನ್ನ ವಿರೋಧವಿದೆ. ಇದು ಖಂಡನೀಯ' ಎಂದು ಇನ್‌ಸ್ಟಾಗ್ರಾಮ್‌ನಲ್ಲಿ ಸಮೀರ್‌ ಸೋನಿ ಮಾಡಿದ್ದರು.

also read: ಪದ್ಮಶ್ರೀ ಪ್ರಶಸ್ತಿ ವಾಪಸ್‌ ನೀಡಲು ಮುಂದಾದ ನಟಿ ಕಂಗನಾ! ಇದಕ್ಕೆ ಕಾರಣ ಸುಶಾಂತ್‌ ಪ್ರಕರಣ!

ಅದರೆ ಅದೇನಾಯಿತೋ ಗೊತ್ತಿಲ್ಲ. ಕೆಲವೇ ಸಮಯದ ಬಳಿಕ ಅವರು ಆ ಫೋಸ್ಟ್‌ ಡಿಲಿಟ್‌ ಮಾಡಿದ್ದಾರೆ. ಇದು ಅನೇಕರ ಅನುಮಾನಕ್ಕೆ ಕಾರಣ ಆಗಿದೆ. ಇತ್ತೀಚೆಗೆ ಮಾಧ್ಯಮವೊಂದಕ್ಕೆ ಸಂದರ್ಶನ ನೀಡಿದ್ದ ಕಂಗನಾ, ಬಾಲಿವುಡ್‌ನ ಹಲವರ ವಿರುದ್ಧ ಗುಡುಗಿದ್ದರು. ತಾವು ಮಾಡುತ್ತಿರುವ ಆರೋಪ ಸುಳ್ಳಾದರೆ ತಮಗೆ ಸಿಕ್ಕಿರುವ ಪದ್ಮಶ್ರೀ ಪ್ರಶಸ್ತಿ ವಾಪಸ್‌ ನೀಡಲು ಸಹ ಸಿದ್ಧ ಎಂದು ಅವರು ಹೇಳಿದ್ದರು. ಒಟ್ಟಿನಲ್ಲಿ ದಿನದಿಂದ ದಿನಕ್ಕೆ ಸುಶಾಂತ್‌ ಸಾವಿನ ಪ್ರಕರಣ ಹೊಸ ಹೊಸ ತಿರುವು ಪಡೆದುಕೊಳ್ಳುತ್ತಿದೆ.

also read: ಸುಶಾಂತ್‌ ಸಿಂಗ್‌ ರಜಪೂತ್‌ ಅಭಿಮಾನಿಗಳ ನಿರೀಕ್ಷೆಗೆ ತಣ್ಣೀರು ಎರಚಿದ ಗೃಹ ಸಚಿವರ ಹೇಳಿಕೆ!