ಮುಂಬಯಿ: ಬಾಲಿವುಡ್ ನಟ ಸಂಜಯ್ದತ್ ಅವರ ಜೀವನ ಚರಿತ್ರೆ ಆಧಾರಿತ ರಣಬೀರ್ ಕಪೂರ್ ಅಭಿನಯದ 'ಸಂಜು' ಸಿನಿಮಾ ಬಿಡುಗಡೆಯಾಗಿ ವಾರದೊಳಗೆ 200 ಕೋಟಿ ರೂ. ಗಳಿಕೆ ಮಾಡಿದೆ. ರಾಜ್ಕುಮಾರ್ ಹೀರಾನಿ ನಿರ್ದೇಶನದ ಚಿತ್ರ ಭರ್ಜರಿ ಕಲೆಕ್ಷನ್ ಮಾಡುತ್ತಿದ್ದು, ಮುಂದಿನ ದಿನಗಳಲ್ಲಿ 300 ಕೋಟಿ ರೂ. ಗಡಿದಾಟುವ ನಿರೀಕ್ಷೆ ಇದೆ. ಹೀರಾನಿ ಅವರ '3 ಈಡಿಯಟ್ಸ್' ಚಿತ್ರವೂ ಇದೇ ರೀತಿ ಗಳಿಕೆಯಲ್ಲಿ ಭಾರಿ ಸದ್ದು ಮಾಡಿತ್ತು. ಚಿತ್ರ ವಿಮರ್ಶಕ ತರಣ್ ಆದರ್ಶ ಅವರು, ''ಈ ಫಿಲ್ಮ್ ಸಿನಿಪ್ರಿಯರ ಮನಗೆದ್ದಿದೆ. ರಿಲೀಸ್ ಆಗಿ 7 ದಿನದಲ್ಲಿ 200 ಕೋಟಿ ರೂ. ಆದಾಯ ಗಳಿಸಿ ಕಲೆಕ್ಷನ್ 200 ಕೋರ್ ಕ್ಲಬ್ ಸೇರಿದೆ,'' ಎಂದು ಟ್ವೀಟ್ ಮಾಡಿದ್ದಾರೆ. ರಣಬೀರ್ ಕಪೂರ್, ಮನೀಶಾ ಕೊಯಿರಾಲ, ಪರೇಶ್ ರಾವಲ್, ದಿಯಾ ಮಿರ್ಜಾ, ಅನುಷ್ಕಾ ಶರ್ಮಾ, ವಿಕಿ ಕೌಶಲ್ ತಾರಾಗಣದಲ್ಲಿರುವ ಪ್ರಮುಖರು. ರಣಬೀರ್ ಕಪೂರ್ ಅಭಿನಯದ 'ಯೇ ಜವಾನಿ ಹೇ ದಿವಾನಿ', 'ಬರ್ಫಿ', 'ಏ ದಿಲ್ ಹೈ ಮುಷ್ಕಿಲ್' ಸೇರಿದಂತೆ ಯಾವ ಸಿನಿಮಾಗಳೂ ಗಳಿಕೆಯಲ್ಲಿ 200 ಕೋಟಿ ರೂ. ಗಡಿ ದಾಟಿರಲಿಲ್ಲ.
200 ಕೋಟಿ ದಾಟಿದ ‘ಸಂಜು’ ಚಿತ್ರ
ಬಾಲಿವುಡ್ ನಟ ಸಂಜಯ್ದತ್ ಅವರ ಜೀವನ ಚರಿತ್ರೆ ಆಧಾರಿತ ರಣಬೀರ್ ಕಪೂರ್ ಅಭಿನಯದ 'ಸಂಜು' ಸಿನಿಮಾ ಬಿಡುಗಡೆಯಾಗಿ ವಾರದೊಳಗೆ 200 ಕೋಟಿ ರೂ ಗಳಿಕೆ ಮಾಡಿದೆ.
Vijaya Karnataka 7 Jul 2018, 9:49 am