ಶಾರುಖ್‌ ಖಾನ್‌ರ 'ಕುಚ್‌ ಕುಚ್‌ ಹೋತಾ ಹೈ' (1998) ಸಿನಿಮಾದಲ್ಲಿ 'ಅಂಜಲಿ'ಯಾಗಿ ಮಿಂಚಿದ್ದ ಸನಾ ಸಯೀದ್‌ ಈಗ ಹಿರೋಯಿನ್‌ ಆಗುತ್ತಿದ್ದಾರೆ! ಬಾಲಿವುಡ್‌ ಮೂಲಗಳ ಪ್ರಕಾರ ಆಕೆಯೀಗ ನೂತನ ಹಿಂದಿ ಚಿತ್ರವೊಂದರ ನಾಯಕಿ ಪಾತ್ರಕ್ಕೆ ತಯಾರಿ ನಡೆಸಿದ್ದಾರೆ. 'ಕುಚ್‌ ಕುಚ್‌ ಹೋತಾ ಹೈ'ನ ಚೆಂದದ ಪಾತ್ರದ ನಂತರ ಸನಾ 'ಹರ್‌ ದಿಲ್‌ ಜೋ ಪ್ಯಾರ್‌ ಕರೇಗಾ', 'ಬಾದಲ್‌' ಚಿತ್ರಗಳಲ್ಲಿಯೂ ಬಾಲನಟಿಯಾಗಿ ನಟಿಸಿದ್ದರು. ಇದಾಗಿ ಏಳೆಂಟು ವರ್ಷಗಳ ನಂತರ ಕಿರುತೆರೆಗೆ ಎಂಟ್ರಿ ಕೊಟ್ಟರು.
'ಬಾಬುಲ್‌ ಕಾ ಅಂಗಾನ್‌ ಚೂಟೆ ನಾ', 'ಲೋ ಹೋ ಗಯೀ ಪೂಜಾ ಇಸ್‌ ಘರ್‌ ಕಿ' ಸೀರಿಯಲ್‌ಗಳು ಅವರಿಗೆ ಹೆಸರು ತಂದುಕೊಟ್ಟವು. ಸೀರಿಯಲ್‌ಗಳ ನಂತರ ಸಾಲು, ಸಾಲು ರಿಯಾಲಿಟಿ ಶೋಗಳಲ್ಲಿ ಕಾಣಿಸಿಕೊಂಡ ಸನಾ 'ಖತ್ರೋನ್‌ ಕೆ ಖಿಲಾಡಿ' ಆ್ಯಕ್ಷ ನ್‌ ರಿಯಾಲಿಟಿ ಶೋನ ರನ್ನರ್‌ ಅಪ್‌ ಕೂಡ ಹೌದು. 2012ರಲ್ಲಿ ಕರಣ್‌ ಜೋಹರ್‌ ಬ್ಯಾನರ್‌ನ 'ಸ್ಟೂಡೆಂಟ್‌ ಆಫ್‌ ದಿ ಯಿಯರ್‌'ನೊಂದಿಗೆ ಸನಾ ಬೆಳ್ಳಿತೆರೆಗೆ ಮರಳಿದರು. ಟೀನೇಜ್‌ ವಯಸ್ಸಿನ ಹುಡುಗಿಯನ್ನು ಪ್ರೇಕ್ಷ ಕರು ಗುರುತಿಸಿದರು. ಇದೀಗ ಹಿಂದಿ ಚಿತ್ರವೊಂದರಲ್ಲಿ ನಾಯಕಿಯಾಗಿ ನಟಿಸುವ ಸೂಚನೆ ಸಿಕ್ಕಿದೆ.